完整藏文原文 · 德格版页 当前仅加载第 64 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
དག་རྟག་ཏུ་རྒྱུན་མི་ཆད་པར་ཆོས་ཀྱི་དགའ་བ་ལ་མོས་ཤིང་འདུན་པ་དང་། ལུས་དང་། ངག་དང་། ཡིད་ཀྱི་ལས་ཁ་ན་མ་ཐོ་བ་མེད་པ་དང་། གཟི་དང་ལྡན་པ་དང་། ཡོངས་སུ་སྐྱོ་བར་མི་འགྱུར་བ་དང་། ལྷ་དང་མིའི་ཕུན་སུམ་ཚོགས་པ་ཐམས་ཅད་ཉམས་སུ་མྱོང་བར་བྱེད་པ་
D231.064.0053a01.01དང་། མི་ཉམས་པའི་ཆོས་ཅན་དུ་འགྱུར་བ་དང་། ཤེས་རབ་ཀྱིས་སྣང་བར་གྱུར་པས་རྟག་ཏུ་ཁྱད་པར་གྱི་རྣམ་པར་འདོད་པར་འགྱུར་བའི་མདོ་དང་། དབྱངས་ཀྱིས་བསྙད་པ་དང་། ལུང་བསྟན་པ་དང་། ཚིགས་སུ་བཅད་པ་དང་། ཆེད་དུ་བརྗོད་པ་དང་། གླེང་གཞི་དང་། རྟོགས་པ་
D231.064.0053a02.01བརྗོད་པ་དང་། འདི་ལྟ་བུ་འདས་པ་དང་། སྐྱེས་པའི་རབས་དང་། ཤིན་ཏུ་རྒྱས་པ་དང་། ཆོས་རྨད་དུ་བྱུང་བ་དང་། གཏན་ལ་ཕབ་པར་བསྟན་པ་དག་དང་ལྡན་པའི་དམ་པའི་ཆོས་རིན་པོ་ཆེའི་མེ་ཏོག་ལ་སོགས་པའི་ཆར་མངོན་པར་འབེབས་སོ། །ལུགས་དང་འཐུན་པ་དང་། ལུགས་
D231.064.0053a03.01དང་མི་འཐུན་པ་དང་། སྣྲེལ་ཞི་དང་། སྤྱིའུ་ཚུགས་ཀྱི་རྒྱུད་ལ་སོགས་པའི་གཏམ་རྣམ་པར་གདོན་མི་ཟ་བ་ཉེ་བར་སྒྲུབ་བོ། །ཐ་སྙད་ཀྱི་དམིགས་པ་ཐམས་ཅད་ལ་བདག་མེད་པ་ཞི་ཞིང་རྣམ་པར་དག་པའི་ཆོས་ཉིད་རྗོད་ཅིང་སྟོན་ལ་རྣམ་པར་བྱང་བར་བྱེད་དོ། །ཆོས་ཐམས་ཅད་སྒོ་ཀུན་ཏུ་ཡང་
D231.064.0053a04.01དག་པར་གཞོལ་བ་ཡོངས་སུ་སྟོན་ཏོ། །སྒྱུ་མའི་རྣམ་པ་བསམ་གྱིས་མི་ཁྱབ་པ་ལ་འཇུག་པ་ཉེ་བར་སྦྱོར་རོ། །ཡེ་ཤེས་སྒྱུ་མ་རྣམ་པར་རྒྱས་པར་བྱེད་དེ། ཆོས་ཐམས་ཅད་ལ་དགའ་བར་རྩེ་བའི་རྣམ་པར་འཕྲུལ་པ་རྣམས་ཀྱིས་སེམས་ཅན་རྣམས་ཡོངས་སུ་རྒྱས་པར་བྱེད་དོ། །འདྲི་བ་ཐམས་
D231.064.0053a05.01ཅད་ཀྱི་ལུང་བསྟན་པས་ཚིམ་པར་བྱེད་དོ། །མཐའ་དང་དབུང་མེད་པའི་རྫུ་འཕྲུལ་ལ་མཁས་པར་བྱེད་དོ། །དེ་ལྟར་ན་བྱང་ཆུབ་སེམས་དཔའ་འཁོར་གྱི་དཀྱིལ་འཁོར་དཔག་བསམ་གྱི་ཤིང་ལས་ཤིན་ཏུ་བྱུང་བའི་ཆོས་ཀྱི་གཏམ་ཡང་དག་པར་གདོན་མི་ཟ་བའི་མེ་ཏོག་ཡིད་དུ་འོང་བའི་ཆར་རྟག་ཏུ་
D231.064.0053a06.01མངོན་པར་འབེབས་པ་ཡིན་ནོ། །ཇི་ལྟར་ན་བྱང་ཆུབ་སེམས་དཔའ་བསྐལ་པ་གྲངས་མེད་པར་དཀར་པོའི་དཀྱིལ་འཁོར་ཡོངས་སུ་བསགས་པ་ཏིང་ངེ་འཛིན་དང་། རྣམ་པར་ཐར་པ་དང་། གཟུངས་ཀྱི་སྒོ་རྒྱ་མཚོ་དང་། རི་རབ་དང་། འོད་དང་། ཟླ་བ་དང་། ཉི་མ་དང་། ཆོས་ཀྱི་ཚུལ་དང་།
D231.064.0053a07.01