完整藏文原文 · 德格版页 当前仅加载第 63 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། དེ་ལྟ་ན་ནི་བྱིས་པ་སོ་སོའི་སྐྱེ་བོ་རྣམས་ཀྱང་ལུང་བསྟན་པར་འགྱུར་རོ། །དེ་ཅིའི་ཕྱིར་ཞེ་ན། སོ་སོའི་སྐྱེ་བོ་རྣམས་ནི་སོ་སོའི་སྐྱེ་བོའི་ཆོས་རྣམས་ཀྱང་མ་སྤངས་ལ། སངས་རྒྱས་ཀྱི་ཆོས་རྣམས་ཀྱང་མ་ཐོབ་པའི་ཕྱིར་རོ། །སྨྲས་པ། ལྷའི་བུ་སོ་སོའི་སྐྱེ་བོའི་ཆོས་རྣམས་
D223.063.0145b01.01ཀྱིས་ཅི་ཞིག་སྤྲོས་པར་བྱེད། སྨྲས་པ། སྟོང་པ་ཉིད་དང་། ཆོས་ཉིད་སྤྲོས་པར་བྱེད་དོ། །སྨྲས་པ། སངས་རྒྱས་ཀྱི་ཆོས་དེ་དག་གིས་ཅི་ཞིག་སྤྲོས་པར་བྱེད། སྨྲས་པ། དེ་བཞིན་ཉིད་དང་། ཡང་དག་པའི་མཐའ་སྤྲོས་པར་བྱེད་དོ། །སྨྲས་པ། སྟོང་པ་ཉིད་དང་། ཆོས་ཉིད་སྤྲོས་
D223.063.0145b02.01པར་ནུས་སམ། སྨྲས་པ། ལྷའི་བུ་དེ་ནི་མ་ཡིན་ནོ། །སྨྲས་པ། དེ་བཞིན་ཉིད་དང་། ཡང་དག་པའི་མཐའ་སྤྲོས་པར་ནུས་སམ། སྨྲས་པ། དེ་ནི་མ་ཡིན་ནོ། །སྨྲས་པ། ལྷའི་བུ་བདག་གིས་དེ་ལས་བསམས་ཏེ། སོ་སོའི་སྐྱེ་བོའི་ཆོས་རྣམས་མ་སྤངས་པ་དང་། སངས་རྒྱས་
D223.063.0145b03.01ཀྱི་ཆོས་རྣམས་མ་ཐོབ་པའི་ཕྱིར་དེ་བཞིན་གཤེགས་པས་བདག་ལུང་བསྟན་ཏོ་ཞེས་སྨྲའོ། །སྨྲས་པ། ཅི་སྟོང་པ་ཉིད་དང་། ཆོས་ཀྱི་དབྱིངས་དང་། དེ་བཞིན་ཉིད་དང་། ཡང་དག་པའི་མཐའ་བྱང་ཆུབ་ཏུ་ཇི་ལྟར་ལུང་བསྟན་པ་དེ་བཞིན་དུ་ཁྱོད་དེ་བཞིན་གཤེགས་པས་བྱང་ཆུབ་ཏུ་ལུང་
D223.063.0145b04.01བསྟན་ཏམ། སྨྲས་པ། བདག་ནི་སྟོང་པ་ཉིད་དང་། ཆོས་ཀྱི་དབྱིངས་དང་། དེ་བཞིན་ཉིད་དང་། ཡང་དག་པའི་མཐའ་ཇི་ལྟ་བ་དེ་བཞིན་དུ་ལུང་བསྟན་ཏོ། །ལྷའི་བུ་ཆོས་འདི་དག་གི་དེ་བཞིན་ཉིད་ཇི་ལྟ་བ་དེ་བཞིན་དུ་ལུང་བསྟན་པ་ཡང་དེ་བཞིན་ཏེ། གང་ལུང་བསྟན་ཟིན་
D223.063.0145b05.01པ་ཡང་དེ་བཞིན་ནོ། །གང་ལུང་སྟོན་པ་ཡང་དེ་བཞིན་ནོ། །གང་མངོན་པར་རྫོགས་པར་འཚང་རྒྱ་བར་འགྱུར་བའམ། མངོན་པར་རྫོགས་པར་འཚང་རྒྱ་བ་ཡང་དེ་བཞིན་ནོ། །དེ་ནས་བཅོམ་ལྡན་འདས་ལ་ལྷའི་བུ་ཟླ་མཆོག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་
D223.063.0145b06.01ལྷའི་བུ་ཟླ་བ་འདི་ནི་ཟབ་མོའི་ཤེས་རབ་དང་ལྡན་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་བཟོད་པ་ཐོབ་པའི་བྱང་ཆུབ་སེམས་དཔའ་རྣམས་ཀྱི་ཆོས་ཉིད་ནི་དེ་ཡིན་ཏེ། ལན་ཅི་དང་ཅི་འདེབས་པ་དེ་དག་ཐམས་ཅད་ཆོས་ཀྱི་དབྱིངས་ཁོ་ནས་འདེབས་ལ་ཆོས་ཀྱི་
D223.063.0145b07.01