完整藏文原文 · 德格版页 当前仅加载第 57 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་བཤད་པར་གསོལ་བ་ཡང་ཐོབ་ཤིག་དང་། དེ་ཉིད་ཁྱེད་ཀྱི་བདུད་ཀྱི་ལམ་ཐམས་ཅད་ལས་འདའ་བའི་རྒྱུར་འགྱུར་རོ། །དེ་ཅིའི་ཕྱིར་ཞེ་ན། སངས་རྒྱས་ལ་དགེ་བའི་རྩ་བ་བསྐྲུན་པའི་སྟོབས་བསྐྱེད་པའི་ཕྱིར་རོ། །གྲོགས་པོ་དག་འདི་ལྟ་སྟེ། དཔེར་
D147.057.0155a01.01ན་མུན་པ་མུན་ནག་ལོ་དུ་མར་བསགས་པ་ནི་མར་མེ་གཅིག་གིས་མེད་པར་འགྱུར་རོ། །གྲོགས་པོ་དག་དེ་བཞིན་དུ་ཉོན་མོངས་པའི་མུན་པ་མུན་ནག་བསྐལ་པ་བརྒྱར་བསགས་པ་ཡང་ཡེ་ཤེས་ཀྱི་སྟོབས་བསྐྱེད་པ་གཅིག་གིས་མེད་པར་འགྱུར་རོ། །གྲོགས་པོ་དག་འདི་ལྟ་སྟེ།
D147.057.0155a02.01དཔེར་ན་ཟླ་བའི་དཀྱིལ་འཁོར་གཅིག་དང་། ཉི་མའི་དཀྱིལ་འཁོར་གཅིག་དང་། ནོར་བུ་རིན་པོ་ཆེ་ཆེན་པོ་གཅིག་གིས་མུན་པ་མུན་ནག་ཐམས་ཅད་སེལ་ཏོ། །གྲོགས་པོ་དག་དེ་བཞིན་དུ་དགེ་བའི་སེམས་ལྷག་མཐོང་དང་ལྡན་པ་གཅིག་གིས་མི་ཤེས་པའི་མུན་པ་མུན་ནག་
D147.057.0155a03.01ཐམས་ཅད་སེལ་ཏོ། །གྲོགས་པོ་དག་དེའི་ཕྱིར་ཁྱེད་དགེ་བའི་རྩ་བ་འདིས་རིམ་གྱིས་མི་ཤེས་པའི་མུན་པ་མུན་ནག་ཐམས་ཅད་བསལ་ནས་ཆོས་ཀྱི་སྣང་བ་ཆེན་པོ་ཐོབ་པར་འགྱུར་རོ། །དེ་ནས་བྱང་ཆུབ་སེམས་དཔའ་ཆོས་ཀྱི་དབང་ཕྱུག་གི་རྒྱལ་པོ་ཞེས་བྱ་བ་འཁོར་དེ་ཉིད་
D147.057.0155a04.01དུ་འདུས་པར་གྱུར་ཏེ་འདུག་པ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་ཀྱི་ཡུལ་དེ་བཞིན་གཤེགས་པས་བྱིན་གྱིས་བརླབས་པ་དང་། ཀུན་ཏུ་བསྟན་པ་འདི་ནི་བསམ་གྱིས་མི་ཁྱབ་བོ། །དེང་ནི་དེ་བཞིན་གཤེགས་པ་བྱང་ཆུབ་
D147.057.0155a05.01སེམས་དཔའི་སྤྱོད་པ་ལ་འཇུག་པས་ངེས་པར་འབྱུང་བ་སྒྲིབ་པ་མེད་པའི་སྒོ་ཞེས་བགྱི་བ་འདུས་པ་ཆེན་པོའི་ལེའུའི་ཆོས་ཀྱི་རྣམ་གྲངས་བཤད་པར་བཞེད་པར་ཐེ་ཚོམ་མ་མཆིས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཨེ་མ་བྱང་ཆུབ་སེམས་དཔའ་རྣམས་ཀྱི་འདུས་པ་
D147.057.0155a06.01འདི་ནི་ཆེ་སྟེ། བཅོམ་ལྡན་འདས་འདི་ནི་བྱང་ཆུབ་སེམས་དཔའ་བསམ་གྱིས་མི་ཁྱབ་པའི་གོ་ཆ་བགོས་པ། མངོན་པར་ཤེས་པའི་ཡེ་ཤེས་ཆེན་པོས་རྣམ་པར་རོལ་པ། ཕྱོགས་བཅུར་སྒྲ་བསྒྲགས་པ་སེམས་ཤིན་ཏུ་བྱང་བར་བགྱིས་ཏེ་དྲི་མ་མ་མཆིས་པར་རིག་པ་དང་། རྣམ་
D147.057.0155a07.01