完整藏文原文 · 德格版页 当前仅加载第 34 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་སོན་པར་གྱུར་ལ། ཡང་དུས་གཞན་ཞིག་ན་དེའི་དྲུང་དུ་མི་ལ་ལ་ཞིག་སོང་སྟེ། གྲོང་ཁྱེར་དེའི་བསྔགས་པ་བརྗོད་ཅིང་ཀུན་དགའི་ར་བ་ཉམས་དགའ་བ་དང་། ཡུལ་ཉམས་དགའ་བ་དང་། རྫིང་བུ་ཉམས་དགའ་བ་དང་། སྐྱེད་མོས་ཚལ་ཉམས་དགའ་བ་དང་། ཆུ་
D24.034.0165a01.01མིག་དང་། མཚེའུ་དང་། མཚོ་བྲན་ཉམས་དགའ་བ་དང་། མེ་ཏོག་དང་། འབྲས་བུ་ཉམས་དགའ་བ་དེ་དག་གི་བསྔགས་པ་བརྗོད་ནས་དེས་དེ་ཐོས་པ་དང་། དགའ་བར་ཚོར་ཏེ་ཡིད་བདེ་བ་སྐྱེས་ནས་ཡང་དང་ཡང་དུ་འདི་སྐད་དུ་ཀྱེ་སྐྱེས་བུ་དེ་ཉིད་ཟློས་ཏེ་བརྗོད་ཅིག་ཅེས་འཚོལ་ན་
D24.034.0165a02.01མི་དེས་ནི་སྔོན་ཡང་གྲོང་ཁྱེར་དེ་དང་། ཀུན་དགའ་ར་བ་ཉམས་དགའ་བ་དང་། ཡུལ་ཉམས་དགའ་བ་དང་། རྫིང་བུ་ཉམས་དགའ་བ་དང་། སྐྱེད་མོས་ཚལ་ཉམས་དགའ་བ་དང་། ཆུ་མིག་དང་། མཚེའུ་དང་། མཚོ་བྲན་ཉམས་དགའ་བ་དང་། མེ་ཏོག་དང་། འབྲས་བུ་ཉམས་དགའ་
D24.034.0165a03.01བ་དག་ཀྱང་མྱོང་བ་ཡིན་པར་མི་དེས་དེ་ལྟར་རྟོགས་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེས་ཐོས་ནས་ཡིད་ཆེར་དགའ་བ་དང་། རབ་ཏུ་དགའ་བ་དང་། རབ་ཏུ་དགའ་བར་གྱུར་ཏེ། མགུ་བ་དང་། རངས་པ་དང་། ཡིད་བདེ་བ་སྐྱེས་པའི་ཕྱིར་རོ། །འོད་སྲུང་དེ་བཞིན་དུ་གང་དག་
D24.034.0165a04.01གིས་འཇམ་དཔལ་གཞོན་ནུར་གྱུར་པ་ལ་བསྙེན་བཀུར་བྱས་པར་གྱུར་པ་དང་། ཡང་དང་ཡང་དྲུང་དུ་འགྲོ་ཞིང་འདྲི་བ་བྱས་པར་གྱུར་པ་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་མ་སྐྱེས་པ་དང་། མ་བྱུང་བ་ནས་དངོས་པོ་མེད་པའི་བར་འདི་ཐོས་ན་རབ་ཏུ་དགའ་ཞིང་མགུ་བར་གྱུར་ཏེ།
D24.034.0165a05.01དགའ་བ་དང་མགུ་བ་ཆེར་སྐྱེད་ཅིང་ཚིག་འདི་སྐད་དུ་མ་ལ་འདི་ལྟ་སྟེ། མ་སྐྱེས་པ་དང་། མ་བྱུང་བ་ནས་དངོས་པོ་མེད་པའི་བར་དུ་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟ་བུ་འདི་ཉིད་ཇི་མཉན་ཏོ་ཞེས་སྨྲ་བར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་
D24.034.0165a06.01དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་མ་མཆིས་པའི་དུས་ན་དད་པའི་རིགས་ཀྱི་བུའམ། རིགས་ཀྱི་བུ་མོ་འབྱུང་བ་དེ་དག་གི་རྣམ་པ་དང་། རྟགས་དང་། མཚན་མ་བཅོམ་ལྡན་འདས་ཀྱིས་གང་དག་བཀའ་སྩལ་པ་དེ་དག་ཉིད་ལགས་སམ།
D24.034.0165a07.01