完整藏文原文 · 德格版页 当前仅加载第 64 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
ས་ཆེན་པོ་ལ་གནས་ཏེ་འཇིག་རྟེན་ན་སྣང་ངོ་། །དེ་བཞིན་དུ་གང་དག་གིས་ཉོན་མོངས་པའི་ནད་རྣམ་པ་སྣ་ཚོགས་པ་རྣམས་ཞི་བར་འགྱུར་བའི་ཆོས་ཀྱི་རྩི་ཆེན་པོ་རྣམས་ཀྱང་བྱང་ཆུབ་སེམས་དཔའ་ལ་གནས་ཤིང་འཇིག་རྟེན་དུ་སྣང་བར་འགྱུར་ཏེ། དེ་ལྟར་ན་བྱང་ཆུབ་སེམས་དཔའ་རྩི་ཆེན་པོའི་སྣོད་དུ་
D231.064.0038b01.01གྱུར་པ་ཡིན་ནོ། །ཇི་ལྟར་ན་བྱང་ཆུབ་སེམས་དཔའ་མི་སྒུལ་བ་ཡིན་ཞེ་ན། རིགས་ཀྱི་བུ་འདི་ལྟ་སྟེ། དཔེར་ན་ས་ཆེན་པོ་ནི་འདི་ལྟར་ཤ་སྦྲང་དང་། སྦྲང་བུ་དང་། རླུང་དང་། ཉི་མ་དང་། སྦྲུལ་གྱིས་རེག་པའི་སྡུག་བསྔལ་ཐམས་ཅད་ཀྱིས་མི་སྒུལ་བ་ཡིན་ནོ། །དེ་བཞིན་དུ་བྱང་ཆུབ་སེམས་
D231.064.0038b02.01དཔའ་ཡང་འདི་ལྟ་སྟེ། སེམས་ཅན་ཐམས་ཅད་ལས་བྱུང་བའི་ཕྱི་ནང་གི་སྡུག་བསྔལ་ཐམས་ཅད་ཀྱིས་མི་སྒུལ་བ་ཡིན་ཏེ། དེ་ལྟར་ན་བྱང་ཆུབ་སེམས་དཔའ་མི་སྒུལ་བ་ཡིན་ནོ། །རིགས་ཀྱི་བུ་ཇི་ལྟར་ན་བྱང་ཆུབ་སེམས་དཔའ་མི་དངངས་པ་ཡིན་ཞེ་ན། རིགས་ཀྱི་བུ་འདི་ལྟ་སྟེ། དཔེར་ན་ས་ཆེན་
D231.064.0038b03.01པོ་ནི་གླང་པོའི་རྒྱལ་པོ་དང་། {རི་དགས་,རི་དྭགས་}ཀྱི་རྒྱལ་པོ་རྣམ་པ་སྣ་ཚོགས་ཀྱི་སྒྲ་ཐོས་ཀྱང་མི་སྐྲག་རབ་ཏུ་མི་སྐྲག་ཤིན་ཏུ་མི་སྐྲག་སྐྲག་པར་མི་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་ཡང་བདུད་དང་མུ་སྟེགས་ཅན་ཐམས་ཅད་ཀྱི་སྒྲ་ཐོས་ན་མི་སྐྲག་རབ་ཏུ་མི་སྐྲག་ཤིན་དུ་མི་སྐྲག་སྐྲག་པར་མི་འགྱུར་ཏེ།
D231.064.0038b04.01རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་མི་དངངས་པ་ཡིན་ནོ། །རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་ས་ཆེན་པོ་དང་མཚུངས་པ་རྣམས་ཡིན་ནོ། །རིགས་ཀྱི་བུ་ཆོས་བཅུ་དང་ལྡན་ན། བྱང་ཆུབ་སེམས་དཔའ་ཆུ་དང་མཚུངས་པ་རྣམས་ཡིན་ནོ། །བཅུ་གང་
D231.064.0038b05.01ཞེ་ན། འདི་ལྟ་སྟེ། དགེ་བའི་ཆོས་ལ་གཞོལ་བ་རྣམས་ཡིན། དཀར་པོའི་ཆོས་ཐམས་ཅད་སྐྱེད་པ་རྣམས་ཡིན། དགའ་བ་དང་དད་པ་དང་རངས་པའི་གཤེར་བ་ཅན་རྣམས་ཡིན། ཉོན་མོངས་པའི་རྩ་བའི་རྒྱུད་ཐམས་ཅད་སྲུལ་བ་རྣམས་ཡིན། དང་ཞིང་རྙོག་པ་མེད་དེ་གསལ་བ་
D231.064.0038b06.01རྣམས་ཡིན། ཉོན་མོངས་པའི་ཡོངས་སུ་གདུང་བ་རབ་ཏུ་ཞི་བར་བྱེད་པ་རྣམས་ཡིན། འདོད་པ་ལ་སྲེད་པ་ཟློག་པ་རྣམས་ཡིན། ཟབ་ཅིང་གཏིང་དཔག་དཀའ་བ་རྣམས་ཡིན། མཐོན་དམན་འགེངས་པ་རྣམས་ཡིན། ཉོན་མོངས་པའི་རྡུལ་ཐམས་ཅད་རབ་ཏུ་ཞི་བར་བྱེད་པ་རྣམས་ཡིན་ནོ། །
D231.064.0038b07.01