完整藏文原文 · 德格版页 当前仅加载第 46 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ལྷགས་པའི་འཁོར་དེ་དག་གིས་རང་རང་གི་བསོད་ནམས་མངོན་པར་འདུ་བྱ་བ་དག་གིས། དེ་བཞིན་གཤེགས་པ་ལ་ལྷའི་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། ན་བཟའ་དང་། རྒྱན་དག་དང་།
D98.046.0277b01.01ཨ་ལ་ལ་ཞེས་ཅ་ཅོ་དང་། ག་ཞའི་སྒྲ་དག་དང་། ལྷའི་སིལ་སྙན་དང་། ཕེག་རྡོབ་པ་དང་། གླུ་དབྱངས་དག་གིས་མཆོད་པ་བྱས་ནས། ལེགས་སོ་ཞེས་བྱ་བ་གསོལ་ཏེ། བཅོམ་ལྡན་འདས་ལེགས་སོ་ལེགས་སོ། །སེམས་ཅན་ཐམས་ཅད་ཀྱི་
D98.046.0277b02.01དོན་དང་། དེ་བཞིན་གཤེགས་པའི་བསྟན་པ་ཡུན་རིང་དུ་གནས་པར་བགྱི་བའི་སླད་དུ། ཆོས་ཀྱི་རྣམ་གྲངས་ཆེན་པོ་འདི་ཤིན་ཏུ་ལེགས་པར་བཀའ་སྩལ་ལགས་སོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །
D98.046.0277b03.01བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར། ཁྱོད་ཀྱིས་ཆོས་ཀྱི་རྣམ་གྲངས་འདི། དེ་བཞིན་གཤེགས་པ་ཐམས་ཅད་ཀྱིས་རྗེས་སུ་
D98.046.0277b04.01གནང་བ་དང་། བྱང་ཆུབ་སེམས་དཔའི་ས་གནོན་པ་ཞེས་བྱ་བར་ཡང་ཟུང་ཤིག །རྫུ་འཕྲུལ་གྱི་རྣམ་པར་འཕྲུལ་པ་འདུས་པ་ཆེན་པོ་ཞེས་བྱ་བར་ཡང་ཟུང་ཤིག །དེ་བཞིན་གཤེགས་པ་ཐམས་ཅད་ཀྱིས་བྱིན་གྱི་རླབས་སེམས་ཅན་ལ་གཟིགས་ཤིང་། སངས་རྒྱས་
D98.046.0277b05.01ཀྱི་ཞིང་གི་བཀོད་པ་ཀུན་ཏུ་སྟོན་པ་ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཕགས་པ་སྤྱན་རས་གཟིགས་དབང་ཕྱུག་དང་། འཇམ་དཔལ་དང་། ལག་ན་རྡོ་རྗེ་ལ་སོགས་པ། བྱང་ཆུབ་སེམས་དཔའ་སེམས་
D98.046.0277b06.01དཔའ་ཆེན་པོ་དེ་དག་ཐམས་ཅད་དང་། ཉན་ཐོས་ཆེན་པོ་དེ་དག་ཐམས་ཅད་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་ཐམས་ཅད་དང་། རྒྱལ་པོ་ཆེན་པོ་བཞི་དང་། གནོད་སྦྱིན་ཆེན་མོ་དཔེ་མེད་མ་དང་། དྲི་མེད་འོད་དང་། འོད་
D98.046.0277b07.01