完整藏文原文 · 德格版页 当前仅加载第 46 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་གཞི་དག་ཡོད་དེ་དེ་དག་མཉན་ཅིང་བཟུང་སྟེ་བསྙེན་བཀུར་བྱེད་པ་དང་། ཀློག་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པའི་རིགས་ཀྱི་བུ་དང་། རིགས་ཀྱི་བུ་མོ་དག་ནི་ཡོན་ཏན་དེ་དག་ཐམས་ཅད་ཐོབ་པར་འགྱུར་རོ། །དེ་ནས་དེའི་ཚེ་ས་ཆེན་པོ་འདི་རྣམ་པ་དྲུག་ཏུ་
D98.046.0262b01.01རབ་ཏུ་གཡོས་པ་དང་། ཇི་ལྟར་ལྷགས་པའི་འཁོར་དེ་དག་གིས་ཀྱང་དེ་བཞིན་གཤེགས་པའི་སྐུ་ལ་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། ཕྱེ་མ་དང་། བྱུག་པ་དང་། རས་བཅོས་བུ་ཟུང་དག་གསོལ་ཏེ། ལེགས་སོ་ཞེས་བྱ་བ་གསོལ་ནས། བཅོམ་ལྡན་
D98.046.0262b02.01འདས་ལེགས་སོ་ལེགས་སོ། །གཟུངས་ཀྱི་གསང་སྔགས་གཞི་དེ་དག་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ན་མཿསརྦ་ཏ་ཐཱ་ག་ཏཱ་ནཱན། ཏད་ཡ་ཐཱ། བུད་དྷེ། སུ་བུད་དྷེ། བུད་དྷ་མ་ཏེ། ལོ་ཀེ་བི་ལོ་ཀེ་ལོ་ཀ །ཨ་ཏི་ཀྲཱན་ཏེ། ས་ཏྭ་ཨ་བ་ལོ་ཀི་ནི། སརྦ་ཏ་ཐཱ་
D98.046.0262b03.01ག་ཏ་ཨ་དྷིཥྛཱ་ན་ཨ་དྷིཥྛི་ཏེ། སརྦ་ཨཱ་ཤ་པ་རི་པཱུ་ར་ཎེ། བྱུ་ཏི་ན་དྷ་རེ། ན་ར་དེ་བ་པཱུ་ཛི་ཏེ། ཏ་ཐཱ་ག་ཏ་ཛྙཱ་ན་ད་དེ། ཏ་ཐཱ་ག་ཏ་ཨ་དྷིཥྛཱ་ནེ་ན། སརྦ་ལོ་ཀ་མ་སུ་ཁཱི་བྷ་བ་ཏུ། པཱུ་རྦ་ཀརྨ་ཀྵཱ་པ་ཡ་ཏུ། རཀྵ་བྷ་བ་ཏུ། སརྦ་ཡེ་བྷྱ་སྟ་ཐཱ་ག་ཏ་ཨ་དྷིཥྛཱ་ནེ་ན་སྭཱ་ཧཱ། ཀྱེ་རིགས་ཀྱི་བུ་དག་གཟུངས་
D98.046.0262b04.01ཀྱི་གསང་སྔགས་གཞི་འདི་དག་ནི་དེ་བཞིན་གཤེགས་པ་སུམ་ཁྲིས་གསུངས་ཤིང་བྱིན་གྱིས་བརླབས་པ་ཡིན་ནོ། །ངས་ཀྱང་ད་ལྟར་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བ་དང་། བསྲུང་བ་དང་། བསྐྱབ་པ་དང་། སྦ་བ་དང་། ནད་ཐམས་ཅད་རབ་ཏུ་ཞི་བར་བྱ་བ་
D98.046.0262b05.01དང་། སངས་རྒྱས་ཀྱི་ཞིང་དུ་སྐྱེ་བར་བྱ་བའི་ཕྱིར་བཤད་དེ། གྲོགས་པོ་དག་གང་ལ་ལ་ཞིག་འདི་སྙམ་དུ་བདག་གིས་ཇི་ལྟར་ན་དེ་བཞིན་གཤེགས་པས་གསུངས་པའི་ཡོན་ཏན་དེ་དག་ཐམས་ཅད་འཐོབ་པར་འགྱུར་སྙམ་དུ་སེམས་པ་དེས་ནང་པར་སྔར་ལངས་ཏེ། སེམས་ཅན་ཐམས་ཅད་ལ་
D98.046.0262b06.01སྙིང་བརྩེ་བའི་སེམས་དང་། སྙིང་རྗེའི་སེམས་དང་། བྱམས་པའི་སེམས་དང་། ཕྲག་དོག་དང་། ང་རྒྱལ་དང་། འཆབ་པ་དང་། ཁྲོ་བ་ཡོངས་སུ་སྤངས་པའི་སེམས་དང་། རྩེ་གཅིག་པའི་སེམས་ཀྱིས་སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པ་ཤིན་ཏུ་རྒྱ་ཆེར་བྱས་ལ་
D98.046.0262b07.01