完整藏文原文 · 德格版页 当前仅加载第 57 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་རབ་བསླབས་པ། །འདྲེན་པ་རྣམས་ཀྱི་སྤྱོད་ཡུལ་བཤད་དུ་གསོལ། །དེ་ནས་བྱང་ཆུབ་སེམས་དཔའ་གཟུངས་ཀྱི་དབང་ཕྱུག་གི་རྒྱལ་པོའི་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D147.057.0158b01.01ལྡན་འདས་དེ་བཞིན་གཤེགས་པའི་ཡུལ་ནི་བསམ་གྱིས་མི་ཁྱབ། བྱང་ཆུབ་སེམས་དཔའི་སྤྱོད་ཡུལ་ནི་ཚད་མ་མཆིས་ཏེ། བཅོམ་ལྡན་འདས་བདག་གིས་དེ་བཞིན་གཤེགས་པ་ནི་ཡོངས་སུ་མི་སྐྱོ་བར་ཆོས་སྟོན་པ་ལགས་པར་རིག་ཅིང་། དེ་བཞིན་གཤེགས་པ་ནི་སེམས་ཅན་
D147.057.0158b02.01ཐམས་ཅད་མི་གཏོང་བའི་ཐུགས་རྗེ་ཆེན་པོ་ལ་གནས་པར་མཐོང་ནས་དོན་འདི་ཞུ་བར་འཚལ་ལོ། །བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་རྒྱན་དག་ནི་གང་ལགས། བཅོམ་ལྡན་འདས་བྱང་ཆུབ་སེམས་དཔའ་རྒྱན་གང་དག་གིས་བརྒྱན་ན་བྱང་ཆུབ་སེམས་དཔའི་སྤྱད་པ་
D147.057.0158b03.01སྤྱོད་པ་ན་མཛེས་པ་ལགས། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ཆོས་ཀྱི་སྣང་བ་བསམ་གྱིས་མི་ཁྱབ་པ་ཐོབ་ནས་གཏི་མུག་གི་མུན་པ་དང་བྲལ་ཞིང་ཐེ་ཚོམ་མ་མཆིས་པ་དང་། ཆོས་ཀྱི་སྒོ་ཆེན་པོ་ཤིན་ཏུ་ཡོངས་སུ་སྦྱངས་པ་རྣམས་ལགས། བཅོམ་ལྡན་
D147.057.0158b04.01འདས་ཇི་ལྟར་ན་བྱང་ཆུབ་སེམས་དཔའ་སེམས་ཅན་ཐམས་ཅད་མི་གཏོང་བའི་སྙིང་རྗེ་ཆེན་པོ་དང་སྙིང་རྗེ་ཆེན་པོ་ལ་གནས་པ་མཆོག་དང་ལྡན་ཞིང་སེམས་ཅན་ཐམས་ཅད་ཡོངས་སུ་མི་གཏོང་བར་གནས་པ་རྣམས་ལགས། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་
D147.057.0158b05.01དག་བྱང་ཆུབ་སེམས་དཔའི་ལས་ཡང་དག་པ་ལ་ཞུགས་པ་དང་། ལེགས་པར་བགྱིད་པའི་ལས་བགྱིད་པ་དང་། ལས་ཀྱི་མཐའ་གདུང་བ་མ་མཆིས་པ་རྣམས་ལགས། བཅོམ་ལྡན་འདས་ཅི་ནས་ཀྱང་བྱང་ཆུབ་སེམས་དཔའ་བདུད་དང་ཕྱིར་རྒོལ་བ་བཅོམ་ཞིང་ཐེ་ཚོམ་དང་
D147.057.0158b06.01བྲལ་ནས་དེ་བཞིན་གཤེགས་པའི་ཡུལ་ལ་འཇུག་པར་འགྱུར་བ་དང་། བྱང་ཆུབ་སེམས་དཔའི་ཡུལ་ལ་མངོན་དུ་འཕགས་པར་འགྱུར་བ་དང་། སེམས་ཅན་ཐམས་ཅད་ཀྱི་བསམ་པ་ལ་འཇུག་པར་འགྱུར་བ་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་དག་
D147.057.0158b07.01