完整藏文原文 · 德格版页 当前仅加载第 57 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་གི་ལྡ་ལྡི་དག་དང་། མེ་ཏོག་གི་སྐོན་བུ་རྣམས་བྱིན་གྱིས་བརླབས་ཏེ། མེ་ཏོག་གི་ལྡ་ལྡི་དང་། མེ་ཏོག་གི་སྐོན་བུ་དེ་དག་གིས་བཅོམ་ལྡན་འདས་དང་། བྱང་ཆུབ་སེམས་དཔའི་ཚོགས་ཐམས་ཅད་ལ་མངོན་པར་འཐོར་རོ། །དེ་ནས་སངས་རྒྱས་ཀྱི་
D147.057.0154a01.01མཐུས་བྱང་ཆུབ་སེམས་དཔའ་བློ་མཆོག་རྒྱ་མཚོས་དྲི་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐམས་ཅད་དང་ལྡན་པའི་འཁོར་གྱི་སྤུའི་ཁུང་བུ་ཐམས་ཅད་དུ་ཙན་དན་སྦྲུལ་གྱི་སྙིང་པོའི་དྲིར་བྱིན་གྱིས་བརླབས་སོ། །དེ་ནས་སངས་རྒྱས་ཀྱི་མཐུས་བྱང་ཆུབ་
D147.057.0154a02.01སེམས་དཔའ་འོད་ཟེར་དྲ་བ་ཅན་གྱིས་འོད་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐམས་ཅད་དང་ལྡན་པའི་འཁོར་ལ་ལུས་ཀྱི་འོད་མཐའ་ཡས་པར་བྱིན་གྱིས་བརླབས་སོ། །དེ་ནས་སངས་རྒྱས་ཀྱི་མཐུས་བྱང་ཆུབ་སེམས་དཔའ་སྙིང་རྗེ་ཆེན་པོ་སེམས་
D147.057.0154a03.01པས་མིག་མི་འཛུམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐམས་ཅད་དང་ལྡན་པའི་འཁོར་དེ་བཞིན་གཤེགས་པ་ལ་མངོན་པར་ཕྱོགས་ཤིང་མིག་མི་འཛུམས་པར་བྱིན་གྱིས་བརླབས་སོ། །དེ་ནས་སངས་རྒྱས་ཀྱི་མཐུས་བྱང་ཆུབ་སེམས་དཔའ་བློ་མཐའ་
D147.057.0154a04.01ཡས་དྲི་མེད་ཀྱིས་ཆོས་ལ་མཆོག་ཏུ་དགའ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐམས་ཅད་དང་ལྡན་པའི་འཁོར་ཆོས་དོན་དུ་གཉེར་ཞིང་ཆོས་ལ་དགའ་བ་དང་མོས་པར་བྱིན་གྱིས་བརླབས་སོ། །དེ་ནས་སངས་རྒྱས་ཀྱི་མཐུས་བྱང་ཆུབ་སེམས་དཔའ་སྤོབས་པའི་
D147.057.0154a05.01རྒྱན་བཀོད་པས་རབ་ཏུ་ཞི་བ་དང་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐམས་ཅད་དང་ལྡན་པའི་འཁོར་སྒྲིབ་པ་ལྔ་རྣམ་པར་སེལ་བར་བྱིན་གྱིས་བརླབས་སོ། །དེ་ནས་སངས་རྒྱས་ཀྱི་མཐུས་བྱང་ཆུབ་སེམས་དཔའ་ཆོས་ཐམས་ཅད་རྣམ་པར་འཕྲུལ་པའི་
D147.057.0154a06.01རྒྱལ་པོས་བརྗེད་པ་མེད་པར་སྤྱོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐམས་ཅད་དང་ལྡན་པའི་འཁོར་བྱང་ཆུབ་ཀྱི་སེམས་དྲན་ཞིང་དེ་བཞིན་གཤེགས་པ་ལ་དམིགས་པ་མི་བརྗེད་པར་བྱིན་གྱིས་བརླབས་སོ། །དེ་ནས་དེའི་ཚེ་སངས་རྒྱས་ཀྱི་མཐུས་བྱང་ཆུབ་
D147.057.0154a07.01