完整藏文原文 · 德格版页 当前仅加载第 46 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ་མཛད་པ་ཆེན་པོས་ཡང་དག་པར་བཤད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་རྣམ་གྲངས་འདི་ནི་ཕྱི་མའི་དུས་ཕྱི་མའི་ཚེ་ན། ལྷོ་ཕྱོགས་ཀྱི་རྒྱུད་ན་སྤྱོད་པར་འགྱུར་ཏེ། དེར་ཡང་དགེ་
D98.046.0275a01.01སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། རྒྱལ་པོ་དང་། རྒྱལ་བུ་དང་། བློན་པོ་ཆེན་པོ་དང་། བློན་པོ་སྣོད་དུ་གྱུར་པ་མཆོད་པ་བྱེད་པ། འཛིན་པར་བྱེད་པ། ཀློག་པར་བྱེད་པ་དག་འབྱུང་བར་འགྱུར་ཞིང་། དད་པར་འགྱུར།
D98.046.0275a02.01ཡིད་ཆེས་པར་འགྱུར་རོ། །གལ་ཏེ་བྱང་དང་། ཤར་དང་། ནུབ་ཕྱོགས་ཀྱི་རྒྱུད་དག་ན་སྤྱོད་པར་འགྱུར་ན། ཡང་དེ་ན་གང་དག་ཉན་པར་མི་བྱེད་པ་དང་། དད་པར་མི་བྱེད་པ་དང་། ཡིད་ཆེས་པར་མི་བྱེད་པ་དང་། མཆོད་པར་མི་བྱེད་པ་དང་། བརྩོན་འགྲུས་ཞན་
D98.046.0275a03.01པ་དང་། བརྗེད་ངས་པ་དང་། བུ་སྨད་དང་། བྲན་དང་། བྲན་མོ་དང་། ལོངས་སྤྱོད་དང་། དབང་ཕྱུག་དང་། བཞད་གད་དང་། འཇོ་སྒེག་དང་། བྲོ་དང་། གར་དང་། གླུ་སྣ་ཚོགས་ཀྱིས་རྣམ་པར་གཡེངས་ཤིང་། ཕྲག་དོག་དང་། སེར་སྣའི་དྲན་
D98.046.0275a04.01པས་ཉན་པར་མི་བྱེད། ཡིད་ཆེས་པར་མི་བྱེད་པའི་སེམས་ཅན་དེ་དག་ནི་བདུད་ཀྱི་ལས་ལ་མངོན་པར་བརྩོན་པ་ཡིན་ཏེ། དེ་དག་ནི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་
D98.046.0275a05.01བདེ་བ་དང་། འཁྲུག་པ་དག་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། {ཡི་དགས་,ཡི་དྭགས་}ཀྱི་ཡུལ་རྣམས་ལས་ཡོངས་སུ་མི་ཐར་བ་ཁོ་ནར་འགྱུར་རོ། །དེ་ལྟ་བས་ན་རིགས་ཀྱི་བུ་དང་། རིགས་ཀྱི་བུ་མོ་བདག་ཉིད་
D98.046.0275a06.01ངན་སོང་ཐམས་ཅད་ལས་ཡོངས་སུ་ཐར་བར་འདོད་པ་དེ་དག་གིས་བསྙེན་བཀུར་བྱས་ཏེ། ཆོས་ཀྱི་རྣམ་གྲངས་འདི་མཆོད་པར་བྱ་ཞིང་། གཞན་དག་ལ་ཡང་ཡང་དག་པར་བསྟན་པར་བྱ། ཡིད་ལ་ཡང་གཟུང་བར་བྱའོ། །ཁྲག་ཁྲུག་དང་། འཁྲུག་ཀློང་དང་། རྨི་
D98.046.0275a07.01