完整藏文原文 · 德格版页 当前仅加载第 46 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་གང་ལ་ལ་ཡོན་ཏན་འཚལ་བ་དང་། ནོར་དང་འབྲུ་འཚལ་བ་དང་། སེམས་ཅན་ཐམས་ཅད་དབང་དུ་བགྱིད་པར་འཚལ་བ་དང་། ནོར་གྱི་དབང་ཕྱུག་ཆེན་པོ་དང་། རྒྱལ་སྲིད་དང་། རིག་སྔགས་འཆང་ཆེན་པོ་ཉིད་དང་། བདག་ཀྱང་མངོན་སུམ་དུ་མཐོང་
D98.046.0270b01.01བར་འཚལ་བ་དེས་ཚེས་བརྒྱད་ཀྱི་གདུགས་ལ་རས་དཀར་པོ་སར་པ་ཁ་ཚར་མ་བཀུམ་པ་སྐྲ་བསལ་བ་ལ་རི་མོ་མཁན་གཙང་མ་བསྙེན་ཏེ་གནས་པ། འཕགས་པ་ཡན་ལག་བརྒྱད་པ་ལ་གནས་པས། ཚོན་རྩི་སྦྱིན་དང་མ་འབགས་པ་སྣོད་སར་པའི་ནང་དུ་སྩལ་བས་དབུས་སུ་དེ་བཞིན་
D98.046.0270b02.01གཤེགས་པའི་སྐུ་གཟུགས་ཆོས་སྟོན་པའི་ཚུལ་དུ་བཞུགས་པ་བྲི་བར་བགྱིའོ། །གཡས་ཕྱོགས་སུ་འཕགས་པ་རྡོ་རྗེ་ཁྲོ་བོ་རད་པ་དཀར་པོ་འཚལ་བ། རྒྱན་ཐམས་ཅད་དང་། མེ་ཏོག་ཕྲེང་དང་། ཟླ་གམ་དང་། སེ་མོ་དོས་བརྒྱན་པ། རྡོ་རྗེ་གསོར་ཞིང་མཆིས་པ་བྲི་བར་བགྱིའོ། །
D98.046.0270b03.01གཡོན་ཕྱོགས་སུ་ནི་གནོད་སྦྱིན་མོ་ཆེན་མོ་དཔེ་མེད་མ་འདམ་བུ་མདའ་རྒྱུའི་མདོག་ལྟར་དཀར་ཤམ་དུ་མཆིས་ལ། རད་པ་དཀར་པོ་འཚལ་བ། རྒྱན་ཐམས་ཅད་ཀྱིས་བརྒྱན་པ། སུག་པ་ན་པད་མ་ཐོགས་ཤིང་ཡང་དག་པར་དབུགས་འབྱིན་པའི་ཚུལ་དུ་མཆིས་པ་བྲི་བར་བགྱིའོ། །དེ་ནས་
D98.046.0270b04.01རིག་སྔགས་འཆང་གཙང་མ་བསྙེན་ཏེ་གནས་པ། འཕགས་པའི་ཡན་ལག་བརྒྱད་པ་ལ་གནས་པ། རད་པ་དཀར་པོ་འཚལ་བ། གྲོགས་དང་ལྡན་པ། ནས་ཆན་འོ་མ་དང་སྦྱར་བ་འཚལ་བས་སྔར་བསྙེན་པ་བགྱི་ལ། ཚེས་བརྒྱད་ཀྱི་གདུགས་ལ་དེ་བཞིན་གཤེགས་པའི་སྐུ་གདུང་དང་
D98.046.0270b05.01བཅས་པའི་གནས་གཙང་མར་དང་པོར་ཁོ་ནར་དེ་བཞིན་གཤེགས་པ་དང་། ལག་ན་རྡོ་རྗེ་ལ་མེ་ཏོག་དང་། བདུག་སྤོས་དང་། སྤོས་དག་གསོལ་བར་བགྱི་ཞིང་། ཕྱོགས་བཞིར་ཡང་འོ་ཐུག་དང་། ཞོ་དང་། འབྲས་ཆན་དང་། རོ་སྣ་ཚོགས་དང་ལྡན་པ་དང་། ཚོན་སྣ་ཚོགས་
D98.046.0270b06.01ཀྱི་གཏོར་མ་དག་གཏོར་ལ། མེ་ཏོག་དང་། བདུག་སྤོས་དང་། སྤོས་དང་། མར་མེ་སྣ་ཚོགས་དག་གིས་མཆོད་པ་བགྱིས་ནས་དུས་གསུམ་དུ་སྣ་མའི་མེ་ཏོག་བརྒྱ་རྩ་བརྒྱད་ཕྲག་གསུམ་ལ་བཟླས་བརྗོད་བརྒྱ་རྩ་བརྒྱད་ཕྲག་གསུམ་བགྱི་ཞིང་། རེ་རེ་ནས་གནོད་སྦྱིན་མོ་ཆེན་མོ་དཔེ་མེད་མའི་
D98.046.0270b07.01