完整藏文原文 · 德格版页 当前仅加载第 40 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་བདག་ལ་མཚན་མེད་པས། །ལེན་དང་རྣམ་རྟོག་མེད་པར་ནི། །དེ་ལྟར་གང་ཞིག་རྟོགས་གྱུར་པ། །ཀུན་འཛིན་སྒོ་ནི་རྫོགས་པར་བྱེད། །གལ་ཏེ་བདག་ལ་སྨོན་མེད་པས། །ལེན་དང་རྣམ་རྟོག་མེད་པར་ནི། །དེ་ལྟར་གང་ཞིག་རྟོགས་གྱུར་པ། །ཀུན་འཛིན་སྒོ་ནི་རྫོགས་པར་བྱེད། །གལ་ཏེ་
D55.040.0254a01.01བདག་ལ་གནས་མེད་པས། །ལེན་དང་རྣམ་རྟོག་མེད་པར་ནི། །དེ་ལྟར་གང་ཞིག་རྟོགས་གྱུར་པ། །ཀུན་འཛིན་སྒོ་ནི་རྫོགས་པར་བྱེད། །གལ་ཏེ་བདག་ལ་སྐྱེ་མེད་པས། །ལེན་དང་རྣམ་རྟོག་མེད་པར་ནི། །དེ་ལྟར་གང་ཞིག་རྟོགས་གྱུར་པ། །ཀུན་འཛིན་སྒོ་ནི་རྫོགས་པར་བྱེད། །གལ་ཏེ་བདག་ལ་འགག་
D55.040.0254a02.01མེད་པས། །ལེན་དང་རྣམ་རྟོག་མེད་པར་ནི། །དེ་ལྟར་གང་ཞིག་རྟོགས་གྱུར་པ། །ཀུན་འཛིན་སྒོ་ནི་རྫོགས་པར་བྱེད། །གལ་ཏེ་བདག་ལ་ཡིག་མེད་པས། །ལེན་དང་རྣམ་རྟོག་མེད་པར་ནི། །དེ་ལྟར་གང་ཞིག་རྟོགས་གྱུར་པ། །ཀུན་འཛིན་སྒོ་ནི་རྫོགས་པར་བྱེད། །གལ་ཏེ་བདག་ནི་ཡིག་བྲལ་བས། །ལེན་
D55.040.0254a03.01དང་རྣམ་རྟོག་མེད་པར་ནི། །དེ་ལྟར་གང་ཞིག་རྟོགས་གྱུར་པ། །ཀུན་འཛིན་སྒོ་ནི་རྫོགས་པར་བྱེད། །མིག་གི་སྔོན་དང་ཕྱི་མཐའ་དག །རྟག་ཆད་དག་ནི་སྤངས་པ་དང་། །རྒྱུ་རྐྱེན་རང་བཞིན་སྟོང་བར་ནི། །འདྲེན་པས་ཐབས་ཀྱིས་བསྟན་རིག་བྱོས། །གལ་ཏེ་ཆོས་ནི་སྟོན་པའི་ཚེ། །མིག་གི་མཚན་ཉིད་རྟོག་བྱེད་ན། །
D55.040.0254a04.01དེ་ནི་མི་བདེན་རྟོག་ཡིན་པས། །ཡང་དག་ཆོས་བསྟན་ཞེས་མི་བྱ། །གལ་ཏེ་ཆོས་ནི་སེམས་པའི་ཚེ། །མིག་གི་མཚན་ཉིད་རྟོག་བྱེད་ན། །དེ་ནི་མི་བདེན་རྟོག་ཡིན་པས། །ཆོས་སེམས་པ་ཞེས་མི་བྱའོ། །གལ་ཏེ་ཆོས་ནི་སྒོམ་པའི་ཚེ། །མིག་གི་མཚན་ཉིད་རྟོག་བྱེད་ན། །དེ་ནི་མི་བདེན་རྟོག་ཡིན་པས། །ཆོས་སྒོམ་པ་ཞེས་མི་བྱའོ། །
D55.040.0254a05.01གང་ཞིག་མིག་གི་སྟོང་ཉིད་རྟོགས། །བྱང་ཆུབ་གཞོལ་བར་མི་བྱེད་ན། །སངས་རྒྱས་གང་ཟག་དེ་དག་ལ། །རྟག་ཏུ་མངོན་སུམ་ཆོས་སྟོན་མཛད། །གལ་ཏེ་མིག་ནི་མ་རྟོགས་ན། །གཟུགས་ཀྱང་རྟོགས་པར་མི་འགྱུར་ལ། །གལ་ཏེ་མིག་ནི་རྟོགས་གྱུར་ན། །གཟུགས་ཀྱང་རབ་ཏུ་རྟོགས་པར་འགྱུར། །གལ་ཏེ་མིག་ནི་རྟོགས་
D55.040.0254a06.01གྱུར་ན། །གཟུགས་ཀྱང་རབ་ཏུ་རྟོགས་འགྱུར་ལ། །གལ་ཏེ་གཟུགས་ནི་རྟོགས་གྱུར་ན། །མིག་ཀྱང་རབ་ཏུ་རྟོགས་པར་འགྱུར། །རྣ་བ་སྣ་ལྕེ་ལུས་དང་ཡིད། །ཡུལ་དྲུག་དང་ནི་འབྱུང་ཆེན་བཞི། །འཇིག་རྟེན་སྐྱེ་བའི་མིང་གི་བར། །ཐམས་ཅད་དེ་བཞིན་སྦྱར་བར་བྱ། །གལ་ཏེ་ཆོས་ནི་སྟོན་པའི་ཚེ། །རྒྱུ་ཡི་མཚན་
D55.040.0254a07.01