完整藏文原文 · 德格版页 当前仅加载第 64 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་མྱ་ངན་དུ་བྱ་བའོ།། །།འཕགས་པ་དཀོན་མཆོག་སྤྲིན་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཞི་པ། རིགས་ཀྱི་བུ་ཆོས་བཅུ་དང་ལྡན་ན་བྱང་ཆུབ་སེམས་དཔའ་ནམ་མཁའ་དང་མཚུངས་པ་རྣམས་ཡིན་ནོ། །
D231.064.0054b01.01བཅུ་གང་ཞེ་ན། འདི་ལྟ་སྟེ། དྲི་མ་མེད་པ་རྣམས་ཡིན། མ་ཆགས་པ་རྣམས་ཡིན། ཞི་བ་རྣམས་ཡིན། ཤེས་རབ་མཐའ་ཡས་པ་རྣམས་ཡིན། ཡེ་ཤེས་མཐའ་ཡས་པ་རྣམས་ཡིན། ཆོས་ཀྱི་དབྱིངས་མཉམ་པ་ཉིད་ཀྱི་རྗེས་སུ་སོང་བ་རྣམས་ཡིན། ཆོས་ཐམས་ཅད་ནི་ནམ་མཁའི་དབྱིངས་
D231.064.0054b02.01ཀྱི་ངོ་བོ་ཉིད་དུ་མོས་པ་རྣམས་ཡིན། སོ་སོར་མི་རྟེན་པ་རྣམས་ཡིན། མཚན་མའི་སྤྱོད་ཡུལ་ལས་འདས་པ་རྣམས་ཡིན། རྟོག་གེའི་སྤྱོད་ཡུལ་ལས་འདས་པ་རྣམས་ཡིན་ཏེ། རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་ནམ་མཁའ་དང་མཚུངས་པ་རྣམས་ཡིན་ནོ། །རིགས་
D231.064.0054b03.01ཀྱི་བུ་གཞན་ཡང་ཆོས་བཅུ་དང་ལྡན་ན་བྱང་ཆུབ་སེམས་དཔའ་ནམ་མཁའ་དང་མཚུངས་པ་རྣམས་ཡིན་ནོ། །བཅུ་གང་ཞེ་ན། འདི་ལྟ་སྟེ། ཡིད་དུ་འོང་བ་དང་། ཡིད་དུ་མི་འོང་བའི་གཟུགས་རྣམས་ལ་ཆགས་པར་ཡང་མི་འགྱུར། ཁོང་ཁྲོ་བར་ཡང་མི་འགྱུར་བ་དང་། ཡིད་དུ་འོང་བ་དང་ཡིད་
D231.064.0054b04.01དུ་མི་འོང་བའི་སྒྲ་རྣམས་དང་། དྲི་རྣམས་དང་། རོ་རྣམས་དང་། རེག་བྱ་རྣམས་དང་། ཡིད་དུ་འོང་བ་དང་ཡིད་དུ་མི་འོང་བའི་ཆོས་རྣམས་ལ་ཆགས་པར་ཡང་མི་འགྱུར། ཁོང་ཁྲོ་བར་ཡང་མི་འགྱུར་བ་དང་། རྙེད་པ་དང་། མ་རྙེད་པ་དང་། བདེ་བ་དང་སྡུག་བསྔལ་བ་དང་། གྲགས་པ་
D231.064.0054b05.01དང་མ་གྲགས་པ་དང་། བསྟོད་པ་དང་སྨད་པས་ཆགས་པར་ཡང་མི་འགྱུར། ཁོང་ཁྲོ་བར་ཡང་མི་འགྱུར་བ་སྟེ། རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་ནམ་མཁའ་དང་མཚུངས་པ་རྣམས་ཡིན་ནོ། །རིགས་ཀྱི་བུ་ཆོས་བཅུ་དང་ལྡན་ན་བྱང་ཆུབ་སེམས་དཔའ་ཟླ་བ་དང་
D231.064.0054b06.01འདྲ་བ་རྣམས་ཡིན་ནོ། །བཅུ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ཀྱི་ལུས་རབ་ཏུ་སིམ་པར་བྱེད་པ་དང་། མཐོང་ན་དགའ་བ་རྣམས་ཡིན། ཆོས་དཀར་པོ་རྣམས་སྐྱེ་བར་བྱེད་པ་དང་། ཆོས་ནག་པོ་རྣམས་བྲི་བར་བྱེད་པ་དང་། རབ་ཏུ་བསྔགས་པ་རྣམས་ཡིན། ལུས་ཡོངས་སུ་
D231.064.0054b07.01