完整藏文原文 · 德格版页 当前仅加载第 40 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་སྟོང་དབེན་དང་། །འགྲོ་འོང་མ་མཆིས་གནས་པ་མ་མཆིས་དང་། །སྨིག་རྒྱུ་ཆུ་བུར་ལྟ་བུར་རབ་མཁྱེན་པ། །རྒྱུ་རྐྱེན་གང་གི་སླད་དུ་འཛུམ་བསྟན་ལགས། །དེ་བཞིན་རྣ་བ་སྣ་ལྕེ་ལུས་དང་ཡིད། །གཟུགས་སྒྲ་དྲི་རོ་རེག་བྱ་ཆོས་རྣམས་ནས། །སྒྲ་དང་མིང་ལ་སོགས་པའི་
D55.040.0219a01.01བར་དུ་ཡང་། །ཐམས་ཅད་དེ་བཞིན་དུ་ནི་རིག་པར་བགྱི། །རྡོ་རྗེ་རྟག་པའི་སྐུ་དང་མི་འཇིག་སྐུ། །མཚན་མཆོག་བརྒྱ་སྟོང་དག་ནི་ཕུན་སུམ་ཚོགས། །སྐུ་ལ་འཁྲུལ་འཁོར་མི་མངའ་གཡོ་མཛད་པ། །རྒྱུ་རྐྱེན་གང་སླད་འཛུམ་པ་བཤད་དུ་གསོལ། །བྱིན་པ་ཟླུམ་ཞིང་ཞབས་ཀྱི་རྟིང་པ་རིང་། །
D55.040.0219a02.01ཕྱལ་གྱི་མཚན་མ་མི་གདའ་སེང་གེ་འདྲ། །ལྟེ་བ་ཤིན་ཏུ་ཟབ་ཅིང་རྐེད་རྒྱས་པ། །རྒྱུ་རྐྱེན་གང་སླད་འཛུམ་མཛད་བཤད་དུ་གསོལ། །གསེར་སྐུ་རྣམ་དག་རྡུལ་དང་དྲི་མ་སྤངས། །བ་སྤུ་རེ་རེ་ཁ་དོག་མཐོན་མཐིང་ལྡན། །གཡས་སུ་འཁྱིལ་ཅིང་སྤོས་ཀྱི་ངད་ལྡང་བ། །རྒྱུ་རྐྱེན་གང་སླད་
D55.040.0219a03.01འཛུམ་མཛད་བཤད་དུ་གསོལ། །སྐུ་མཆོག་དམ་པ་ཡོངས་རྫོགས་རྟག་གནས་པ། །དཔེར་ན་ནྱ་གྲོ་དྷ་ཡི་ཤིང་རྒྱལ་བཞིན། །ཡོན་ཏན་ཐམས་ཅད་ཀྱིས་ནི་རབ་ཏུ་བརྒྱན། །གསུང་དབྱངས་དག་གིས་འཁོར་ནི་དགའ་བར་མཛད། །དཔུང་པ་ཟླུམ་ཞིང་ཕྲག་པ་སྟུག་ལ་མཛེས། །གཙུག་
D55.040.0219a04.01ཏོར་ཡོངས་རྫོགས་གཡས་སུ་འཁྱིལ་བར་གདའ། །ཞིང་ནི་བརྒྱ་སྟོང་དཔག་མེད་རྒྱུ་བར་མཛད། །སེམས་ཅན་ལོག་དང་ཡང་དག་ལམ་སྟོན་མཛད། །ཚེམས་དཀར་དྲི་མི་མངའ་བས་དུང་དང་འདྲ། །ལྗགས་མཚན་སྲིད་རིང་ཞལ་ནི་ཀུན་དུ་ཁེབས། །འགྲམ་པ་སེང་གེ་འདྲ་ཞིང་ཤངས་ནི་
D55.040.0219a05.01མཐོ། །ཐམས་ཅད་ཐབས་དང་རྣམ་དག་ཐུགས་ལས་སྐྱེས། །ཨུད་པ་ལ་ཡི་བསུང་ནི་ཞལ་ནས་འབྱུང་། །ཙན་དན་དྲི་དག་སྐུ་ནི་ཀུན་དུ་ཁྱབ། །སྔོན་ནི་བྱམས་པ་རྒྱ་ཆེར་བསྒོམས་པས་ན། །རྣམ་དག་མོས་པ་རྟག་ཏུ་རྒྱུན་མི་འཆད། །དེ་བཞིན་གཤེགས་པའི་ཞབས་མཐིལ་ཤིན་ཏུ་མཉམ། །
D55.040.0219a06.01ས་ལ་རེག་ཀྱང་རྡུལ་ནི་གོས་མི་འགྱུར། །གོམ་པ་སེང་གེ་གླང་པོ་ཆེ་འདྲ་བས། །འཇིག་རྟེན་ཐམས་ཅད་ལས་ནི་ཡང་དག་འདས། །འཁོར་ལོ་རྩིབས་སྟོང་མཚན་གྱིས་མཛེས་པར་བརྒྱན། །ཁྱད་འཕགས་འོད་ཟེར་དག་ནི་རབ་ཏུ་གསལ། །དགེ་བ་དག་གིས་སྐྱེ་དགུ་ཕན་འདོགས་པས། །གང་
D55.040.0219a07.01