完整藏文原文 · 德格版页 当前仅加载第 63 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷའི་བུ་ཟླ་བ་འདི་སྐྱེ་བ་ཡང་མི་དམིགས་འཆི་འཕོ་ཡང་མི་དམིགས་ལགས་ན། བཅོམ་ལྡན་འདས་འདིས་ཇི་ལྟར་སེམས་ཅན་རྣམས་ཡོངས་སུ་སྨིན་པར་བགྱི་བར་རྟོགས་ཤིང་བགྱིད་པར་འགྱུར་
D223.063.0142b01.01ལགས། གང་ལ་སྐྱེ་བ་ཡང་མ་མཆིས། འཆི་འཕོ་ཡང་མ་མཆིས་པ་དེ་ནི་ཉན་ཐོས་ཀྱིས་ལགས་ཏེ། དེ་ནི་བྱང་ཆུབ་སེམས་དཔའི་ས་མ་ལགས་སོ། །བཅོམ་ལྡན་འདས་བྱང་ཆུབ་སེམས་དཔས་ནི་བསྐལ་པ་སྟོང་ཕྲག་མང་པོར་འཁོར་བར་བགྱི་འཚལ་ལགས་སོ། །དེ་སྐད་ཅེས་
D223.063.0142b02.01གསོལ་པ་དང་། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་བྱང་ཆུབ་སེམས་དཔའ་མི་སྐྱེ་བའི་ཆོས་རྣམས་ལ་བཟོད་པ་སྐྱེས་པ་ནི་སུ་ཡང་རུང་སྟེ། དེ་ནི་སྐྱེ་བ་ལ་ཡང་རློམ་སེམས་མེད་ལ་འཆི་འཕོ་ལ་ཡང་རློམ་སེམས་མེད་དེ། དེ་
D223.063.0142b03.01ནི་དགྲ་བཅོམ་པ་ཡོངས་སུ་མྱ་ངན་ལས་འདས་ནས་ལོ་བརྒྱ་ལོན་པ་ཇི་ལྟ་བ་དེ་བཞིན་དུ་གཟུང་བར་བྱའོ། །དེ་ཅིའི་ཕྱིར་ཞེ་ན། དེ་ལ་ནི་བདག་ཏུ་འདུ་ཤེས་དང་གཞན་དུ་འདུ་ཤེས་མི་འཇུག་པའི་ཕྱིར་རོ། །ཀཽ་ཤི་ཀ་གཞན་ཡང་བྱང་ཆུབ་སེམས་དཔའ་གང་གཏན་དུ་ཡོངས་སུ་མྱ་ངན་ལས་
D223.063.0142b04.01འདས་པའི་ཆོས་རྣམས་ཀྱང་། དེ་ལྟར་སྐྱེ་བ་ལ་ཡང་རློམ་སེམས་མི་བྱེད། འཆི་འཕོ་ལ་ཡང་རློམ་སེམས་མི་བྱེད་པ་དང་། བདག་ཏུ་འདུ་ཤེས་པར་ཡང་མི་བྱེད། གཞན་དུ་འདུ་ཤེས་པར་ཡང་མི་བྱེད་ལ་སེམས་ཅན་གང་ཆོས་ཀྱི་ཚུལ་གྱི་བཟོད་པ་འདི་མི་ཤེས་པ་དེ་དག་ལ་བརྡ་སྤྲད་པའི་
D223.063.0142b05.01ཕྱིར་སྙིང་རྗེ་ཆེན་པོས་ཆེད་དུ་བསྐལ་པ་བྱེ་བ་འབུམ་ཕྲག་གྲངས་མེད་པར་འཁོར་ཡང་སྐྱོ་བ་མེད་པ་ནི་མཆོག་ཏུ་དཀའ་བ་བྱེད་པ་ཡིན་ནོ། །ཀཽ་ཤི་ཀ་དཔེར་ན་མི་ལ་ལ་ཞིག་མེ་མདག་གི་དོང་དུ་ལྷུང་ནས་ཚིག་ཅིང་འདུག་པ་དེ་ལ་མི་སྙིང་རྗེ་ཆེན་པོ་དང་ལྡན་པ་འགའ་ཞིག་གིས་ལུས་དང་སྲོག་ལ་ཡང་མ་
D223.063.0142b06.01བལྟས་ཏེ། འདོད་པའི་ཡོན་ཏན་ལྔ་ལ་དགའ་ཞིང་འདུག་པ་ལས། དགའ་ཞིང་རྩེ་བ་བོར་ནས་མེའི་ཕུང་པོ་དེའི་ནང་ནས་མི་དེ་ཕྱུང་སྟེ། བདག་ཉིད་ཚིག་པ་ནི་དང་དུ་བླངས་ན། ཀཽ་ཤི་ཀ་འདི་ཇི་སྙམ་དུ་སེམས། མི་དེ་དཀའ་བ་བྱེད་པ་ཡིན་ནམ། གསོལ་པ། བཅོམ་ལྡན་
D223.063.0142b07.01