完整藏文原文 · 德格版页 当前仅加载第 40 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིགས་སུ་བཅད་པ་འདི་དག་གིས་མངོན་པར་བསྟོད་དེ། བཅོམ་ལྡན་འདས་ལ་ཞུ་བ་ཞུས་པ། འབྲུག་དང་སེང་གེའི་སྒྲ་སྒྲོགས་ཤིང་། །ཀ་ལ་པིང་ཀའི་སྒྲ་ཕྱུང་བས། །ཆོས་རྔ་ཆེན་པོའི་སྒྲ་འབྱིན་པ། །ཅི་ཡི་སླད་དུ་འཛུམ་པ་མཛད། །ཉི་མ་སྟོང་བས་ཁྱད་པར་འཕགས། །རྣམ་པར་སྒྲ་རབ་དག་
D55.040.0216b01.01དང་ལྡན། །ཡོན་ཏན་ངོ་མཚར་རབ་མངའ་བ། །ཅི་སླད་འོད་ཟེར་བཀྱེ་བ་མཛད། །སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་རབ་བརྒྱན་པས། །ཐམས་ཅད་དག་ནི་ཡོངས་རྫོགས་པས། །ཅི་སླད་འོད་ཟེར་བཀྱེ་བ་མཛད། །དེ་བཞིན་གཤེགས་པ་དབྱངས་
D55.040.0216b02.01མཉེན་པས། །ངག་རྩུབ་རྣམས་ནི་རྟག་ཏུ་སྤངས། །སེམས་ཅན་ནད་ནི་ལེགས་གསོ་བ། །ཅི་སླད་འོད་ཟེར་བཀྱེ་བ་མཛད། །ཐུགས་རྗེ་ཆེན་པོ་རྐང་གཉིས་གཙོ། །མིག་ནི་རྟག་ཏུ་སྟོང་དབེན་མཁྱེན། །རྣམ་དག་ཚངས་པའི་དབྱངས་མངའ་བས། །སེམས་ཅན་རྣམས་ལ་ཆོས་སྟོན་མཛད། །
D55.040.0216b03.01རྣ་བ་སྣ་ལྕེ་ལུས་དང་ཡིད། །སྒྲ་དང་མིང་ལ་སོགས་པ་ནས། །ཀུན་འབྱུང་འགོག་པ་ལམ་དག་དང་། །ཡེ་ཤེས་བཟོད་པའི་བར་དེ་བཞིན། །ཐུགས་རྗེ་ཆེན་པོ་རྐང་གཉིས་གཙོ། །མིག་ཟད་སྐྱེ་བའི་མཐའ་དག་དང་། །རབ་ཞི་དག་ནི་འཁོར་བ་དག །ཐམས་ཅད་སྟོང་དབེན་ཉིད་དུ་
D55.040.0216b04.01མཁྱེན། །རྣ་བ་སྣ་ལྕེ་ལུས་དང་ཡིད། །གཟུགས་སྒྲ་དྲི་རོ་རེག་བྱ་ནས། །སྒྲ་དང་མིང་ལ་སོགས་པའི་བར། །ཐམས་ཅད་ཀྱང་ནི་དེ་བཞིན་ནོ། །གཞན་ཡང་རྟེན་ཅིང་འབྲེལ་འབྱུང་ཆོས། །ཆད་དང་རྟག་པ་ཡོངས་བྲལ་ནས། །བདག་དང་གཞན་གྱིས་བྱས་མིན་པས། །རྐྱེན་
D55.040.0216b05.01བབ་ལས་བྱུང་ཉིད་དུ་གསུང་། །རེས་འགའ་རྣམ་གྲངས་སྣ་ཚོགས་ཀྱིས། །སྡུག་བསྔལ་གཞི་ནི་སྟོན་པར་མཛད། །རེས་འགའ་དོན་ནི་སྣ་ཚོགས་ཀྱིས། །སངས་རྒྱས་འོད་ཟེར་བསྔགས་པར་མཛད། །རེས་འགའ་ཚིག་ནི་ཚད་མེད་ཀྱིས། །རབ་དབེན་ཆོས་ནི་སྟོན་མཛད་ཅིང་། །
D55.040.0216b06.01གང་ཟག་སྲོག་དང་བདག་མེད་དང་། །སེམས་ཅན་མེད་པ་ཉིད་དུ་སྟོན། །འདས་པའི་སངས་རྒྱས་ཚད་མེད་ཀྱང་། །བསམ་གྱིས་མི་ཁྱབ་པ་དག་གི། །ཚིགས་སུ་བཅད་པ་བརྒྱ་སྟོང་གིས། །དེ་འདྲའི་ཆོས་ནི་སྟོན་པར་མཛད། །དེ་བཞིན་གཤེགས་པས་ཡོན་ཏན་ཆོས། །ཡང་
D55.040.0216b07.01