完整藏文原文 · 德格版页 当前仅加载第 64 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པ་ཕུན་སུམ་ཚོགས་པ་ཡིན་ནོ། །ཇི་ལྟར་ན་བྱང་ཆུབ་སེམས་དཔའ་ཕྱིའི་བཟོད་པ་ཕུན་སུམ་ཚོགས་པ་ཡིན་ཞེ་ན། འདི་ལ་བྱང་ཆུབ་སེམས་དཔའ་མ་ལས་སྨོས་པ་འམ། ཕ་ལས་སྨོས་པ་འམ། ཉེ་དུ་ལས་སྨོས་པ་འམ། མཁན་པོ་ལས་སྨོས་པ་འམ། སློབ་
D231.064.0017a01.01དཔོན་ལས་སྨོས་པའི་ཚིག་གི་ལམ་ངན་དུ་བརྗོད་པ་དང་། ངན་དུ་སྨྲས་པ་ཕ་རོལ་ལས་ཐོས་སམ། སངས་རྒྱས་སམ། ཆོས་སམ། དགེ་འདུན་ལ་མི་སྙན་པ་བརྗོད་པ་ཐོས་ན། མི་ཁྲོ་ཞིང་གནོད་པར་མི་སེམས་ལ་ཁོན་དུ་མི་འཛིན་ཏེ། དེ་བཟོད་ཅིང་དང་དུ་ལེན་ལ་གནོད་སེམས་མི་མང་བ་ཡིན་ཏེ།
D231.064.0017a02.01དེ་ལྟར་ན་བྱང་ཆུབ་སེམས་དཔའ་ཕྱིའི་བཟོད་པ་ཕུན་སུམ་ཚོགས་པ་ཡིན་ནོ། །ཇི་ལྟར་ན་བྱང་ཆུབ་སེམས་དཔའ་ཆོས་ཀྱི་བཟོད་པ་ཕུན་སུམ་ཚོགས་པ་ཡིན་ཞེ་ན། འདི་ལ་བྱང་ཆུབ་སེམས་དཔའ་གང་འདི་དག་མདོ་སྡེ་ཟབ་མོ་དག་ལས་དེ་བཞིན་གཤེགས་པས་ཆོས་བསྟན་པ་རྒྱུད་ཆད་པ། མཚམས་
D231.064.0017a03.01སྦྱོར་བ་ལས་རྣམ་པར་གྲོལ་བ་བསྡུར་མེད་པ་འདི་ལྟ་སྟེ། ཆོས་ཐམས་ཅད་ཐོག་མ་ནས་ཞི་བའོ། །ཆོས་ཐམས་ཅད་རང་བཞིན་གྱིས་མྱ་ངན་ལས་འདས་པའོ་ཞེས་བསྟན་པ་དེ་དག་ཐོས་ཀྱང་མི་འཇིགས་མི་དངང་སྐྲག་པར་མི་འགྱུར་ཏེ། དེ་འདི་ལྟར་ཆོས་འདི་དག་མ་ཤེས་སམ་མ་ཐོས་པར་ནི་བླ་ན་མེད་པ་
D231.064.0017a04.01ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་ནུས་སོ། །སྙམ་དུ་སེམས་ཏེ། དེའི་ཕྱིར་གང་ཆོས་དེ་དག་འཛིན་པ་དང་། སེམས་པ་དང་། སྒོམ་པ་དང་། ཡོངས་སུ་རྟོག་པ་དང་། མོས་པ་འདི་ནི་ཆོས་ཀྱི་བཟོད་པ་ཞེས་བྱ་སྟེ། དེ་ལྟར་ན་བྱང་ཆུབ་སེམས་དཔའ་ཆོས་ཀྱི་
D231.064.0017a05.01བཟོད་པ་ཕུན་སུམ་ཚོགས་པ་ཡིན་ནོ། །ཇི་ལྟར་ན་བྱང་ཆུབ་སེམས་དཔའ་སངས་རྒྱས་ཀྱིས་གནང་བའི་བཟོད་པ་ཕུན་སུམ་ཚོགས་པ་ཡིན་ཞེ་ན། འདི་ལ་བྱང་ཆུབ་སེམས་དཔའ་ཁྲོ་བའི་བསམ་པ་སྐྱེས་སམ། གནོད་སེམས་ཀྱི་བསམ་པ་སྐྱེས་ན། འདི་ལྟར་ཁྲ་བ་འདི་གང་ནས་བྱུང་། གང་དུ་འགག །
D231.064.0017a06.01གང་ལས་འབྱུང་། ཇི་ལྟར་འབྱུང་། ཇིའི་དོན་དུ་འབྱུང་ཞེས་ཡོངས་སུ་རྟོག་སྟེ། དེས་དེ་ལྟར་ཡོངས་སུ་བརྟགས་ན། ཁྲ་བའི་སྐྱེ་བའང་ཡང་དག་པར་རྗེས་སུ་མི་མཐོང་། འགག་པའང་ཡང་དག་པར་རྗེས་སུ་མི་མཐོང་། གང་ལས་སྐྱེ་བ་དེ་ཡང་ཡང་དག་པར་རྗེས་སུ་མི་མཐོང་། ཇི་ལྟར་སྐྱེ་བ་དེ་
D231.064.0017a07.01