完整藏文原文 · 德格版页 当前仅加载第 40 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་ཞེན་པ་ཅི་ཡང་མེད། །དེས་ནི་མིག་གི་སྐྱེ་མཐའ་དང་། །མཐའ་དང་རབ་དབེན་འཇུག་པ་དང་། །ཅི་ཡང་མེད་དང་སྐྱེ་མེད་ནས། །ཉེ་བར་ཞི་བའི་བར་དག་དང་། །འདི་ལ་སོགས་པའི་བརྗོད་པ་རྣམས། །རང་བཞིན་གྱིས་ནི་བསྟན་མེད་པར། །རབ་
D55.040.0249a01.01ཏུ་རྟོགས་པར་གྱུར་པས་ན། །དེ་ལ་ཞེན་པ་ཅི་ཡང་མེད། །རྣ་བ་སྣ་ལྕེ་ལུས་དང་ཡིད། །ཡུལ་དྲུག་དང་ནི་འབྱུང་ཆེན་བཞི། །འཇིག་རྟེན་སྐྱེ་བའི་མིང་གི་བར། །ཐམས་ཅད་དེ་བཞིན་སྦྱར་བར་བྱ། །དེས་ནི་འདོད་ཆགས་སངས་རྒྱས་ལམ། །རང་བཞིན་དབྱེར་མེད་
D55.040.0249a02.01ཡིན་པར་ནི། །རབ་ཏུ་རྟོགས་པར་གྱུར་པས་ན། །འདོད་ཆགས་ལ་ནི་ཞེན་པ་མེད། །སངས་རྒྱས་ལམ་ནི་ཐམས་ཅད་ཀུན། །ཉོན་མོངས་ལས་ནི་བཙལ་བར་བྱ། །རང་བཞིན་དབྱེར་མེད་རབ་ཤེས་ན། །ཀུན་འཛིན་སྒོར་ནི་ཞུགས་པ་ཡིན། །འདོད་ཆགས་ཀུན་འཛིན་
D55.040.0249a03.01ཡིན་པ་དང་། །ཀུན་འཛིན་འདོད་ཆགས་ཡིན་སྟོན་ཅིང་། །རང་བཞིན་དབྱེར་མེད་རབ་ཤེས་ན། །ཀུན་འཛིན་སྒོར་ནི་སློབ་པ་ཡིན། །དེ་བཞིན་འདོད་ཆགས་གང་མཆོད་པ། །དེ་ནི་སངས་རྒྱས་མཆོད་པ་ཡིན། །སངས་རྒྱས་ལ་ནི་མཆོད་པའི་ཕྱིར། །ཀུན་འཛིན་སྒོར་ནི་རྫོགས་
D55.040.0249a04.01པར་འགྱུར། །དེས་ནི་ཞེ་སྡང་སངས་རྒྱས་ལམ། །རང་བཞིན་དབྱེར་མེད་ཡིན་པར་ནི། །རབ་ཏུ་རྟོགས་པར་གྱུར་བས་ན། །ཞེ་སྡང་ལ་ནི་ཞེན་པ་མེད། །ཞེ་སྡང་ཀུན་འཛིན་ཡིན་པ་དང་། །ཀུན་འཛིན་ཞེ་སྡང་ཡིན་སྟོན་ཅིང་། །རང་བཞིན་དབྱེར་མེད་རབ་ཤེས་ན། །ཀུན་
D55.040.0249a05.01འཛིན་སྒོ་ནི་སློབ་པ་ཡིན། །དེ་བཞིན་ཞེ་སྡང་གང་མཆོད་པ། །དེ་ནི་སངས་རྒྱས་མཆོད་པ་ཡིན། །སངས་རྒྱས་ལ་ནི་མཆོད་པའི་ཕྱིར། །ཀུན་འཛིན་སྒོ་ནི་རྫོགས་པར་འགྱུར། །དེས་ནི་གཏི་མུག་སངས་རྒྱས་ལམ། །རང་བཞིན་དབྱེར་མེད་ཡིན་པར་ནི། །རབ་ཏུ་རྟོགས་པར་གྱུར་པས་ན། །
D55.040.0249a06.01གཏི་མུག་ལ་ནི་ཞེན་པ་མེད། །གལ་ཏེ་གཏི་མུག་ཉིད་ཀྱི་མཐའ། །ཡང་དག་ཇི་བཞིན་རྟོགས་གྱུར་ན། །དེས་ནི་སངས་རྒྱས་ལམ་བསྒྲུབས་པས། །ཀུན་འཛིན་སྒོ་ནི་རྫོགས་པར་འགྱུར། །གཏི་མུག་ཀུན་འཛིན་ཡིན་པ་དང་། །ཀུན་འཛིན་གཏི་མུག་ཡིན་སྟོན་ཅིང་། །རང་བཞིན་དབྱེར་
D55.040.0249a07.01