完整藏文原文 · 德格版页 当前仅加载第 34 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་ཐམས་ཅད་ནི་འདི་ལྟ་སྟེ་སྐྱེ་བ་མེད་པའི་རོ་དང་། དངོས་པོ་མེད་པའི་རོ་དང་། འདོད་ཆགས་དང་བྲལ་བའི་རོ་དང་། རྣམ་པར་གྲོལ་བའི་རོ་དང་། འགོག་པའི་རོར་རོ་གཅིག་པའོ། །འཇམ་དཔལ་དེ་ལྟ་བས་ན་རིགས་ཀྱི་བུའམ། རིགས་ཀྱི་བུ་མོ་ཏིང་ངེ་འཛིན་འདི་དང་ལྡན་པ་དེ་ཆོས་
D24.034.0169b01.01གང་དང་གང་སྟོན་ཀྱང་དེ་དག་ཐམས་ཅད་འདི་ལྟ་སྟེ། སྐྱེ་བ་མེད་པའི་རོ་དང་། དངོས་པོ་མེད་པའི་རོ་དང་། འདོད་ཆགས་དང་བྲལ་བའི་རོ་དང་། རྣམ་པར་གྲོལ་བའི་རོ་དང་། འགོག་པའི་རོར་རོ་གཅིག་པར་སྟོན་པར་འགྱུར་རོ། །ཏིང་ངེ་འཛིན་འདི་ཐོབ་ནས་རིགས་ཀྱི་བུའམ། རིགས་
D24.034.0169b02.01ཀྱི་བུ་མོ་དེ་འདོད་ན་ངས་ཆོས་གང་ཅི་བསྟན་པ་དེ་འཆད་པ་དང་། རྣམ་པར་སྟོན་པ་དང་། ཉེ་བར་སྟོན་པར་འགྱུར་རོ། །འཇམ་དཔལ་དེ་ལྟར་ན་རིགས་ཀྱི་བུའམ། རིགས་ཀྱི་བུ་མོ་དེ་ཏིང་ངེ་འཛིན་འདི་ཐོབ་ནས་གང་ཅི་སྟོན་ཀྱང་དེ་དག་ཐམས་ཅད་མི་དམིགས་པའི་ཚུལ་དུ་མ་སྐྱེས་པ་དང་། མ་བྱུང་བ་དང་། དངོས་པོ་
D24.034.0169b03.01མེད་པར་སྟོན་པར་འགྱུར་རོ། །འཇམ་དཔལ་གཞན་ཡང་ཏིང་ངེ་འཛིན་འདི་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་མྱུར་དུ་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་རྫོགས་ནས་མྱུར་བ་ཉིད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་
D24.034.0169b04.01རྒྱ་བར་འགྱུར་རོ། །འཇམ་དཔལ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་གང་གི་ཚེ་བདག་གི་དབྱིངས་ནས་ཆོས་ཀྱི་དབྱིངས་ཀྱི་བར་དུ་སྐྱེ་བ་དང་། འགག་པ་དང་། གཅིག་ཁོ་ན་དང་། ཐ་དད་པ་ཁོ་ནར་ཡང་མི་མཐོང་ན་འཇམ་དཔལ་དེ་ལྟ་བུའི་བཟོད་པ་ཅན་གྱི་བྱང་ཆུབ་
D24.034.0169b05.01སེམས་དཔའ་སེམས་དཔའ་ཆེན་པོ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །རིགས་ཀྱི་བུ་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་མི་སེམས་པ་དང་། རྣམ་པར་མི་རྟོག་པ་དེའི་བཟོད་པ་འདི་ཡང་བྱང་ཆུབ་སེམས་
D24.034.0169b06.01དཔའི་ཆོས་རྣམས་དང་། སངས་རྒྱས་ཀྱི་ཆོས་རྣམས་ཐོབ་པར་འགྱུར་བའོ། །གང་ཡང་སངས་རྒྱས་ཉིད་ཀྱི་ཕྱིར་བྱང་ཆུབ་ཏུ་མི་སྨོན་པ་དེ་ལྟ་བུའི་བཟོད་པ་འདི་ཡང་རིགས་ཀྱི་བུ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མྱུར་བར་འགྱུར་བར་ངས་བཤད་དོ། །ཆོས་ཐམས་ཅད་
D24.034.0169b07.01