完整藏文原文 · 德格版页 当前仅加载第 46 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བགྱི་ཞིང་། ཕྱོགས་བཞིར་ཡང་འོ་ཐུག་དང་། ཞོ་དང་། འབྲས་ཆན་གྱི་གཏོར་མ་དག་གཏོར་ལ། མེ་ཏོག་དང་། བདུག་སྤོས་དང་། མར་མེ་སྣ་ཚོགས་དག་གིས་མཆོད་པ་རྒྱ་ཆེར་བགྱི་ཞིང་ལྷ་བཤོས་དཀར་པོ་དག་ཀྱང་ཕུལ་ལ། གཏོར་མ་རོ་སྣ་ཚོགས་
D98.046.0273a01.01དང་ལྡན་པ་དང་། གཞན་ཡང་ཅི་འབྱོར་པ་དག་སྩལ་ནས་སེམས་ཅན་ཐམས་ཅད་ལ་བྱམས་པའི་སེམས་དང་། སྙིང་རྗེའི་སེམས་ཀྱིས་སྣ་མའི་མེ་ཏོག་བརྒྱ་རྩ་བརྒྱད་ལ་བཟླས་བརྗོད་ལན་བརྒྱ་རྩ་བརྒྱད་བགྱི་ཞིང་རེ་རེ་ནས་ལྷ་མོ་ཆེན་མོ་འཇིགས་བྱེད་མའི་གཟུགས་དེ་ལ་འཕང་བར་བགྱིའོ། །དེ་ནས་
D98.046.0273a02.01བདག་དེར་རང་གི་གཟུགས་ཀྱིས་གནས་པར་བགྱི། དམ་པ་ཅི་འཚལ་བ་ཡང་སྩལ་བར་བགྱི་སྟེ། རྒྱལ་སྲིད་ཀྱི་དབང་ཕྱུག་དང་། ནམ་མཁའ་ལ་མཆི་བ་དང་། གཏེར་ལྟ་འཚལ་བ་དང་། ནོར་སྒྱུར་འཚལ་བ་དང་། རིག་སྔགས་འཆང་ཉིད་དང་། དུས་མ་ལགས་པར་འགུམ་པ་བཟློག་པ་དང་།
D98.046.0273a03.01བྲོ་ནད་ཐམས་ཅད་རབ་ཏུ་ཞི་བར་བགྱི་བ་དང་། ཕ་རོལ་གྱི་དམག་ཚོགས་རབ་ཏུ་གཞོམ་པ་དང་། བུ་མཆིས་པར་བགྱི་བ་དང་། ནོར་འདུ་བར་བགྱི་བ་དང་། སེམས་ཅན་ཐམས་ཅད་ལ་བྱམས་པ་སྐྱེ་བ་དང་། གཞན་ཡང་ཅི་འཚལ་བའི་ལས་དག་ཀྱང་བགྱི་ལགས་སོ། །བཅོམ་ལྡན་འདས་གལ་ཏེ་དམ་
D98.046.0273a04.01པའི་ཆོས་སྤོང་བ་དང་། སངས་རྒྱས་དང་། ཆོས་དང་། དགེ་འདུན་དག་ལ་ཐེ་ཙོམ་དུ་གྱུར་པ་གང་ལགས་པ་མ་གཏོགས་པར་མཚམས་མ་མཆིས་པ་ལྔ་བགྱིད་པ་ཞིག་ལགས་ན་ཡང་བདག་གིས་རེ་བ་ཐམས་ཅད་ཡོངས་སུ་རྫོགས་པར་མ་བགྱིས་པར་གྱུར་ན། བཅོམ་ལྡན་འདས་བདག་བླ་ན་
D98.046.0273a05.01མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མ་གྱུར་ཅིག །བཅོམ་ལྡན་འདས་ཀྱིས་བཀའ་སྩལ་པ། སྲིང་མོ་ལེགས་སོ་ལེགས་སོ། །སྲིང་མོ་ཁྱོད་སེམས་ཅན་ཐམས་ཅད་ཀྱི་དོན་དང་། ཕན་པ་དང་བདེ་བའི་ཕྱིར་ཞུགས་ཤིང་། ཆོས་ཀྱི་རྣམ་
D98.046.0273a06.01གྲངས་འདི་ཡང་ཡུན་རིང་དུ་གནས་པར་བྱ་བའི་ཕྱིར་ཞུགས་པ་ནི་ཡང་ཁྱོད་ལེགས་སོ། །སྲིང་མོ་དེའི་ཕྱིར་ཁྱོད་ཀྱིས་རྟག་ཏུ་དམ་བཅས་པ་འདི་དྲན་པར་གྱིས་ཤིག །དེ་ནས་དེའི་ཚེ་ས་ཆེན་པོ་འདི་རབ་ཏུ་གཡོས་ཤིང་ལྷའི་མེ་ཏོག་གི་ཆར་དག་ཀྱང་མངོན་པར་རབ་ཏུ་བབ་པ་དང་། ཐམས་
D98.046.0273a07.01