完整藏文原文 · 德格版页 当前仅加载第 57 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ཏེ། །མཁས་པ་བློ་གྲོས་བརྟན་པ་དག་ནི་བསྐལ་པ་གྲངས་མེད་རྟག་ཏུ་ཉན། །བློ་རྒྱས་གང་ཞིག་རྫོགས་པའི་བྱང་ཆུབ་སེམས་དཔའི་བསམ་པ་ཚིམ་སྐྱེད་པ། །ཐུབ་པ་དེས་ནི་གང་ཕྱིར་སེམས་ཅན་བདེ་བར་བཞེད་པས་འོད་འདི་ཕྱུང་། །མངའ་
D147.057.0147a01.01བདག་གང་ཞིག་བརྩོན་འགྲུས་ཀྱིས་ནི་བདུད་སྟོབས་མུ་སྟེགས་ཚོགས་བཅས་ཕམ་མཛད་ནས། །པདྨ་བྱུང་བ་བཞིན་དུ་འཕགས་ཤིང་ཕྱོགས་བཅུ་དག་ཏུ་ལྷུན་པོ་ཇི་བཞིན་མཛེས། །གང་ཞིག་ཉི་མ་བཞིན་དུ་སྐུ་ཡི་འོད་ཀྱིས་འགྲོ་བ་མ་ལུས་སྣང་མཛད་པ། །དེ་ཡི་ཆོས་ཀྱི་འཁོར་
D147.057.0147a02.01ལོ་གཞག་པ་དོན་ཆེན་གསན་དུ་རྒྱལ་བ་གཤེགས་སུ་གསོལ། །རབ་ཏུ་བསྐོར་བར་མ་གྱུར་མཚུངས་པ་མེད་ཅིང་རྒྱལ་བ་ཀུན་གྱིས་བསྐོར་གྱུར་པ། །འཁོར་ལོ་དམ་པ་སྟོབས་བཅུ་སེམས་ཅན་ཐུགས་བརྩེ་ཕྱིར་ནི་དེ་རིང་སྐོར་བར་མཛད། །སྲོག་ཆགས་རྣམས་ཀྱིས་བསྟེན་པར་རྙེད་
D147.057.0147a03.01དཀའ་ལེགས་པ་རྒྱ་ཆེན་དེ་རིང་འབྱུང་བར་འགྱུར། །གང་དག་དད་པ་དང་བ་ཆེ་ཡངས་དོན་དུ་གཉེར་བ་དེ་དག་དེ་རིང་ལྟོས། །དེ་ནས་འོད་ཟེར་དེ་དག་གིས་སངས་རྒྱས་ཀྱི་ཞིང་ཐམས་ཅད་ཚིགས་སུ་བཅད་པ་འདི་དག་གིས་གོ་བར་བྱས། བྱང་ཆུབ་སེམས་དཔའ་ཐམས་ཅད་ཡང་དག་པར་
D147.057.0147a04.01བསྐུལ། འཇིག་རྟེན་གྱི་ཁམས་ཐམས་ཅད་རབ་ཏུ་གཡོ་བར་བྱས། སེམས་ཅན་ཐམས་ཅད་བདེ་བར་བྱས། ཉོན་མོངས་པའི་ཁམས་ཐམས་ཅད་རྣམ་པར་སྦྱངས། མུན་པ་མུན་ནག་ཐམས་ཅད་བསལ། བདུད་ཀྱི་ཁྱིམ་ཐམས་ཅད་མོག་མོག་པོར་བྱས་ནས་བྱང་ཆུབ་སེམས་དཔའི་འཁོར་དཔག་
D147.057.0147a05.01ཏུ་མེད་པ་དག་དང་འཇིག་རྟེན་གྱི་ཁམས་མི་མཇེད་དུ་སླར་འོངས་ཏེ། བཅོམ་ལྡན་འདས་ཀྱི་དབུའི་གཙུག་ཏུ་མི་སྣང་བར་གྱུར་ཏོ། །དེ་ནས་ཤར་ཕྱོགས་ན་དེ་བཞིན་གཤེགས་པ་དྲི་མེད་རྣམ་དག་རིན་ཆེན་འོད་བྱང་ཆུབ་ཀྱི་ཡན་ལག་དང་ལྡན་པའི་ཆོས་རྒྱུན་མི་འཆད་པའི་འོད་ཟེར་བཀོད་
D147.057.0147a06.01པའི་རྒྱལ་པོའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་ཡོན་ཏན་མཐའ་ཡས་པའི་རིན་པོ་ཆེའི་བསོད་ནམས་བཀོད་པས་རྒྱ་ཆེ་བ་དང་ལྡན་པ་ན། བྱང་ཆུབ་སེམས་དཔའ་མེ་ཏོག་དཔལ་གྱི་སྙིང་པོ་ཆོས་ཐམས་ཅད་ལ་དབང་སྒྱུར་བ་ཞེས་བྱ་བ་འོད་དེས་བསྐུལ་མ་ཐག་ཏུ་བྱང་ཆུབ་སེམས་
D147.057.0147a07.01