完整藏文原文 · 德格版页 当前仅加载第 34 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིག་{བླ་དགས་,བླ་དྭགས་}སོ། །འཇམ་དཔལ་གྱིས་སྨྲས་པ། བཙུན་པ་ཤ་ར་དྭ་ཏིའི་བུ་དེ་དེ་བཞིན་ཏེ་བདག་ཅེས་བྱ་བ་དེ་གང་གི་ཚིག་{བླ་དགས་,བླ་དྭགས་}ཡིན་པ་སངས་རྒྱས་ཞེས་བྱ་བ་དེ་ཡང་དེའི་ཚིག་{བླ་དགས་,བླ་དྭགས་}སོ། །བཙུན་པ་ཤ་ར་དྭ་ཏིའི་བུ་ཡང་འདི་ལྟ་སྟེ། སངས་རྒྱས་ཞེས་བྱ་བ་དེ་ནི་གཞི་མེད་པའི་
D24.034.0155b01.01ཚིག་{བླ་དགས་,བླ་དྭགས་}སོ། །བཙུན་པ་ཤ་ར་དྭ་ཏིའི་བུ་སངས་རྒྱས་ཞེས་བྱ་བ་དེ་ནི་ཚིག་གིས་ཤེས་པར་བྱ་དཀའ་བའོ། །བཙུན་པ་ཤ་ར་དྭ་ཏིའི་བུ་ཚིག་ཀྱང་འདི་ནི་ཚིག་གོ་ཞེས་བརྟག་པར་དཀའ་ན་སངས་རྒྱས་ཞེས་བྱ་བ་ལྟ་ཅི་སྨོས། །བཙུན་པ་ཤ་ར་དྭ་ཏིའི་བུ་སངས་རྒྱས་ཞེས་བྱ་བ་དེ་གང་གི་ཚིག་{བླ་དགས་,བླ་དྭགས་}
D24.034.0155b02.01ཞེས་དེ་སྐད་སྨྲ་བ་ནི་གང་ཡང་དག་པར་མ་གྲུབ་པ་དང་མ་སྐྱེས་པ་དང་མི་འགག་པ་སྟེ། གང་ཆོས་གང་དང་ཡང་མི་ལྡན་པ་དེ་ལ་གཞི་ཅི་ཡང་མེད་ཅིང་གཞི་དབྱེར་མེད་ལ་གཞི་མེད་པ་སྟེ། བཙུན་པ་ཤ་ར་དྭ་ཏིའི་བུ་འདི་ལྟ་སྟེ། སངས་རྒྱས་ཞེས་བྱ་བ་དེ་ནི་དེའི་ཚིག་{བླ་དགས་,བླ་དྭགས་}སོ། །བཙུན་པ་ཤ་ར་དྭ་
D24.034.0155b03.01ཏིའི་བུ་དེ་བཞིན་གཤེགས་པ་ཚོལ་བར་འདོད་པས་ནི་བདག་བཙལ་བར་བྱའོ། །བཙུན་པ་ཤ་ར་དྭ་ཏིའི་བུ་བདག་ཅེས་བྱ་བ་དེ་ནི་སངས་རྒྱས་ཀྱི་ཚིག་{བླ་དགས་,བླ་དྭགས་}ཏེ། ཇི་ལྟར་བདག་ཅེས་བྱ་བ་ཤིན་ཏུ་མེད་ཅིང་མི་དམིགས་པ་དེ་བཞིན་དུ་སངས་རྒྱས་ཀྱང་ཤིན་ཏུ་མེད་ཅིང་མི་དམིགས་སོ། །ཇི་ལྟར་བདག་ཅེས་
D24.034.0155b04.01བྱ་བ་ཆོས་གང་གིས་ཀྱང་ཚིག་ཏུ་བརྗོད་པ་མ་ཡིན་པ་དེ་བཞིན་དུ་སངས་རྒྱས་ཀྱང་ཆོས་གང་གིས་ཀྱང་ཚིག་ཏུ་བརྗོད་པ་མ་ཡིན་ནོ། །གང་ལ་གྲངས་སུ་བྱ་བ་མེད་པ་དེ་ནི་སངས་རྒྱས་ཞེས་བྱ་སྟེ། བཙུན་པ་ཤ་ར་དྭ་ཏིའི་བུ་བདག་ཅེས་བྱ་བའི་གཞིའི་ཚིག་{བླ་དགས་,བླ་དྭགས་}དེ་ནི་ཤེས་པར་སླ་བ་མ་ཡིན་ནོ། །བཙུན་པ་ཤ་
D24.034.0155b05.01ར་དྭ་ཏིའི་བུ་དེ་བཞིན་དུ་སངས་རྒྱས་ཞེས་བྱ་བའི་གཞིའི་ཚིག་{བླ་དགས་,བླ་དྭགས་}འདི་ཡང་ཤེས་པར་སླ་བ་མ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇམ་དཔལ་གཞོན་ནུར་གྱུར་པ་འདི་ནི་ཇི་ལྟར་ལས་དང་པོ་པས་འཚལ་བར་འགྱུར་
D24.034.0155b06.01བ་དེ་ལྟ་བུ་མི་སྟོན་ཏོ། །དེ་སྐད་ཅེས་གསོལ་པ་དང་། འཇམ་དཔལ་གཞོན་ནུར་གྱུར་པས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤ་ར་དྭ་ཏིའི་བུ་ཁོ་བོ་ནི་ཇི་ལྟར་དགྲ་བཅོམ་པ་བྱས་པ་རྟོགས་པ་ཅན་གྱིས་ཀྱང་ཤེས་པར་འགྱུར་བ་དེ་ལྟ་བུའི་ཆོས་མི་སྟོན་ཏོ། །ཁོ་བོ་
D24.034.0155b07.01