完整藏文原文 · 德格版页 当前仅加载第 57 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
སྔོན་ནས་ཟད་པས་དེ་ཕྱིར་ཟད་ཅེས་བསྟན། །ཟད་པ་གང་ཡིན་དེ་ནི་འདུས་མ་བྱས། །དེ་ལ་མཚན་ཉིད་གསུམ་ནི་ཡོད་མ་ཡིན། །དབྱིངས་དེ་གནས་པ་ཡིན་ཏེ་འགྱུར་བ་མེད། །དབང་གི་ཕ་རོལ་སོན་པས་ཆོས་རྣམས་མཁྱེན། །དེ་དག་ཤེས་ནས་དེ་བཞིན་ཆོས་སྟོན་ཏེ། །འདི་ནི་རྒྱལ་
D147.057.0202b01.01བའི་འཕྲིན་ལས་བཅུ་གཉིས་པ། །རིགས་ཀྱི་བུ་གཞན་ཡང་དེ་བཞིན་གཤེགས་པས་བར་དུ་གཅོད་པའི་ཆོས་རྣམས་མཚུངས་པར་བར་དུ་གཅོད་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་པ་དེ་ལ་ལྷ་དང་བཅས་པའི་འཇིག་རྟེན་གང་གིས་ཀྱང་ཆོས་འདི་དག་བར་དུ་གཅོད་
D147.057.0202b02.01པར་མི་འགྱུར་རོ་ཞེས་ཆོས་དང་འཐུན་པས་དེ་བཞིན་གཤེགས་པ་ལ་རྒོལ་མི་ནུས་སོ། །དེ་ལ་བར་དུ་གཅོད་པའི་ཆོས་རྣམས་གང་ཞེ་ན། བར་དུ་གཅོད་པར་འགྱུར་བའི་ཆོས་གཅིག་སྟེ། གཅིག་གང་ཞེ་ན་འདི་ལྟ་སྟེ། དང་བ་མེད་པའི་སེམས་སོ། །བར་དུ་གཅོད་པའི་ཆོས་
D147.057.0202b03.01གཉིས་ཏེ། གཉིས་གང་ཞེ་ན། འདི་ལྟ་སྟེ་ངོ་ཚ་མི་ཤེས་པ་དང་། ཁྲེལ་མེད་པའོ། །བར་དུ་གཅོད་པར་འགྱུར་བའི་ཆོས་གསུམ་སྟེ། གསུམ་གང་ཞེ་ན་འདི་ལྟ་སྟེ། ལུས་ཀྱིས་ཉེས་པར་སྤྱད་པ་དང་། ངག་གིས་ཉེས་པར་སྤྱད་པ་དང་། ཡིད་ཀྱིས་ཉེས་པར་སྤྱད་པ་སྟེ། གསུམ་
D147.057.0202b04.01པོ་འདི་དག་གོ། །བར་དུ་གཅོད་པར་འགྱུར་བའི་ཆོས་བཞི་སྟེ། བཞི་གང་ཞེ་ན་འདི་ལྟ་སྟེ། འགྲོ་བ་མ་ཡིན་པར་འགྲོ་བ་བཞི་སྟེ། འདུན་པས་འགྲོ་བ་མ་ཡིན་པར་འགྲོ་བ་དང་། ཞེ་སྡང་གིས་འགྲོ་བ་མ་ཡིན་པར་འགྲོ་བ་དང་། གཏི་མུག་གིས་འགྲོ་བ་མ་ཡིན་པར་འགྲོ་བ་དང་།
D147.057.0202b05.01འཇིགས་པས་འགྲོ་བ་མ་ཡིན་པར་འགྲོ་བ་སྟེ། བཞི་པོ་འདི་དག་གོ། །བར་དུ་གཅོད་པར་འགྱུར་བའི་ཆོས་ལྔ་སྟེ། ལྔ་གང་ཞེ་ན། འདི་ལྟ་སྟེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པ་ལ་ལོག་པར་གཡེམ་པ་དང་། {བརྫུན་,རྫུན་}དུ་སྨྲ་བ་དང་། ཆང་འཐུང་བ་སྟེ།
D147.057.0202b06.01ལྔ་པོ་འདི་དག་གོ། །བར་དུ་གཅོད་པར་འགྱུར་བའི་ཆོས་དྲུག་སྟེ། དྲུག་གང་ཞེ་ན། འདི་ལྟ་སྟེ། སངས་རྒྱས་ལ་མ་གུས་པ་ཡིན། ཆོས་ལ་མ་གུས་པ་ཡིན། དགེ་འདུན་ལ་མ་གུས་པ་ཡིན། བསླབ་པ་ལ་མ་གུས་པ་ཡིན། ཏིང་ངེ་འཛིན་ལ་མ་གུས་པ་ཡིན། གདིང་བ་ལ་མ་
D147.057.0202b07.01