完整藏文原文 · 德格版页 当前仅加载第 64 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་ནི་རང་སངས་རྒྱས་ཀྱི་ཐེག་པ་སྟེ། རང་སངས་རྒྱས་སུ་འགྱུར་བའོ། །འདི་དག་ནི་ཐེག་པ་ཆེན་པོ་སྟེ། རྣམ་པ་ཐམས་ཅད་ཀྱི་མཆོག་དང་ལྡན་པ་བདག་དང་། གཞན་གྱི་དོན་ཡང་དག་པར་འཐོབ་པར་བྱེད་པ་ཀུན་ཏུ་བཟང་པོ་ཐམས་ཅད་མཁྱེན་པ་ཉིད་དུ་འགྱུར་བའོ། །དེ་བཞིན་
D231.064.0052b01.01དུ་མདོར་བསྡུས་ཏེ། འདི་དག་ནི་ས་རྣམས་དང་། ཕ་རོལ་ཏུ་ཕྱིན་པ་རྣམས་དང་། ཏིང་ངེ་འཛིན་རྣམས་དང་། རིག་པ་རྣམས་དང་། དབང་རྣམས་དང་། གཟུངས་རྣམས་དང་། མངོན་པར་ཤེས་པ་རྣམས་དང་། རྣམ་པར་ཐར་པ་རྣམས་དང་། སྟོབས་རྣམས་དང་།
D231.064.0052b02.01མི་འཇིགས་པ་རྣམས་དང་། སོ་སོ་ཡང་དག་པར་རིག་པ་རྣམས་དང་། མ་འདྲེས་པ་རྣམས་སོ་ཞེས་རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ནི་དེ་དག་ལ་སོགས་པ་རྣམ་པ་ཚད་མེད་པས་གཟུངས་པད་མ་བཀོད་པ་ལ་སོགས་པ་ལ་མཁས་པས། ཆོས་བཀོད་པ་རྣམ་པར་བཀོད་པ་དག་བྱེད་
D231.064.0052b03.01དེ། དེ་ལྟར་ན་བྱང་ཆུབ་སེམས་དཔའ་ཆོས་རྣམ་པ་ཐ་དད་པའི་གཞལ་མེད་ཁང་ཆེན་པོའི་བཀོད་པ་རྣམ་པར་དབྱེ་བ་ཐམས་ཅད་རྣམ་པར་འབྱེད་ཅིང་ཡོངས་སུ་དགོད་པ་ཡིན་ནོ། །ཇི་ལྟར་ན་བྱང་ཆུབ་སེམས་དཔའ་འཁོར་གྱི་དཀྱིལ་འཁོར་དཔག་བསམ་གྱི་ཤིང་ལས་ཤིན་ཏུ་བྱུང་བའི་ཆོས་ཀྱི་
D231.064.0052b04.01གཏམ་ཡང་དག་པར་གདོན་མི་ཟ་བའི་མེ་ཏོག་ཡིད་དུ་འོང་བའི་ཆར་རྟག་ཏུ་མངོན་པར་འབེབས་པ་ཡིན་ཞེ་ན། རིགས་ཀྱི་བུ་འདི་ལྟ་སྟེ། དཔེར་ན་རླུང་མར་ནི་དཔག་བསམ་གྱི་ཤིང་གི་ནགས་ཚལ་དག་ལས་གང་གིས་ལྷ་དང་། མི་རྣམས་ཤིན་ཏུ་དགའ་བ་དང་། ཡིད་བདེ་བ་སྐྱེས་ནས་མྱ་ངན་མེད་
D231.064.0052b05.01པར་རྣམ་པར་རྩེ་བ་དང་། ཉམས་བདེ་ཞིང་ཡོངས་སུ་སྤྱོད་དེ། རྟག་ཏུ་རྒྱུན་མི་ཆད་པར་ཁ་དོག་དང་། སྟོབས་དང་། མཐུ་དང་། ཡིད་བདེ་བ་ལས་ཡོངས་སུ་མི་ཉམས་པ་དེ་ལྟ་བུའི་སྤོས་དང་། མེ་ཏོག་དང་། རྒྱན་དང་། གོས་དང་། རྔ་དང་། སིལ་སྙན་ལ་སོགས་པ་ཕུན་སུམ་ཚོགས་
D231.064.0052b06.01པའི་ཆར་མངོན་པར་འབེབས། ཡོངས་སུ་སྐྱོད་ཅིང་འབྱིན་པར་བྱེད་དོ། །དེ་བཞིན་དུ་བྱང་ཆུབ་སེམས་དཔའ་རླུང་མར་ཡང་ཡོངས་སུ་དག་པའི་འཇིག་རྟེན་གྱི་ཁམས་ཀྱི་དེ་བཞིན་གཤེགས་པ་དང་། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ནས་སེམས་ཅན་དག་ལ་གང་གིས་སེམས་ཅན་དེ་
D231.064.0052b07.01