完整藏文原文 · 德格版页 当前仅加载第 40 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
སྤོང་བའི་སྤྱོད་པ་དག་ལ་བརྩོན་འགྲུས་ཀྱིས་གྲུབ་པར་བྱེད་པ་དང་། སངས་རྒྱས་ཀྱི་མཚན་དང་དཔེ་བྱད་ཀྱི་བཀོད་པ་དག་ཕུན་སུམ་ཚོགས་པར་བྱེད་པ་གང་ཡིན་པ་འདི་ནི་རྣམ་པ་བརྒྱད་ཅུ་ཞེས་བྱའོ། །གཞན་ཡང་ཟླ་འོད་གཞོན་ནུ་ཆོས་བརྒྱད་ཅུ་པོ་འདི་དག་ནི་ཆོས་ལྔའི་ནང་དུ་འཇུག་པར་འགྱུར་རོ། །
D55.040.0210b01.01ཆོས་ལྔ་གང་ཞེ་ན། འདི་ལྟ་སྟེ། འཁོར་བ་ཤེས་པ་དང་། མྱ་ངན་ལས་འདས་པ་ཤེས་པ་དང་། ཉོན་མོངས་པ་ཟད་པ་ཤེས་པ་དང་། མཆོག་ཏུ་གྱུར་པ་ཤེས་པ་དང་། བསོད་ནམས་ཀྱི་འབྲས་བུ་ཤེས་པ་གང་ཡིན་པའོ། །གཞན་ཡང་ཟླ་འོད་གཞོན་ནུ་ཆོས་ལྔ་པོ་དེ་དག་ནི་ཆོས་གཉིས་
D55.040.0210b02.01ཀྱི་ནང་དུ་འཇུག་པར་འགྱུར་རོ། །གཉིས་གང་ཞེ་ན། འདི་ལྟ་སྟེ། སེམས་ཡོངས་སུ་དག་པས་རབ་ཏུ་བརྒྱན་པ་དང་། གཟུགས་ཡོངས་སུ་དག་པས་རབ་ཏུ་བརྒྱན་པ་གང་ཡིན་པའོ། །གཞན་ཡང་ཟླ་འོད་གཞོན་ནུ་ཆོས་གཉིས་པོ་དེ་དག་ནི་ཆོས་གཅིག་གི་ནང་དུ་འཇུག་པར་འགྱུར་རོ། །
D55.040.0210b03.01གཅིག་གང་ཞེ་ན། འདི་ལྟ་སྟེ། དེ་བཞིན་གཤེགས་པ་རྣམས་ཀྱི་ཐོགས་པ་མི་མངའ་བའི་རྣམ་པར་གྲོལ་བ་མངོན་པར་གྲུབ་པ་གང་ཡིན་པའོ། །གཞན་ཡང་ཟླ་འོད་གཞོན་ནུ་ཡང་ཆོས་རྣམ་པ་བརྒྱད་ཅུ་ཡོད་དེ། དེ་དག་གིས་དེ་བཞིན་གཤེགས་པ་རྣམས་ཀྱི་ཐོགས་པ་མི་མངའ་བའི་
D55.040.0210b04.01རྣམ་པར་གྲོལ་བ་ལེགས་པར་ཡོངས་སུ་རྫོགས་པར་བྱེད་པའོ། །རྣམ་པ་བརྒྱད་ཅུ་གང་ཞེ་ན། འདི་ལྟ་སྟེ། སྦྱིན་པའི་ཚོགས་དང་། ཤེས་རབ་རྒྱ་ཆེན་པོར་གྱུར་པ་དང་། ཚུལ་ཁྲིམས་རྣམ་པར་དག་པ་ཡོངས་སུ་སྒྲུབ་པ་དང་། ཉོན་མོངས་པའི་གདུང་བ་དང་བྲལ་བ་དང་། ང་རྒྱལ་
D55.040.0210b05.01རབ་ཏུ་བཅོམ་པ་དང་། ཚིག་མཉེན་པ་དང་། དངོས་པོ་སྣ་ཚོགས་རབ་ཏུ་ཤེས་པ་དང་། དགེ་བའི་གྲོགས་པོ་ཡོངས་སུ་ཤེས་པ་དང་། ཐེག་པ་ཆེན་པོ་ལ་ཡང་དག་པར་གཞོལ་བ་དང་། བརྩོན་འགྲུས་ཀྱི་གོ་ཆ་བགོས་པ་དང་། སྤྱོད་ལམ་གྱིས་སེམས་ཅན་འདུལ་བ་དང་། ཉོན་མོངས་
D55.040.0210b06.01པར་ལྟུང་བ་རྣམས་ཀྱི་ཐེ་ཚོམ་རབ་ཏུ་གཅོད་པ་དང་། མི་དགེ་བ་རྣམས་ལ་སྨོད་ཅིང་ཆོས་དཀར་པོ་རྣམས་མངོན་པར་བསྒྲུབ་པ་དང་། མི་དགེ་བའི་གྲོགས་པོ་དང་མི་འགྲོགས་པ་དང་། དགེ་བའི་རྩ་བ་རྣམས་བསྐྱེད་པ་ལ་ཡོངས་སུ་སྐྱོབ་མེད་པ་དང་། བྱང་ཆུབ་ཏུ་སེམས་བསྐྱེད་པ་དང་། བརྩོན་
D55.040.0210b07.01