完整藏文原文 · 德格版页 当前仅加载第 40 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་དག་སྒྲ་ཞེས་བྱ། །སངས་རྒྱས་རྣམས་ཀྱི་བསྔགས་བརྗོད་པས། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་རྣམ་དག་དྲན་ཞེས་བྱ། །ཏིང་འཛིན་བསྔགས་པ་བརྗོད་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་རྣམ་དག་སྤོབས་
D55.040.0198b01.01ཞེས་བྱ། །ཀུན་འཛིན་བསྔགས་པ་བརྗོད་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་འཐུན་ཞེས་བྱ་བ་ཡིན། །རྩོད་པ་དག་ནི་བསྡུམས་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་དོན་རབ་བསྟན་ཅེས་བྱ། །སྟོང་ཉིད་
D55.040.0198b02.01རབ་ཏུ་རྟོགས་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་ཁ་དོག་སྔོ་ཞེས་བྱ། །པད་མ་སྔོན་པོས་མཆོད་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་ཁ་དོག་སེར་ཞེས་བྱ། །ཙམ་པ་ཀས་ནི་མཆོད་པས་ན། །དེ་ཕྱིར་དེ་
D55.040.0198b03.01ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་ཁ་དོག་དམར་ཞེས་བྱ། །མུ་ཏིག་དག་གིས་མཆོད་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་ཁ་དོག་དཀར་ཞེས་བྱ། །གསེར་གྱི་གདུགས་ཀྱིས་མཆོད་པས་ན། །དེ་ཕྱིར་དེ་ལས་སྐྱེས་པ་
D55.040.0198b04.01ཡིན། །ང་ལ་འོད་ཟེར་ཡང་ཡོད་དེ། །དེ་མིང་ཡོན་ཏན་མཆོག་ཅེས་བྱ། །ཚོན་སྣ་མང་པོས་བརྒྱན་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་ཀླུའི་གཟི་ཞེས་བྱ། །ཀླུ་ཡི་བ་དན་གྱིས་མཆོད་པས། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་
D55.040.0198b05.01ཡང་ཡོད་དེ། །དེ་མིང་གླང་པོའི་གཟི་ཞེས་བྱ། །གླང་པོའི་བ་དན་གྱིས་མཆོད་པས། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་སེང་གེ་རྒྱལ་ཞེས་བྱ། །སེང་གེའི་བ་དན་གྱིས་མཆོད་པས། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །
D55.040.0198b06.01དེ་མིང་ཁྱུ་མཆོག་རྒྱལ་ཞེས་བྱ། །ཁྱུ་མཆོག་བ་དན་གྱིས་མཆོད་པས། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་རྣམ་དག་ཟླ་བ་ཡིན། །སངས་རྒྱས་མཆོད་རྟེན་ཕྱགས་པས་ན། །དེ་ཕྱིར་དེ་ལས་སྐྱེས་པ་ཡིན། །ང་ལ་འོད་ཟེར་ཡང་ཡོད་དེ། །དེ་མིང་
D55.040.0198b07.01