完整藏文原文 · 德格版页 当前仅加载第 63 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཟབ་མོ་ལ་སྤྱོད་པ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་བུ་ཟླ་བ་ལ་འདི་སྐད་ཅེས་བཀའ་སྩལ་ཏོ། །ལྷའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སོ་སོའི་སྐྱེ་བོའི་ཆོས་བསྟན་པའི་ཕྱིར་སངས་རྒྱས་ཀྱི་ཆོས་ཡོངས་སུ་བསྒྲུབ་པ་ཡང་ཡོངས་སུ་ཚོལ་བར་
D223.063.0137b01.01མི་བྱེད་ལ། སོ་སོའི་སྐྱེ་བོའི་ཆོས་རྣམས་བསལ་བར་ཡང་མི་བྱེད་དེ། སངས་རྒྱས་ཀྱི་ཆོས་ཀྱང་རྣམ་པར་དག་པར་མི་མཐོང་སྟེ། སོ་སོའི་སྐྱེ་བོའི་ཆོས་མ་གཏོགས་པར་སངས་རྒྱས་ཀྱི་ཆོས་འཐོབ་པ་ཡོངས་སུ་མི་ཚོལ་ལོ། །སོ་སོའི་སྐྱེ་བོའི་ཆོས་རྣམས་ཀྱང་གཞན་ལ་སངས་རྒྱས་ཀྱི་ཆོས་རྣམས་
D223.063.0137b02.01ཀྱང་གཞན་ནོ་ཞེས་དེ་ལྟར་མི་སྤྱོད་དོ། །སོ་སོའི་སྐྱེ་བོའི་ཆོས་རྣམས་ནི་ཆུང་ལ་སངས་རྒྱས་ཀྱི་ཆོས་རྣམས་ནི་རྒྱ་ཆེའོ་ཞེས་དེ་ལྟར་མི་སྤྱོད་དོ། །སོ་སོའི་སྐྱེ་བོའི་ཆོས་རྣམས་ནི་ཟག་པ་དང་བཅས་པ་ཡིན་ལ་སངས་རྒྱས་ཀྱི་ཆོས་རྣམས་ནི་ཟག་པ་མེད་པའོ་ཞེས་དེ་ལྟར་མི་སྤྱོད་དོ། །གཞན་ཡང་དེ་འདི་
D223.063.0137b03.01སྙམ་དུ་སེམས་ཏེ། སོ་སོའི་སྐྱེ་བོའི་ཆོས་གང་དག་ཡིན་པ་དེ་རྣམས་དང་། སངས་རྒྱས་ཀྱི་ཆོས་གང་དག་ཡིན་པ་རྣམས་ནི་ཤེས་པའམ། མཐོང་བའམ། ཉེ་བར་བརྟག་པར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ནི་སྟོང་པ་ཡིན་ལ་སྟོང་པ་ཉིད་ལ་ནི་ཤེས་པའམ། མཐོང་བའམ།
D223.063.0137b04.01ཉེ་བར་རྟོག་པ་མེད་དེ། འདི་ལྟ་སྟེ། རང་བཞིན་གྱིས་བེམས་པོ་ཡིན་པའི་ཕྱིར་རོ་སྙམ་མོ། །ལྷའི་བུ་འདི་ལྟར་ཆོས་རྣམས་ཀྱི་ཆོས་ཉིད་དང་། ཆོས་ཀྱི་ངོ་བོ་ཉིད་དང་། ཆོས་གནས་པ་ཉིད་དང་། ཆོས་ཇི་ལྟ་བ་བཞིན་པ་གང་ཡིན་པ་དེ་ལ་ནི་གཉིས་པོ་གང་གིས་སོ་སོའི་སྐྱེ་བོ་ཞེས་བྱ་བའམ།
D223.063.0137b05.01ཉན་ཐོས་ཞེས་བྱ་བའམ། རང་སངས་རྒྱས་ཞེས་བྱ་བའམ། ཡང་དག་པར་རྫོགས་པར་སངས་རྒྱས་ཞེས་བྱ་བར་གཉིས་སུ་དབྱེ་བའི་གཉིས་པོ་ཅི་ཡང་མེད་དོ། །ལྷའི་བུ་ཟབ་མོ་ལ་སྤྱོད་པའི་བྱང་ཆུབ་སེམས་དཔའ་རྣམས་ལ་ནི་གང་སངས་རྒྱས་ཀྱི་ཆོས་མ་ཡིན་པ་དེ་ལྟ་བུའི་ཆོས་གང་
D223.063.0137b06.01ཡང་མེད་དོ། །དེ་ཅིའི་ཕྱིར་ཞེ་ན། ལྷའི་བུ་ཆོས་རྣམས་ཀྱི་ཆོས་སྨྲ་བར་བྱ་བ་གང་ཡིན་པ་དེ་ནི་སྨྲར་མེད་པའོ། །སྨྲར་མེད་པ་གང་ཡིན་པ་དེ་ནི་བརྗོད་དུ་མེད་པའོ། །བརྗོད་དུ་མེད་པ་གང་ཡིན་པ་དེ་ལ་ནི་ཡོད་པ་མེད་དོ། །གང་ལ་ཡོད་པ་མེད་པ་དེ་ལ་ནི་འབྱུང་བ་མེད་དོ། །གང་ལ་འབྱུང་བ་མེད་པ་དེ་
D223.063.0137b07.01