完整藏文原文 · 德格版页 当前仅加载第 57 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་གཟུངས་འདི་ལ་རབ་ཏུ་གནས་པ་ན་ཆགས་པ་མེད་པ་ལ་འཇུག་པའི་སྒོ་ཤིན་ཏུ་རྣམ་པར་དག་པས་སྙིང་པོ་དང་ལྡན་པའི་བློས་ཤིན་ཏུ་གནས་ཏེ། ཆོས་བསྟན་པའི་བྱིན་གྱི་རླབས་ངེས་པར་བྱས་ནས་ཆོས་སྟོན་པ་ན་སངས་རྒྱས་ཀྱི་ཞིང་གཅིག་དབྱངས་ཀྱིས་གོ་བར་བྱེད་དོ། །གཉིས་
D147.057.0219b01.01སམ། གསུམ་མམ། བཞིའམ། ལྔའམ། བཅུའམ། ཉི་ཤུའམ། སུམ་ཅུའམ། བཞི་བཅུའམ། ལྔ་བཅུའམ། བརྒྱ་ཡང་དབྱངས་ཀྱིས་གོ་བར་བྱེད་དོ། །སངས་རྒྱས་ཀྱི་ཞིང་སྟོང་དབྱངས་ཀྱིས་གོ་བར་བྱེད་པ་ནས་སངས་རྒྱས་ཀྱི་ཞིང་སྟོང་ཕྲག་བཅུའམ། ཉི་ཤུའམ། སུམ་ཅུའམ།
D147.057.0219b02.01བཞི་བཅུའམ། ལྔ་བཅུའམ། བརྒྱའི་བར་དུ་དབྱངས་ཀྱིས་གོ་བར་བྱེད་དོ། །སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་མཐའ་ཡས་མུ་མེད་པའི་བར་དག་དབྱངས་ཀྱིས་གོ་བར་བྱེད་དོ། །དེས་རྒྱང་གྲགས་ཀྱི་ཚད་ཙམ་གྱི་སེང་གེའི་ཁྲི་བྱིན་གྱིས་བརླབས་ཏེ། དེ་ལ་འདུག་ནས་ཆོས་སྟོན་ཏོ། །
D147.057.0219b03.01ཇི་ལྟར་མོས་པའི་སེམས་ཅན་རྣམས་མོས་པ་དེ་ལྟ་བུས་ཚིམ་པར་བྱ་བའི་ཕྱིར་དཔག་ཚད་ཕྱེད་ཀྱི་ཚད་ཙམ་མམ། དཔག་ཚད་ཀྱི་ཚད་ཙམ་མམ། རི་རབ་ཀྱི་ཚད་ཙམ་མམ། ཚངས་པའི་འཇིག་རྟེན་གྱི་ཚད་ཙམ་གྱི་སེང་གེའི་ཁྲི་བྱིན་གྱིས་བརླབས་ཏེ། དེ་ལ་འདུག་ནས་ཆོས་སྟོན་ཏོ། །དེ་ལྟར་
D147.057.0219b04.01སེང་གེའི་ཁྲི་དེ་ལ་འདུག་པ་ན་ཕྱོགས་བཅུའི་སངས་རྒྱས་ཐམས་ཅད་སྣང་བར་གྱུར་ཏོ། །སངས་རྒྱས་བཅོམ་ལྡན་འདས་དེ་དག་གིས་ཆོས་གང་བཤད་པ་དེ་ཐམས་ཅད་ཀྱང་ཐོས་སོ། །ཐོས་ནས་ཀྱང་གཟུངས་ཀྱི་སྟོབས་ཀྱིས་ཀུན་དུ་འཛིན་ཏོ། །མི་བརྗེད་དོ། །ཆོས་དེས་ཆོས་ཀྱི་དོན་
D147.057.0219b05.01སོ་སོར་མྱོང་བར་བྱེད་དོ། །དེ་ཆོས་གཞན་ཉན་པས་ཆོས་སྟོན་པ་ལ་སྒྲིབ་པར་མི་བྱེད་དོ། །ཆོས་སྟོན་པས་ཆོས་ཉན་པ་ལ་སྒྲིབ་པར་མི་བྱེད་དོ། །ཡི་གེའི་སྒྲ་གཅིག་ལ་འཇུག་པས་ཡི་གེའི་སྒྲ་ཐམས་ཅད་ལ་འཇུག་པ་སྟོན་ཏོ། །ཡི་གེའི་དང་པོ་ཨ་ཞེས་བྱ་བ་བརྗོད་པའི་ཚུལ་གྱིས་ཆོས་
D147.057.0219b06.01ཀྱི་སྒོ་མཐའ་ཡས་པ་བརྗོད་དེ། འདི་ལྟ་སྟེ། འོང་བ་མེད་པའི་མཚན་ཉིད་ཀྱི་ཚུལ་གྱིས་ཆོས་ཐམས་ཅད་ནི་འོང་བ་མེད་པའོ། །འཕོ་བ་མེད་པའི་ཚུལ་གྱིས་ཆོས་ཐམས་ཅད་ནི་སོང་བ་མེད་པའོ། །གནས་མེད་པའི་ཚུལ་གྱིས་ཆོས་ཐམས་ཅད་ནི་གནས་པ་མེད་པའོ། །གཟོད་མ་ནས་
D147.057.0219b07.01