完整藏文原文 · 德格版页 当前仅加载第 63 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེ་ལྟར་ཤེས་རབ་མཆིས་ན་ངེས་པར་འབྱུང་བ་མཆིས་པ་ལས་ན་ཅི་ཤེས་རབ་དེ་ལ་སེམས་པའམ། འཚལ་བ་མཆིས་སམ། བཀའ་སྩལ་པ། ལྷའི་བུ་ཤེས་རབ་ལ་ནི་སེམས་པའམ། ཤེས་པ་ཡང་མེད་དོ། །ལྷའི་བུ་གལ་ཏེ་ཤེས་རབ་སེམས་པའམ། ཤེས་པ་ཞིག་ཡིན་པར་གྱུར་
D223.063.0139b01.01ན་ཤེས་རབ་ལས་རྟག་ཏུ་ངེས་པར་འབྱུང་བ་མེད་པར་འགྱུར་རོ། །དེ་ཅིའི་ཕྱིར་ཞེ་ན། ལྷའི་བུ་གང་ལ་སེམས་སམ་ཚོར་བ་ཡོད་ན་དེ་ལ་ངེས་པར་འབྱུང་བ་ཅི་ཡང་མེད་པའི་ཕྱིར་རོ། །ལྷའི་བུ་གང་གི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་སེམས་པ་མེད་ཅིང་། ཤེས་པ་མེད་པ་དེའི་ཕྱིར་ཤེས་རབ་རྟག་ཏུ་ངེས་པར་
D223.063.0139b02.01འབྱུང་བ་ཡིན་ནོ། །གསོལ་པ། བཅོམ་ལྡན་འདས་ངེས་པར་འབྱུང་བ་ཞེས་བགྱི་བ་དེ་གང་གི་ཚིག་{བླ་དགས་,བླ་དྭགས་}ལགས། བཀའ་སྩལ་པ། ལྷའི་བུ་སྤྲོས་པ་མེད་པའི་ཚིག་{བླ་དགས་,བླ་དྭགས་}སོ། །གསོལ་པ། བཅོམ་ལྡན་འདས་སྤྲོས་པ་མ་མཆིས་པས་ཅི་ཞིག་ངེས་པར་འབྱིན་པར་བགྱིད་ལགས། བཀའ་སྩལ་པ།
D223.063.0139b03.01ལྷའི་བུ་གང་དག་སྤྲོས་པ་ལ་སྤྱོད་པ་དེ་དག་ནི་ཁམས་གསུམ་དུ་སྐྱེ་བ་མི་འདོར་རོ། །གང་དག་སྤྲོས་པར་མི་བྱེད་པ་དེ་དག་ནི་ཁམས་གསུམ་དུ་སྐྱེ་བ་འདོར་བར་བྱེད་དོ། །ལྷའི་བུ་དེ་ལྟ་བས་ན་གང་ཁྱོད་སྤྲོས་པ་མེད་པར་ངེས་པར་འབྱུང་བས་ཅི་ཞིག་ངེས་པར་འབྱིན་ཅེས་ཟེར་བ་ནི་ཁམས་གསུམ་དུ་སྐྱེ་བ་ངེས་
D223.063.0139b04.01པར་འབྱིན་པར་བྱེད་དོ། །གསོལ་པ། བཅོམ་ལྡན་འདས། བཅོམ་ལྡན་འདས་ཀྱིས་ཁམས་གསུམ་ལས་ཡང་དག་པར་འདའ་བར་བགྱི་བའི་སླད་དུ་ཉན་ཐོས་རྣམས་ལ་ཆོས་བསྟན་ལགས་སམ། བཀའ་སྩལ་པ། ལྷའི་བུ་ང་ནི་འདོད་པའི་ཁམས་ལས་ཀྱང་བརྩམས་ཏེ་ཉན་ཐོས་རྣམས་ལ་ཆོས་སྟོན་ལ།
D223.063.0139b05.01དེ་བཞིན་གཤེགས་པས་འདོད་པའི་ཁམས་ཀྱང་མ་དམིགས་སོ། །ལྷའི་བུ་ང་ནི་གཟུགས་ཀྱི་ཁམས་ལས་ཀྱང་བརྩམས་ཏེ་ཉན་ཐོས་རྣམས་ལ་ཆོས་སྟོན་ལ། དེ་བཞིན་གཤེགས་པས་གཟུགས་ཀྱི་ཁམས་ཀྱང་མ་དམིགས་སོ། །ལྷའི་བུ་ང་ནི་གཟུགས་མེད་པའི་ཁམས་ལས་ཀྱང་བརྩམས་
D223.063.0139b06.01ཏེ་ཉན་ཐོས་རྣམས་ལ་ཆོས་སྟོན་ལ། དེ་བཞིན་གཤེགས་པས་གཟུགས་མེད་པའི་ཁམས་ཀྱང་མ་དམིགས་སོ། །ལྷའི་བུ་ང་ནི་ཡང་དག་པར་འདའ་བར་བྱ་བའི་ཕྱིར་ཆོས་སྟོན་ལ། དེ་བཞིན་གཤེགས་པས་གང་ཡང་དག་པར་འདའ་བའི་ཆོས་དེ་ཡང་དག་པར་མ་མཐོང་
D223.063.0139b07.01