完整藏文原文 · 德格版页 当前仅加载第 63 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་། །ལྷའི་བུ་ངའི་ཉན་ཐོས་རྣམས་ནི་འདོད་པའི་ཁམས་ལ་དམིགས་ནས་འདོད་པའི་ཁམས་ལས་ཡང་དག་པར་འདའ་བར་མི་བྱེད་དོ། །ངའི་ཉན་ཐོས་རྣམས་ནི་གཟུགས་ཀྱི་ཁམས་ལ་དམིགས་ནས་གཟུགས་ཀྱི་ཁམས་ལས་ཡང་དག་པར་འདའ་བར་མི་བྱེད་དོ། །
D223.063.0140a01.01ངའི་ཉན་ཐོས་རྣམས་ནི་གཟུགས་མེད་པའི་ཁམས་ལ་དམིགས་ནས་གཟུགས་མེད་པའི་ཁམས་ལས་ཡང་དག་པར་འདའ་བར་མི་བྱེད་དོ། །ལྷའི་བུ་གཞན་ཡང་ངའི་ཉན་ཐོས་རྣམས་ནི་ཁམས་གསུམ་པ་མི་དམིགས་པས་ཁམས་གསུམ་པ་ལ་མི་རྟེན་ཏེ། ཆོས་རྣམས་སྟོང་པ་ཉིད་དུ་དམིགས་པས་
D223.063.0140a02.01འདོད་པའི་ཁམས་སུ་སྨོན་ལམ་མི་འདེབས་སོ། །གཟུགས་ཀྱི་ཁམས་སུ་སྨོན་ལམ་མི་འདེབས་སོ། །གཟུགས་མེད་པའི་ཁམས་སུ་སྨོན་ལམ་མི་འདེབས་སོ། །ཁམས་གསུམ་པར་སྨོན་ལམ་མི་འདེབས་པས་ན་ཁམས་གསུམ་པར་མི་སྐྱེའོ། །མ་སྐྱེས་པ་དེ་དག་གི་འགྲོ་བ་ནི་གདགས་སུ་མེད་དོ། །ཀྱེ་
D223.063.0140a03.01ལྷའི་བུ་འོན་ཀྱང་འཕགས་པ་རྣམས་ནི་ཡང་དག་པར་འདའ་བ་ཞེས་དེ་སྐད་བརྗོད་པར་མཛད་དོ། །འོན་ཀྱང་དོན་དམ་པར་ན་འདི་ལ་སུ་ཡང་ཡང་དག་པར་འདའ་བ་ཡང་མེད་འོང་བ་ཡང་མེད་དོ། །དེ་ཅིའི་ཕྱིར་ཞེ་ན། ལྷའི་བུ་ཆོས་ཐམས་ཅད་ནི་ཡང་དག་པར་འདའ་བ་མེད་པ་ལས་བལྟ་བར་བྱའོ། །ལྷའི་བུ་དཔེར་ན། ནམ་མཁའ་
D223.063.0140a04.01ནི་མ་སྐྱེས་པ། མ་བྱས་པ། མངོན་པར་མ་གྲུབ་པ། འཕོ་བ་མེད་པ། འོང་བ་མེད་པ་སྟེ། ཆོས་ཐམས་ཅད་ཀྱང་དེ་བཞིན་དུ་བལྟ་བར་བྱའོ། །གཏམ་འདི་བསྟན་པ་ན་ལྷའི་འཁོར་དེའི་ནང་ནས་ལྷའི་བུ་བདུན་ཁྲི་ཉིས་སྟོང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །སྔོན་དགེ་བའི་རྩ་བ་བསྐྱེད་པའི་ལྷའི་
D223.063.0140a05.01བུ་ཁྲི་དྲུག་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །དགེ་བའི་རྩ་བ་ཡོངས་སུ་སྨིན་པའི་བྱང་ཆུབ་སེམས་དཔའ་བརྒྱད་སྟོང་ནི་མི་སྐྱེ་བའི་ཆོས་ལ་བཟོད་པ་སྐྱེས་སོ། །དེ་དག་གི་ལག་ཏུ་བཅོམ་ལྡན་འདས་ཀྱི་མཐུས་སྔོན་མ་མཐོང་བའི་མེ་ཏོག་གི་སྣོད་བྱུང་བར་གྱུར་ཏེ། མེ་ཏོག་གི་
D223.063.0140a06.01སྣོད་དེ་དག་ནས་དེ་བཞིན་གཤེགས་པ་ལ་གཏོར་ཏོ། །མེ་ཏོག་དེ་དག་གིས་ཀྱང་སུམ་ཅུ་རྩ་གསུམ་པའི་གནས་ཁོ་ར་ཁོར་ཡུག་ཏུ་ཁེབས་པར་གྱུར་ཏོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷའི་བུ་འདི་རྣམས་ཀྱིས་དེ་བཞིན་གཤེགས་
D223.063.0140a07.01