完整藏文原文 · 德格版页 当前仅加载第 46 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
ལའང་གདུང་བར་འགྱུར། །དེ་ཕྱིར་གང་དག་འཛིན་ཅིང་སྟོན་བྱེད་པ། །དེ་དག་གིས་ནི་རྟག་ཏུ་མཆོད་པར་བྱ། །གང་གིས་དེ་ལ་ཡོངས་སུ་སྤྱོ་བ་དང་། །སྨད་ཅིང་བརྡེགས་ལ་བཅིང་བ་བྱས་གྱུར་པ། །དེ་ནི་ང་ཡང་ཡོངས་སུ་སྤྱོས་པ་ཡིན། །
D98.046.0267a01.01འཛིན་ལ་ཕུ་དུད་བྱས་ན་ང་ལའང་བྱས། །དེ་ཕྱིར་དེ་དག་གིས་ནི་ཆོས་སྨྲ་དང་། །གང་ཞིག་འདི་འཛིན་འདྲི་ཞིང་ཀློག་བྱེད་པ། །དེ་དག་ལ་ནི་རྟག་ཏུ་བསྙེན་བཀུར་ཞིང་། །ཚིག་འཇམ་སྙན་པའང་རྒྱུན་དུ་བརྗོད་པར་བྱ། །དེ་ནས་བྱང་ཆུབ་སེམས་དཔའ་སེམས་དཔའ་
D98.046.0267a02.01ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རྣམ་པར་ལྟ་བའི་ཆོ་འཕྲུལ་ཞེས་བགྱི་བའི་གཟུངས་མཆིས་པར་རྗེས་སུ་དྲན་ཏེ།
D98.046.0267a03.01བདག་གིས་སྔོན་དེ་བཞིན་གཤེགས་པ་འོད་མཛད་ཡེ་ཤེས་ཏོག་ཅེས་བགྱི་བའི་སྤྱན་སྔར་དེ་ཐོས་ཤིང་བཟུང་ལགས་སོ། །དེ་མཉན་ཅིང་བཟུང་ལ་བཅངས་ཤིང་བཀླགས་ཏེ། གཞན་དག་ལ་ཡང་བསྒྲགས་ཤིང་བསྙེན་བཀུར་བགྱིས་ནས་ཡི་གེར་བྲིས་སམ། ཡི་གེར་འདྲིར་
D98.046.0267a04.01སྩལ་ན། ཕྱིར་མི་ལྡོག་པའི་ས་འཐོབ་པར་འགྱུར་ཞིང་། དེ་བཞིན་གཤེགས་པས་གསུངས་པའི་ཡོན་ཏན་དེ་དག་ཐམས་ཅད་ཀྱང་འཐོབ་པར་འགྱུར། དེས་ཇི་ལྟར་བསམས་པ་ཐམས་ཅད་ཀྱང་ཡང་དག་པར་འགྲུབ་པར་འགྱུར། དེའི་ལས་ཀྱི་སྒྲིབ་པ་ཐམས་ཅད་ཀྱང་
D98.046.0267a05.01བྱང་བར་འགྱུར། ཏིང་ངེ་འཛིན་ཀྱང་འཐོབ་པར་འགྱུར། བྲོ་ནད་རྣམས་དང་བྲལ་བར་ཡང་འགྱུར། སངས་རྒྱས་མཐོང་བ་དང་། བྱང་ཆུབ་སེམས་དཔའ་ཡང་མཐོང་བར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་
D98.046.0267a06.01ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ལེགས་སོ་ལེགས་སོ། །རིགས་ཀྱི་བུ་ཁྱོད་ལ་དེ་བཞིན་གཤེགས་པས་བྱིན་གྱིས་བརླབས་ཟིན་གྱིས་ཤོད་ཅིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་
D98.046.0267a07.01