完整藏文原文 · 德格版页 当前仅加载第 63 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
དམུས་ལོང་འདྲ་བ་སྟེ། །སངས་རྒྱས་ཐེག་པ་ཞེས་ནི་འཛིན་པར་ཡོད་མི་བགྱིད། །དེ་བཞིན་གཤེགས་པ་ལ་ནི་དང་བས་མཆི་མོད་ཀྱི། །རྒྱལ་བ་དག་གི་ཆོས་ཉིད་ཀྱང་ནི་ཡོད་མ་འཚལ། །རྒྱ་མཚོ་ཆེན་པོའི་དྲུང་ན་བ་རྗེས་ལྟ་བུ་དང་། །རི་རབ་རྒྱལ་པོ་དང་ནི་ཡུངས་འབྲུ་གཅིག་པུ་དང་། །ཉི་
D223.063.0148b01.01མའི་འོད་དང་སྲིན་བུ་མེ་ཁྱེར་འདྲ་བ་སྟེ། །སངས་རྒྱས་སྤྱན་སྔར་ཉན་ཐོས་འཁོར་རྣམས་དེ་དང་འདྲ། །ལྷུན་པོ་རྣམས་ཀྱང་ཡུངས་འབྲུ་དག་ལ་འདོད་མི་བགྱིད། །མཁའ་ལ་ཉི་མ་གནས་པ་མེ་ཁྱེར་འདོད་མི་བགྱིད། །རྒྱ་མཚོ་ཆེན་པོ་བ་རྗེས་ཆུ་ལ་འདོད་མི་བགྱིད། །བྱང་ཆུབ་སེམས་དཔའ་ཉན་
D223.063.0148b02.01ཐོས་རྣམས་ལ་འདོད་མི་བགྱིད། །དམུས་ལོང་མི་དང་ལྷ་ཡི་མིག་ལྡན་ཅི་འདྲ་དང་། །ཕལ་པའི་མི་དང་འཁོར་ལོས་སྒྱུར་བ་ཅི་འདྲ་དང་། །ཟླ་བའི་འོད་ཀྱིས་སྐར་མ་རྣམས་ནི་ཟིལ་གནོན་པ། །སངས་རྒྱས་སྤྱན་སྔར་ཉན་ཐོས་འཁོར་རྣམས་དེ་དང་འདྲ། །ལྷ་མོ་སྒྱུ་འཕྲུལ་ལ་ནི་ཐུགས་བརྩེའི་
D223.063.0148b03.01དོན་སླད་དུ། །ལྷུན་པོའི་རྩེ་མོ་འདི་ན་རྒྱལ་བ་བཞུགས་པ་ན། །སངས་རྒྱས་དང་ནི་དགེ་སློང་དགེ་འདུན་མི་བཞུགས་པས། །བདག་ནི་འཛམ་བུའི་གླིང་འདི་སྟོང་སྙམ་ཡིད་ལ་བགྱིད། །བཅོམ་ལྡན་བདག་ནི་རྣམ་པར་རྒྱལ་བྱེད་ནང་ན་མཆིས། །ལྷ་ཡི་བུ་མོ་རྣམས་ལ་ཆོས་ནི་སྟོན་པ་ན། །
D223.063.0148b04.01བདག་གིས་ལྷ་ཡི་མིག་གིས་འཛམ་བུའི་གླིང་དུ་བལྟས། །གྲོང་ཁྱེར་དང་ནི་ཚོང་འདུས་བརྒྱ་ཕྲག་བརྟག་པ་བགྱིད། །བརྟགས་པའི་ཚེ་ན་བདག་གིས་དེར་ནི་རྒྱལ་བ་མཐོང་། །རྒྱལ་པོའི་ཁབ་དང་མཐུ་ཆེན་གཟུགས་ཅན་སྙིང་པོའི་ཁང་། །གྲོང་རྡལ་མི་དང་འཁོར་གྱིས་མདུན་གྱིས་བལྟས་པ་ན། །
D223.063.0148b05.01ཉན་ཐོས་རྣམས་དང་ཐབས་ཅིག་ཏུ་ནི་བཤོས་ཀྱང་གསོལ། །གཡོན་ལོགས་ན་ནི་བདག་གི་ཁ་དོག་འདྲ་བ་ཡི། །མཽད་གལ་གྱི་ནི་བུ་མཆིས་པ་ཡང་བདག་གིས་མཐོང་། །གཡས་ལོགས་ན་ནི་ཤཱ་རིའི་བུ་མཆིས་གཞན་དག་ཀྱང་། །རྒྱལ་བ་ཡི་ནི་ཉན་ཐོས་ཐམས་ཅད་འཁོད་པ་
D223.063.0148b06.01མཐོང་། །ལྷུན་པོ་ཡི་ནི་སྟེང་དུ་རྒྱལ་བ་གཤེགས་སྙམ་བགྱིད། །བདག་གིས་བརྟགས་ན་ལྷུན་པོའི་ཟོམ་ན་བཞུགས་པ་མཐོང་། །བདག་ཉིད་ཀྱང་ནི་རྒྱལ་པོའི་ཁབ་ན་མཆིས་པ་དང་། །ལྷུན་པོའི་རྩེ་མོ་དེ་ཉིད་ན་ཡང་མཆིས་པ་མཐོང་། །གྲོང་ཁྱེར་མཉན་ཡོད་ན་ཡང་འཇིག་རྟེན་
D223.063.0148b07.01