完整藏文原文 · 德格版页 当前仅加载第 57 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་རང་བཞིན་ནོ། །བསམ་གཏན་དང་ནི་དེ་བཞིན་ཏིང་འཛིན་ཀུན་དང་རབ་ཏུ་ལྡན། །སེམས་དང་ཡིད་ཀྱི་རྣམ་པར་རྟོག་པ་ཀུན་དུ་རྒྱུ་བ་མེད། །བདུད་ཀྱི་ཡུལ་ལས་གྲོལ་ཞིང་བདུད་ཀྱི་ལས་ལས་ཤིན་ཏུ་འདས། །ནམ་མཁའི་རང་བཞིན་མཚུངས་ཤིང་དྲི་མེད་རྣམ་པར་
D147.057.0213a01.01འགྱུར་བ་མེད། །རིགས་ཀྱི་བུ་གཞན་ཡང་འདས་པའི་དུས་ལ་དེ་བཞིན་གཤེགས་པའི་ཡེ་ཤེས་མཐོང་བ་ཆགས་པ་མེད་ཅིང་ཐོགས་པ་མེད་པར་འཇུག་གོ། །ཇི་ལྟར་འཇུག་ཅེ་ན། འདས་པའི་དུས་ཀྱི་སངས་རྒྱས་ཀྱི་ཞིང་བྱུང་བ་དང་ཞིག་པ་ཇི་སྙེད་པ་དེ་དག་ཐམས་ཅད་བགྲང་བའི་ཚུལ་གྱིས་
D147.057.0213a02.01རབ་ཏུ་མཁྱེན་ཏོ། །སངས་རྒྱས་ཀྱི་ཞིང་དེ་དག་ན་རྩྭ་དང་། ཤིང་གེལ་པ་དང་། སྨན་དང་། ནགས་ཚལ་དུ་གྱུར་པ་དེ་དག་ཐམས་ཅད་ཀྱང་རབ་ཏུ་མཁྱེན་ཏོ། །སངས་རྒྱས་ཀྱི་ཞིང་དེ་དག་ན་སེམས་ཅན་གྱི་ཚོགས་སེམས་ཅན་དུ་བཏགས་པར་གྱུར་པ་ཇི་སྙེད་པ་དེ་དག་ཐམས་ཅད་ཀྱང་རབ་ཏུ་མཁྱེན་ཏོ། །
D147.057.0213a03.01སེམས་ཅན་དེ་དག་གི་སྤྱོད་པ་སྣ་ཚོགས་སུ་གྱུར་པ་ཇི་སྙེད་པ་དེ་དག་ཐམས་ཅད་ཀྱང་རབ་ཏུ་མཁྱེན་ཏོ། །སངས་རྒྱས་ཀྱི་ཞིང་དེ་དག་ཏུ་སངས་རྒྱས་བྱུང་བ་ཇི་སྙེད་པ་དེ་དག་ཐམས་ཅད་ཀྱང་རབ་ཏུ་མཁྱེན་ཏོ། །སངས་རྒྱས་རེ་རེས་ཆོས་བསྟན་ཅིང་བརྗོད་པ་ཇི་སྙེད་པ་དེ་དག་ཐམས་ཅད་ཀྱང་རབ་ཏུ་མཁྱེན་
D147.057.0213a04.01ཏོ། །སེམས་ཅན་ཇི་སྙེད་ཅིག་ཉན་ཐོས་ཀྱི་ཐེག་པར་བཏུལ་བ་དེ་དག་ཐམས་ཅད་ཀྱང་རབ་ཏུ་མཁྱེན་ཏོ། །སེམས་ཅན་ཇི་སྙེད་ཅིག་རང་སངས་རྒྱས་ཀྱི་ཐེག་པར་བཏུལ་བ་དེ་དག་ཐམས་ཅད་ཀྱང་རབ་ཏུ་མཁྱེན་ཏོ། །སེམས་ཅན་ཇི་སྙེད་ཅིག་ཐེག་པ་ཆེན་པོར་བཏུལ་བ་དེ་དག་ཐམས་ཅད་ཀྱང་
D147.057.0213a05.01རབ་ཏུ་མཁྱེན་ཏོ། །སངས་རྒྱས་ཀྱི་ཞིང་རྣམ་པར་ཕྱེ་བ་ཐམས་ཅད་ཀྱང་རབ་ཏུ་མཁྱེན་ཏོ། །དགེ་སློང་གི་དགེ་འདུན་རྣམ་པར་ཕྱེ་བ་ཡང་རབ་ཏུ་མཁྱེན་ཏོ། །ཚེའི་ཚད་རྣམ་པར་ཕྱེ་བ་ཡང་རབ་ཏུ་མཁྱེན་ཏོ། །ཆོས་གནས་པ་རྣམ་པར་ཕྱེ་བ་ཡང་རབ་ཏུ་མཁྱེན་ཏོ། །དབུགས་འབྱུང་བ་དང་
D147.057.0213a06.01རྔུབ་པ་ཡང་རབ་ཏུ་མཁྱེན་ཏོ། །ཟས་ཀྱི་མཆོག་གི་ལོངས་སྤྱོད་ཀྱང་རབ་ཏུ་མཁྱེན་ཏོ། །སེམས་ཅན་ཐམས་ཅད་ཀྱི་འདས་པའི་རྣམ་པ་དང་། འཆི་འཕོ་དང་། འགྲོ་བར་སྐྱེ་བ་རྣམས་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ། །དབང་པོ་སྣ་ཚོགས་དང་སྤྱོད་པ་སྣ་ཚོགས་དང་།
D147.057.0213a07.01