完整藏文原文 · 德格版页 当前仅加载第 57 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ཡིད་འཛུད། །ཡི་གེ་རྣམས་ནི་མཚམས་སྦྱོར་མ་ཡིན་ཕན་ཚུན་འགལ་བར་འགྱུར་བའང་མིན། །དེ་ལྟར་ཆོས་རབ་སྟོན་ཀྱང་སེམས་ནི་རྣམ་པར་རྟོག་པར་འགྱུར་བ་མེད། །ཇི་ལྟར་བྲག་ཅ་གཡོ་བ་མེད་ཅིང་བྱེད་པ་མེད་པར་སྒྲ་སྒྲོག་པ། །དེ་ལྟར་མི་ཡི་དམ་པ་སྒྲ་རྣམས་སྒྲོག་ཅིང་
D147.057.0212b01.01སེམས་ཅན་ཚིམ་པར་བྱེད། །རིགས་ཀྱི་བུ་གཞན་ཡང་དེ་བཞིན་གཤེགས་པའི་ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་སེམས་ཀྱིས་བརྗོད་པར་བྱ་བ་མ་ཡིན། ཡིད་ཀྱིས་མ་ཡིན། རྣམ་པར་
D147.057.0212b02.01ཤེས་པས་མ་ཡིན་གྱི་དེ་བཞིན་གཤེགས་པ་ནི་ཡེ་ཤེས་ཀྱིས་རབ་ཏུ་ཕྱེ་བ་སྟེ། ཡེ་ཤེས་ཀྱི་བདག་པོར་གྱུར་པའོ། །དེ་བཞིན་གཤེགས་པའི་ཡེ་ཤེས་དེ་ནི་སེམས་ཅན་ཐམས་ཅད་ཀྱི་སེམས་ཀྱི་རྗེས་སུ་སོང་བའོ། །སེམས་ཅན་ཐམས་ཅད་ཀྱི་ཡིད་ཀྱི་རྗེས་སུ་ཞུགས་པའོ། །སེམས་ཅན་
D147.057.0212b03.01ཐམས་ཅད་ཀྱི་ཤེས་པ་རིག་པའོ། །ཆོས་ཐམས་ཅད་ངེས་པར་བསམས་པའོ། །ཏིང་ངེ་འཛིན་ཐམས་ཅད་ལ་གཞན་གྱི་དྲིང་མི་འཇོག་པའོ། །དམིགས་པ་ལས་ཤིན་ཏུ་འདས་པའོ། །རྐྱེན་ལས་སྐྱེ་བ་དང་བྲལ་བའོ། །སྲིད་པ་གསུམ་བསལ་བའོ། །ང་རྒྱལ་གྱི་རིམ་པ་ཐམས་ཅད་ལས་
D147.057.0212b04.01ཤིན་ཏུ་འདས་པའོ། །བདུད་ཀྱི་ལས་ཐམས་ཅད་ལས་རྣམ་པར་གྲོལ་བའོ། །སྒྱུ་དང་གཡོ་ཐམས་ཅད་དང་བྲལ་བའོ། །ངར་འཛིན་པ་དང་། ང་ཡིར་འཛིན་པ་སྤངས་པའོ། །མ་རིག་པ་དང་གཏི་མུག་གི་མུན་པ་དང་རབ་རིབ་ཀྱི་ལིང་ཏོག་དང་བྲལ་བའོ། །ལམ་གྱི་ཡན་ལག་ཤིན་ཏུ་
D147.057.0212b05.01ཡོངས་སུ་བསྒོམས་པའོ། །ནམ་མཁའ་ལྟར་རྣམ་པར་མི་རྟོག་པའོ། །ཆོས་ཀྱི་དབྱིངས་དང་དབྱེར་མེད་པ་སྟེ། དེ་བཞིན་གཤེགས་པའི་ཡིད་ཀྱི་ལས་ཡེ་ཤེས་སྔོན་དུ་འགྲོ་བ་ནི་དེ་ལྟ་བུའོ། །འདི་ནི་དེ་བཞིན་གཤེགས་པའི་དེ་བཞིན་གཤེགས་པའི་འཕྲིན་ལས་ཉི་ཤུ་རྩ་དགུ་པའོ། །
D147.057.0212b06.01དེ་ལ་འདི་སྐད་ཅེས་བྱའོ། །རྒྱལ་བ་རྐང་གཉིས་དབང་པོ་སེམས་དང་ཡིད་ཀྱིས་གཞལ་མ་ཡིན། །ཡེ་ཤེས་རྣམ་པར་དག་གིས་འདྲེན་པ་ཀུན་གྱི་ལས་རྣམས་དག །བདེ་གཤེགས་ཡེ་ཤེས་དེ་ནི་སེམས་ཅན་ཀུན་གྱི་བསམ་པ་ལ། །མཉམ་པ་ཉིད་དུ་རྗེས་སུ་ཞུགས་ཤིང་ཆོས་
D147.057.0212b07.01