完整藏文原文 · 德格版页 当前仅加载第 34 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཡེ་ཤེས་འདི་ནི་མ་བགྱིས་པ་སྟེ། དེའི་སླད་དུ་འདི་མི་བསྒྱུར་བ་ལགས་སོ། །བཅོམ་ལྡན་འདས་འདི་ལྟ་སྟེ་དཔེར་ན་ཀཱརཥཱ་པ་ཎ་རྟགས་མ་བཏབ་པ་ནི་བསྒྱུར་བ་ཡང་མ་ལགས། མི་བསྒྱུར་བ་ཡང་མ་ལགས་པའི་གྲངས་སུ་མཆིའོ། །བཅོམ་ལྡན་འདས་དེ་བཞིན་དུ་ཡེ་
D24.034.0163b01.01ཤེས་འདི་ཡང་མ་བགྱིས་པ་མ་བསྒྲུབས་པ། མ་བསྐྱེད་པ། མ་ཕྱུང་བ། མ་འགགས་པ་སྟེ། དེའི་སླད་དུ་མི་བསྒྱུར་བ་ལགས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་དེ་བཞིན་གཤེགས་པའི་ཡེ་ཤེས་བསྟན་པ་འདི་ལ་
D24.034.0163b02.01འདི་ལྟར་བསྟན་པར་སུ་དག་མོས། འཇམ་དཔལ་གྱིས་གསོལ་པ། བཅོམ་ལྡན་འདས་གང་དག་འཁོར་བའི་ཆོས་ཅན་ཡང་མ་ལགས་ལ། ཡོངས་སུ་མྱ་ངན་ལས་འདས་པའི་ཆོས་ཅན་ཡང་མ་ལགས་པ་དང་། གང་དག་འཇིག་ཚོགས་ལ་ཡང་མ་བསྐྱོད་པ་དང་། གང་དག་འདོད་ཆགས་དང་། ཞེ་
D24.034.0163b03.01སྡང་དང་། གཏི་མུག་ཀྱང་མ་བས་པ་དེ་དག་མོས་སོ། །དེ་ཅིའི་སླད་དུ་ཞེ་ན། མི་བས་པ་ནི་བས་པར་མི་འགྱུར་ཏེ། ཡོངས་སུ་བས་པར་ཡང་མི་མཆིའོ། །གང་དག་འཁོར་བ་ལས་ཀྱང་མ་འདས་ལ་འཁོར་བའི་གྲངས་སུ་ཡང་མི་མཆི་བ་དང་། གང་དག་ལམ་དང་བྲལ་བ་ཡང་མ་ལགས་ཤིང་ལམ་
D24.034.0163b04.01གྱི་འདུ་ཤེས་ཀྱང་མི་སྐྱེད་པ་དེ་དག་གིས་བསྟན་པ་འདིའི་དོན་འཚལ་བར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ལེགས་སོ་ལེགས་སོ། །ཁྱོད་ཀྱི་ཚིག་འདི་ལེགས་པར་སྨྲས་
D24.034.0163b05.01པའོ། །དེ་ནས་དེའི་ཚེ་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་མ་མཆིས་པའི་དུས་ན་གང་ལ་ལ་ཆོས་འདུལ་བ་ཟབ་མོ་འདི་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཉན་པ་དང་། མོས་པ་དང་། ཀུན་འཚལ་བ་དང་།
D24.034.0163b06.01རབ་ཏུ་འཛིན་པར་འགྱུར་བ་འབྱུང་བ་མཆིས་སམ་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་འཁོར་འདི་ཉིད་ན་ཡང་གང་དག་མ་འོངས་པའི་དུས་ན་ཆོས་འདུལ་བ་ཟབ་མོ་འདི་དང་། ཤེས་རབ་ཀྱི་ཕ་རོལ་
D24.034.0163b07.01