完整藏文原文 · 德格版页 当前仅加载第 46 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དང་ལྡན་པའི་འཁོར་དེ་དག་གིས་ཀྱང་ལེགས་སོ་ཞེས་བྱ་བ་བྱིན་ཏེ། སྲིང་མོ་ལེགས་སོ་ལེགས་སོ། །ཁྱོད་ཀྱིས་སེམས་ཅན་ཐམས་ཅད་ཀྱི་རེ་བ་ཐམས་ཅད་ཡོངས་སུ་རྫོགས་པར་འགྱུར་བའི་དམ་བཅའ་བ་འདི་ནི་ལེགས་པར་སྨྲས་སོ། །དེ་ནས་བཅོམ་ལྡན་འདས་ལ་བྱང་
D98.046.0273b01.01ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་རིགས་ཀྱི་བུའམ། རིགས་ཀྱི་བུ་མོ་དེ་ཆོས་ཀྱི་རྣམ་གྲངས་འདི་ཡི་གེར་འདྲི་བ་དང་། ཡི་གེར་འདྲིར་སྩོལ་བ་དང་། ཀློག་པ་དང་། མཆོད་
D98.046.0273b02.01པ་དང་། ཡང་དག་པར་སྟོན་པ་དང་། འདོན་པ་དང་། མཆིད་ཏོན་དུ་བགྱིད་པ་དེས་བསོད་ནམས་འཐོབ་པར་འགྱུར་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འཕགས་པ་སྤྱན་རས་གཟིགས་དབང་ཕྱུག་དེའི་ཕྱིར་དེ་ཁྱོད་ཉིད་ལ་དྲི་ཡིས་ཁྱོད་ཀྱིས་ཇི་ལྟར་བཟོད་པ་
D98.046.0273b03.01དེ་བཞིན་དུ་ལན་ཐོབ་ཤིག །སྤྱན་རས་གཟིགས་དབང་ཕྱུག་གིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ལ་ནི་མ་གཟིགས་པའམ། མ་གསན་པའམ། མ་དགོངས་པ་དང་། རྣམ་པར་མི་མཁྱེན་པ་མི་མངའ་བས་བཅོམ་ལྡན་འདས་ཉིད་ཀྱིས་བཀའ་སྩལ་དུ་གསོལ།
D98.046.0273b04.01བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་རྣམ་གྲངས་འདི་ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། ཀློག་པ་དང་། མཆོད་པ་དང་། ཡང་དག་པར་སྟོན་པ་དང་། འདོན་པ་དང་། ཁ་དོན་དུ་བྱེད་པ་ལས་བསོད་ནམས་འཐོབ་པར་འགྱུར་བ་གང་ཡིན་པ་དེ་ནི་
D98.046.0273b05.01དཔེས་བརྗོད་པར་ཡང་མི་ནུས་སོ། །དེ་ཅིའི་ཕྱིར་ཞེ་ན། གོས་དང་། རྒྱན་དང་། དབྱིག་དང་། གསེར་དང་། ནོར་བུ་དང་། མུ་ཏིག་དག་གིས་སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བྱས་ཏེ་རྩེར་བཅུག་ཀྱང་སེམས་ཅན་དེ་དག་སྐྱེ་བ་དང་། རྒ་བ་དང་།
D98.046.0273b06.01ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་དག་ལས་ཡོངས་སུ་ཐར་བར་མི་འགྱུར་བ་ཉིད་ཡིན་ཞིང་། ལོ་འབུམ་དུ་འདོད་པའི་ཡོན་ཏན་ལྔ་པོ་དག་གིས་རྩེར་བཅུག་ཀྱང་སེམས་ཅན་དེ་དག་སེམས་ཅན་དམྱལ་བ་
D98.046.0273b07.01