完整藏文原文 · 德格版页 当前仅加载第 46 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་ངན་པ་དང་། ལྟས་ངན་པ་དག་དང་། དུས་མ་ཡིན་པར་འཆི་བ་དང་། གནག་ནད་དང་། ཕྱུགས་ནད་དང་། མི་ནད་དག་དང་། ནད་དང་། འཇིགས་པ་དང་། གནོད་པ་སྣ་ཚོགས་དག་ལ་ཡང་ཆོས་ཀྱི་རྣམ་གྲངས་འདི་མཆོད་པ་བྱས་ཏེ། བཀླག་
D98.046.0275b01.01པར་བྱའོ། །རྒྱལ་མཚན་བཙུགས་ལ་མེ་ཏོག་དང་། བདུག་སྤོས་དང་། སྤོས་དང་། རོལ་མོའི་སྒྲ་སྣ་ཚོགས་དག་གིས་མཆོད་ཅིང་ཕྱོགས་བཞིར་གཏོར་མ་གཏོར་ལ་མེ་ཏོག་དང་། བདུག་སྤོས་དང་། སྤོས་དག་གིས་ཕྱག་བྱས་ཏེ་འཇུག་པར་བྱས་ན། དེར་ཡམས་ཀྱི་
D98.046.0275b02.01ནད་དང་། གནོད་པ་དང་། འགོ་བའི་ནད་ཐམས་ཅད་ཀྱང་རབ་ཏུ་ཞི་བར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །སྔོན་གྱི་སྲིད་པར་འདྲེན་པས་གང་གསུངས་ཤིང་། །སེམས་ཅན་ཐམས་ཅད་རྗེས་སུ་གཟུང་
D98.046.0275b03.01བའི་ཕྱིར། །ད་ལྟར་ངས་ཀྱང་ཁྱོད་ལ་བཤད་པ་ཡི། །ཏིང་འཛིན་འདི་ནི་ཟུང་ཤིག་ཀུན་དགའ་བོ། །སངས་རྒྱས་ཆོས་དང་དགེ་འདུན་དཀོན་མཆོག་ལ། །གང་གིས་ཁམས་གསུམ་སྦྱིན་པར་བྱིན་པ་བས། །མདོ་སྡེ་འདི་ལ་མཆོད་པ་
D98.046.0275b04.01བྱས་ན་ནི། །སྦྱིན་པས་དེ་ཡི་དཔེར་ཡང་མི་ཕོད་དོ། །གང་གིས་སངས་རྒྱས་ལ་ནི་དད་བྱས་ཏེ། །ཚད་མེད་གཙུག་ལག་ཁང་དག་བརྩིགས་པ་བས། །གང་ཞིག་མདོ་འདི་འཛིན་པ་གང་ཡིན་པ། །དེ་ནི་དེ་བས་བསོད་ནམས་མང་པོར་
D98.046.0275b05.01འགྱུར། །གང་ཞིག་མེ་ཏོག་གཅིག་ཙམ་འཐོར་བྱེད་ཅིང་། །གོས་དང་ཕྲེང་བ་བྱུག་པ་དེ་བཞིན་ཏེ། །ཏིང་འཛིན་འདི་ལ་བསྙེན་བཀུར་བྱེད་གྱུར་ན། །བསོད་ནམས་ཚོགས་ཆར་སྔ་མ་དེ་མི་འགྱུར། །གང་གིས་མདོ་སྡེ་འདི་ལ་མཆོད་པའི་ཕྱིར། །
D98.046.0275b06.01ཀཱར་ཥཱ་པ་ཎའི་སྦྱིན་པ་སྦྱིན་བྱེད་ཅིང་། །བྱང་ཆུབ་ཕྱིར་ནི་བྱམས་པའི་སེམས་བསྐྱེད་ན། །དེ་ནི་དེ་བས་བསོད་ནམས་མང་པོ་འཐོབ། །བྱང་ཆུབ་སེམས་དཔའ་གང་གིས་སེམས་ཅན་ལ། །ཏིང་འཛིན་འདི་བཤད་ལུང་ཕོག་དེ་བཞིན་དུ། །
D98.046.0275b07.01