完整藏文原文 · 德格版页 当前仅加载第 34 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་དད་པ་ནས་སོ་སོའི་སྐྱེ་བོ་ཐ་དད་པའི་བར་དུ་མི་དམིགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཁྱོད་འདི་ལྟར་དེ་བཞིན་གཤེགས་པ་བསོད་ནམས་ཀྱི་ཞིང་བླ་ན་མེད་པ་ཡིན་པར་མི་འདོད་དམ། འཇམ་དཔལ་གྱིས་གསོལ་པ། བཅོམ་ལྡན་འདས་
D24.034.0160a01.01དངོས་པོ་མ་མཆིས་པའི་སླད་དུ་དེ་བཞིན་གཤེགས་པ་བསོད་ནམས་ཀྱི་ཞིང་སྟེ། དེའི་སླད་དུ་དེ་ནི་བསོད་ནམས་ཀྱི་ཞིང་བླ་ན་མ་མཆིས་པའོ། །དེ་ནི་ཞིང་གང་བ་མ་ལགས། ཞིང་མ་གང་བ་ཡང་མ་ལགས་ཤིང་ཞིང་མ་ལགས་པ་ཡང་མ་ལགས་ཏེ། དེའི་སླད་དུ་དེ་ནི་བསོད་ནམས་ཀྱི་ཞིང་
D24.034.0160a02.01བླ་ན་མ་མཆིས་པའོ། །བཅོམ་ལྡན་འདས་ཡང་དེ་ལ་ཆོས་གང་ཡང་ཡང་དག་པར་འགྲུབ་པར་མི་འགྱུར། བས་པར་མི་འགྱུར་ཏེ། དེ་ལྟར་ན་དེ་བསོད་ནམས་ཀྱི་ཞིང་ལགས་སོ། །དེ་ལ་ས་བོན་བཏབ་པ་ནི་རྣམ་པར་མི་འཕེལ་ཞིང་ཡོངས་སུ་མི་འགྲིབ་བོ། །བཅོམ་ལྡན་འདས་ཀྱིས་བཀའ་
D24.034.0160a03.01སྩལ་པ། འཇམ་དཔལ་ཁྱོད་ཀྱིས་ཅི་ལས་བསམས་ཏེ། ཞིང་དེ་ལས་ས་བོན་བཏབ་པ་རྣམ་པར་མི་འཕེལ་ཞིང་ཡོངས་སུ་མི་འགྲིབ་བོ་ཞེས་དེ་སྐད་སྨྲ། འཇམ་དཔལ་གྱིས་གསོལ་པ། བཅོམ་ལྡན་འདས་འདི་ལྟར་ཞིང་དེ་ནི་བསམ་གྱིས་མི་ཁྱབ་པ་སྟེ། དེ་ལྟར་ན་དེ་བསོད་
D24.034.0160a04.01ནམས་ཀྱི་ཞིང་ལགས་སོ། །དེ་ནས་དེའི་ཚེ་སངས་རྒྱས་ཀྱི་མཐུས་ས་ཆེན་པོ་རྣམ་པ་དྲུག་ཏུ་གཡོས་པར་གྱུར་ཏོ། །དགེ་སློང་ཁྲི་དྲུག་སྟོང་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དགེ་སློང་མ་བདུན་བརྒྱ་དང་དགེ་བསྙེན་སུམ་བརྒྱ་དང་། དགེ་བསྙེན་
D24.034.0160a05.01མ་བཞི་ཁྲི་དང་། འདོད་པ་ན་སྤྱོད་པའི་ལྷ་བྱེ་བ་ཁྲག་ཁྲིག་དྲུག་ཅུ་ནི་ཆོས་རྣམས་ལ་ཆོས་ཀྱི་མིག་རྡུལ་དང་བྲལ་ཞིང་དྲི་མ་མེད་པ་སྐྱེས་སོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ་ཆོས་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་
D24.034.0160a06.01ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིག་རྟེན་དུ་དོག་ས་ཆེར་གཡོས་པ་བྱུང་བ་འདིའི་རྒྱུ་གང་ལགས་རྐྱེན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་
D24.034.0160a07.01