完整藏文原文 · 德格版页 当前仅加载第 63 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
སྣབས་ཀྱང་མེད་དོ། །འཇིག་རྟེན་གྱི་ཁམས་དེ་ན་ཞིང་རྨེད་པ་ཡང་མེད། ཚོང་བྱེད་པ་ཡང་མེད། རྩིས་བྱེད་པ་ཡང་མེད། ལས་སུ་བྱ་བ་ཡང་མེད་དེ། སེམས་ཅན་དེ་དག་ནི་མེ་ཏོག་དང་འབྲས་བུ་ཟའོ། །དེ་ན་ཕྱུག་པོ་ཡང་མེད། དབུལ་པོ་ཡང་མེད་དེ།
D223.063.0155b01.01སེམས་ཅན་དེ་དག་ལོངས་སྤྱོད་མཉམ་མོ། །མཽད་གལ་གྱི་བུ་དེ་བཞིན་གཤེགས་པ་དེའི་ཉན་ཐོས་ཀྱི་དགེ་འདུན་ནི་འབུམ་ཕྲག་དགུ་བཅུ་རྩ་དགུ་ཡོད་དོ། །དེ་བཞིན་གཤེགས་པ་དེ་ཡང་མེ་ཏོག་ཀུན་ཏུ་རྒྱས་པ་ཞེས་བྱ་བའི་སྐྱེད་མོས་ཚལ་དེ་ན་བཞུགས་ཏེ། བཅོམ་ལྡན་འདས་
D223.063.0155b02.01དེ་ཉན་ཐོས་ཀྱི་དགེ་འདུན་དང་བཅས་པར་བཞུགས་ནས་གདུགས་ཚོད་ལ་བབ་པ་ན་ཤིང་ལྗོན་པ་རྣམས་དེར་འདུད་པར་འགྱུར་ཏེ། མེ་ཏོག་དང་འབྲས་བུ་དེ་དག་བཅོམ་ལྡན་འདས་དང་། དགེ་སློང་རྣམས་ཀྱི་ལྷུང་བཟེད་ཀྱི་ནང་དུ་འབྲུལ་བར་འགྱུར་ལ། བཤོས་གསོལ་ཟིན་པར་རིག་
D223.063.0155b03.01ནས་ཤིང་ལྗོན་པ་དེ་དག་ཕྱིར་རངས་ཏེ་སྔ་མཁོ་བཞིན་དུ་འདུག་གོ། །མཽད་གལ་གྱི་བུ་འཇིག་རྟེན་གྱི་ཁམས་དེའི་ཡོན་ཏན་ནི་དེ་དག་ཡིན་ཏེ། དེ་བས་ཀྱང་ལྷག་པར་ཡོད་དོ། །མཽད་གལ་གྱི་བུ་འདི་ཇི་སྙམ་དུ་སེམས། དེ་བཞིན་གཤེགས་པ་འཇིག་རྟེན་གྱི་ཁམས་དེ་ན་སེམས་ཅན་
D223.063.0155b04.01དེ་དག་ལ་ཆོས་སྟོན་པ་དེ་གཞན་ཞིག་ཡིན་པར་ཁྱོད་སོམ་ཉིའམ། ཡིད་གཉིས་སམ། ཐེ་ཚོམ་ཟ་ན་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི་ཁམས་དེ་ན་མེ་ཏོག་སྣ་ཚོགས་ཅན་ཞེས་བྱ་བའི་མིང་གིས་ཆོས་སྟོན་ཏོ། །མཽད་གལ་གྱི་བུ་འདི་ཡང་
D223.063.0155b05.01སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཡིན་ཏེ། དེ་ལ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་འཇུག་པར་མི་ནུས་སོ། །མཽད་གལ་གྱི་བུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ནས་ལྷོ་དང་ནུབ་ཀྱི་ཕྱོགས་མཚམས་སུ་
D223.063.0155b06.01གླིང་ཆེན་པོ་བཞི་པའི་འཇིག་རྟེན་གྱི་ཁམས་བདུན་ཁྲི་འདས་པ་ན། གླིང་ཆེན་པོ་བཞི་པའི་འཇིག་རྟེན་གྱི་ཁམས་རྣམ་པར་ཕྱེ་བའི་བློ་གྲོས་ཞེས་བྱ་བ་ཞིག་ཡོད་དེ། དེ་ན་གླིང་གཅིག་ནའང་རྒྱལ་པོ་བརྒྱད་ཁྲི་ཡོད་དོ། །གླིང་གཅིག་ལ་ཡང་གྲོང་ཁྱེར་བརྒྱད་ཁྲི་དང་། ཚོང་འདུས་
D223.063.0155b07.01