完整藏文原文 · 德格版页 当前仅加载第 40 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ནི། །སྒྲ་དང་མིང་ལ་སོགས་པའི་བར། །ཆོས་ནི་རྣམ་པ་ཉི་ཤུ་ལྔ། །ཐམས་ཅད་དེ་བཞིན་སྦྱར་བར་བྱ། །གང་ཞིག་མིག་གི་རྒྱུ་རྐྱེན་ཉིད། །ཡང་དག་སྟོང་ཞིང་དབེན་པ་དང་། །མཐར་ནི་བདག་ཡོད་མ་ཡིན་པར། །སེམས་པར་བྱེད་པ་གང་ཡིན་པ། །
D55.040.0240a01.01གང་ཟག་དེས་ནི་དེ་བཞིན་དུ། །ཡང་དག་ངེས་པ་ཁོ་ནར་ནི། །སེམས་ཀྱི་ཏིང་འཛིན་གང་ཡིན་པ། །ཡོངས་སུ་རྫོགས་པར་བྱེད་པར་འགྱུར། །གང་ཞིག་མིག་གི་རྟེན་འབྲེལ་དང་། །མིག་མི་རྟག་པའི་མཚན་ཉིད་དག །ངེས་པ་ཉིད་དུ་རྟོགས་གྱུར་ནས། །སེམས་པར་བྱེད་
D55.040.0240a02.01པ་གང་ཡིན་པ། །གང་ཟག་དེས་ནི་དེ་བཞིན་དུ། །མིག་གི་རྒྱུ་རྐྱེན་གང་ཡིན་དང་། །མཐར་ནི་ཡོད་པ་མ་ཡིན་པ། །ཡང་དག་ཇི་བཞིན་རྟོགས་པར་འགྱུར། །རྣ་བ་སྣ་ལྕེ་ལུས་ནས་ནི། །སྒྲ་དང་མིང་ལ་སོགས་པའི་བར། །ཆོས་ནི་རྣམ་པ་ཉི་ཤུ་ལྔ། །ཐམས་ཅད་དེ་བཞིན་
D55.040.0240a03.01སྦྱར་བར་བྱ། །དེ་ཡི་ཚེ་ན་བཅོམ་ལྡན་འདས། །གྲོང་ཁྱེར་དུ་ནི་གཤེགས་པའི་ཚེ། །ཞབས་ནི་ས་ལ་རེག་ཙམ་གྱིས། །དངོས་པོ་ངོ་མཚར་རབ་བསྟན་པ། །དེང་འདིར་བདག་གི་མདོར་བསྡུས་ནས། །ཡོན་ཏན་ཕྱོགས་ནི་ཅུང་ཟད་ཅིག །སེམས་ཅན་དགའ་བ་བསྐྱེད་
D55.040.0240a04.01པའི་ཕྱིར། །ཡང་དག་པར་ནི་བསྟན་པར་བྱ། །དེ་ཚེ་ལྷ་མི་འདྲེན་པ་ཡིས། །སྤུ་ཡི་ཁུང་བུ་གཅིག་ནས་ནི། །འོད་ཟེར་བརྒྱ་སྟོང་ཚད་མེད་སྙེད། །རབ་ཏུ་བཀྱེ་བར་གྱུར་པས་ན། །འོད་ཟེར་དག་ནི་རེ་རེས་ཀྱང་། །ཞིང་ནི་ཚད་མེད་གསལ་མཛད་ནས། །སེམས་ཅན་མང་པོ་ཀུན་
D55.040.0240a05.01གྱི་ཕྱིར། །སངས་རྒྱས་མཛད་པ་རབ་ཏུ་མཛད། །གང་ཞིག་འདས་པའི་དུས་སུ་ནི། །སངས་རྒྱས་རྣམས་ལ་མཆོད་པ་དང་། །ཡུན་རིང་སྦྱིན་དང་ཚུལ་ཁྲིམས་དག །མངོན་པར་བསྒྲུབས་པ་གང་ཡིན་པ། །དེ་ལྟ་བུ་ཡི་གང་ཟག་དག །དེས་ནི་ཇི་སྐད་བསྟན་པ་ཡི། །རྫུ་
D55.040.0240a06.01འཕྲུལ་དངོས་པོ་ཐོས་གྱུར་ན། །རབ་ཏུ་དགའ་ཞིང་མོས་པར་འགྱུར། །གང་ཞིག་སངས་རྒྱས་རྫུ་འཕྲུལ་རྣམས། །ཉན་ཐོས་དང་ནི་རང་རྒྱལ་གྱི། །སྤྱོད་ཡུལ་མིན་པར་རབ་ཤེས་ནས། །དེ་ལྟ་བུ་ཡི་གང་ཟག་དག །དེས་ནི་ཇི་སྐད་བསྟན་པ་ཡི། །རྫུ་འཕྲུལ་དག་ནི་ཐོས་གྱུར་
D55.040.0240a07.01