完整藏文原文 · 德格版页 当前仅加载第 63 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་ནི་བསྟན་པའམ། ལན་གདབ་པའམ། བརྗོད་པར་ཡང་མི་ནུས་སོ། །དེ་ཅིའི་ཕྱིར་ཞེ་ན། ཆོས་ཀྱི་དབྱིངས་ནི་བརྗོད་དུ་མེད་ཅིང་བསྙད་དུ་མེད་པའི་ཕྱིར་རོ། །ཆོས་ཀྱི་དབྱིངས་ཇི་ལྟ་བ་བཞིན་དུ་སེམས་ཅན་གྱི་ཁམས་ཀྱང་དེ་དང་འདྲའོ། །སེམས་ཅན་
D223.063.0146a01.01གྱི་ཁམས་ཇི་ལྟ་བ་བཞིན་དུ་སངས་རྒྱས་ཀྱི་ཡུལ་ཡང་དེ་དང་འདྲའོ། །ཆོས་ཐམས་ཅད་ཀྱང་དེ་དང་འདྲའོ། །ལྷའི་བུ་བྱང་ཆུབ་སེམས་དཔའ་གང་དག་དེ་ལྟར་ཆོས་ཀྱི་དབྱིངས་ཀྱི་རྗེས་སུ་འགྲོ་བ་དེ་དག་ནི་གཞན་གྱི་དྲིང་མི་འཇོག་པ་ཞེས་བྱའོ། །གཏམ་འདི་བརྗོད་པ་ན་ཚེ་དང་ལྡན་པ་མཽང་
D223.063.0146a02.01གལ་གྱི་བུ་ཆེན་པོ་ཁང་{བཟངས་,བཟང་}རྣམ་པར་རྒྱལ་བྱེད་ན་འདུག་སྟེ། འཁོར་ཆེན་པོ་ལ་ཆོས་སྟོན་ཅིང་འདུག་གོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་སྟན་ལས་ལངས་ཏེ་འཆག་པར་བྱེད་དོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་འདི་སྙམ་དུ་སེམས་ཏེ། ཀྱེ་མ་འཛམ་བུའི་གླིང་
D223.063.0146a03.01འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྟོངས་སོ། །སེམས་ཅན་དགེ་བའི་བསམ་པ་ཅན་དག་ཀྱང་མང་ན། དེ་དག་ཀྱང་ཆོས་མི་ཐོས་པས་ཡོངས་སུ་ཉམས་པར་འགྱུར་རོ་སྙམ་མོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་དེ་ཉིད་ཀྱི་ཕྱིར་ལྷའི་
D223.063.0146a04.01མིག་གིས་འཛམ་བུའི་གླིང་འདིར་རྣམ་པར་བལྟས་ན། དེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ན་རྒྱལ་པོ་གཟུགས་ཅན་སྙིང་པོའི་ཁང་པ་ན་
D223.063.0146a05.01བཤོས་གསོལ་བ་མཐོང་ནས་དེ་འདི་སྙམ་དུ་སེམས་ཏེ། འདི་ན་བདག་དང་འདྲ་བའི་དགེ་སློང་འགའ་ལྟ་ཡོད་དམ་སྙམ་པ་དང་། དེས་བདག་དང་འདྲ་བའི་དགེ་སློང་ཞིག་བཅོམ་ལྡན་འདས་ཀྱི་གཡོན་ལོགས་ན། ཟན་ཟ་ཞིང་འདུག་པ་མཐོང་ནས་དེས་བདག་གི་ལུས་ལ་བརྟགས་སོ། །
D223.063.0146a06.01དེ་བརྟགས་ནས་དེ་ལ་{ཆུང་ཟད་,ཅུང་ཟད་}ཀྱང་ཐ་དད་པར་མ་མཐོང་སྟེ། བདག་ཉིད་ཀྱི་ཆུ་ཞེང་ཅི་འདྲ་བ་དེའི་ཆུ་ཞེང་ཡང་དེ་ཁོ་ན་དང་འདྲ་ལ་ལྷག་ཆད་མེད་དེ། ཁ་དོག་དེ་དང་། རྟགས་དེ་དང་། དབྱིབས་དེ་ཐ་དད་པ་མེད་པར་མཐོང་ནས་དེ་འདི་སྙམ་དུ་སེམས་ཏེ། དེ་བཞིན་གཤེགས་པ་འཛམ་བུའི་གླིང་
D223.063.0146a07.01