完整藏文原文 · 德格版页 当前仅加载第 64 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུ་ཀུན་ནས་རབ་ཏུ་གཏོང་སྟེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་བསྐལ་པ་གྲངས་མེད་པར་དཀར་པོའི་དཀྱིལ་འཁོར་ཡོངས་སུ་བསགས་པ། ཏིང་ངེ་འཛིན་དང་། རྣམ་པར་ཐར་པ་དང་། གཟུངས་ཀྱི་སྒོ་རྒྱ་མཚོ་དང་། རི་རབ་དང་། འོད་དང་། ཟླ་བ་དང་།
D231.064.0054a01.01ཉི་མ་དང་། ཆོས་ཀྱི་ཚུལ་དང་། ནགས་ཚལ་དང་། ཁང་པ་དང་། དགེ་བའི་ཁོར་ཡུག་རི་ལ་སོགས་པས་ཡོངས་སུ་བསྐོར་བའི་སེམས་ཅན་གྱི་འཁོར་གྱི་དཀྱིལ་འཁོར་ན་གདུལ་བ་ཡོངས་སུ་སྨིན་པ་མང་པོ་ཡང་དག་པར་གནས་པ། བླ་ན་མེད་ཅིང་ལུས་མེད་པའི་གནས་འཕོ་བ་དང་།
D231.064.0054a02.01འཇིག་པའི་ཡེ་ཤེས་ཀྱི་རླུང་གི་དཀྱིལ་འཁོར་རབ་ཏུ་གཏོང་བ་ཡིན་ཏེ། རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་རླུང་མར་ལྟ་བུ་རྣམས་ཡིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་འདི་སྐད་ཅེས་གསོལ་ཏོ། །ཨ་ལ་ལ་
D231.064.0054a03.01དེ་ལྟར་བཅོམ་ལྡན་འདས་ཀྱིས་རྣམ་པ་ཐམས་ཅད་ཀྱི་མཆོག་དང་ལྡན་ཞིང་སེམས་ཅན་རླབས་པོ་ཆེ་རྣམས་ཡོངས་སུ་ཚིམ་པར་འགྱུར་བའི་ཆོས་ཀྱི་ཚུལ་བཅུ་པོ་འདི་བསྟན་པ། བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །བཅོམ་ལྡན་འདས་ལྷ་དང་མི་གང་ལ་ལ་ཆོས་འདི་དག་
D231.064.0054a04.01ལ་མོས་ཤིང་ནན་ཏན་བགྱིད་ན་དེ་དག་ཐམས་ཅད་ཇི་སྐད་དུ་གསུངས་པའི་ཕུན་སུམ་ཚོགས་པ་བདེ་བ་དང་བཅས་པ་ཡིད་བདེ་བ་དང་བཅས་པར་ཐོབ་པར་འགྱུར་ཏེ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ལ་སོགས་པ་ཞིག་བགྱིད་ནའང་གཞན་གྱི་དོན་ལ་གཞོལ་ཞིང་ཚེ་འདི་དང་། ཚེ་རབས་གཞན་
D231.064.0054a05.01གྱི་ཕུན་སུམ་ཚོགས་པ་ཐམས་ཅད་ཀྱང་འཐོབ་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ནོ། །དེ་དེ་བཞིན་ཏེ། སེམས་ཅན་གང་དེ་ལྟ་བུའི་ཆོས་རྣམས་ལ་ནན་ཏན་དུ་བྱེད་པ་དེ་དག་ནི་འཇིག་རྟེན་ཐམས་ཅད་ལས་མངོན་པར་འཕགས་པ་དང་། ཀུན་ཏུ་རྣམ་པར་
D231.064.0054a06.01བལྟས་པ་དང་། མི་དགེ་བའི་ཆོས་ཐམས་ཅད་རབ་ཏུ་སྤངས་པ་དང་། དགེ་བའི་ཆོས་ཐམས་ཅད་དང་ལྡན་པ་དང་། འཇིག་རྟེན་ཐམས་ཅད་ཀྱི་རྟེན་དུ་འགྱུར་རོ། །གང་སྤོང་བའི་སྐྱེས་བུ་གླེན་པ་དེ་དག་ནི་མུན་པ་ནས་མུན་པར་གཞོལ་བ་སྟེ། སྡུག་བསྔལ་ཐམས་ཅད་ལ་རྟེན་པའོ། །ལྷ་དང་།
D231.064.0054a07.01