完整藏文原文 · 德格版页 当前仅加载第 40 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་མཁྱེན་པ་མཆོག་ལྡན་པས། །ཉོན་མོངས་ཟད་པ་ཐམས་ཅད་རབ་ཏུ་མཁྱེན། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པ་མཁྱེན་པ་མཆོག་ལྡན་པས། །བླ་མེད་བྱང་ཆུབ་
D55.040.0215a01.01ཡང་དག་མངོན་སངས་རྒྱས། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པ་མཁྱེན་པ་མཆོག་ལྡན་པས། །ཉོན་མོངས་བག་ཆགས་དག་ནི་རབ་ཏུ་སྤངས། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་
D55.040.0215a02.01རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པ་མཁྱེན་པ་མཆོག་ལྡན་པས། །འཁོར་བ་ངེས་འབྱུང་ཆོས་ནི་རབ་ཏུ་མཁྱེན། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པས་ཆོས་དོན་རབ་མཁྱེན་པས། །
D55.040.0215a03.01སེམས་ཅན་དཔག་མེད་རྣམས་ནི་གོ་བར་མཛད། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པས་ཆོས་ཉིད་སྒྱུ་མ་དང་། །རྨི་ལམ་སྨིག་རྒྱུ་ལྟ་བུར་རབ་ཏུ་མཁྱེན། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་
D55.040.0215a04.01རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པས་འཇིག་རྟེན་ཐམས་ཅད་ཀྱི། །ཡི་གེ་དག་དང་བརྗོད་པ་རབ་ཏུ་མཁྱེན། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པ་སྤོབས་པ་མཆོག་ལྡན་པས། །
D55.040.0215a05.01དམ་ཆོས་ཟབ་མོ་དག་ནི་སྟོན་པར་མཛད། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པ་སྐུ་གསུང་ཐུགས་དུལ་པས། །ཐམས་ཅད་ཡེ་ཤེས་རྗེས་སུ་འབྲང་བར་མཛད། །བདག་ཀྱང་དེ་འདྲའི་ཡེ་ཤེས་གྲུབ་གྱུར་
D55.040.0215a06.01ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་པས་དུས་གསུམ་རབ་མཁྱེན་པས། །འཛིན་དང་ཆགས་པ་མི་མངའ་ཐོགས་མི་མངའ། །བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས། །འཇིག་རྟེན་ཐམས་ཅད་ལ་ནི་ཕན་བགྱིད་ཤོག །དེ་བཞིན་གཤེགས་
D55.040.0215a07.01