完整藏文原文 · 德格版页 当前仅加载第 64 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །རིགས་ཀྱི་བུ་ཆོས་བཅུ་དང་ལྡན་ན་བྱང་ཆུབ་སེམས་དཔའ་ཆོས་ཀྱི་རྒྱལ་པོའི་སྲས་རྣམས་ཡིན་ནོ། །བཅུ་གང་ཞེ་ན། འདི་ལྟ་སྟེ། ལུས་མཚན་གྱི་རྒྱན་གྱིས་བརྒྱན་པ་རྣམས་ཡིན། ལུས་དཔེ་བྱད་བཟང་པོའི་མེ་ཏོག་རྒྱས་པ་རྣམས་ཡིན། དབང་པོ་རྣམ་པ་ཐམས་
D231.064.0105b01.01ཅད་ཀྱི་མཆོག་དང་ལྡན་ཞིང་ཤིན་ཏུ་ཡོངས་སུ་རྫོགས་པ་རྣམས་ཡིན། དེ་བཞིན་གཤེགས་པས་བསྟན་པའི་གནས་ལ་རྗེས་སུ་སྟེན་པ་རྣམས་ཡིན། དེ་བཞིན་གཤེགས་པ་རྣམས་བཞུད་པའི་ལམ་རྗེས་སུ་ཐོབ་པར་བྱེད་པ་རྣམས་ཡིན། དེ་བཞིན་གཤེགས་པས་ཐུགས་སུ་ཆུད་པའི་
D231.064.0105b02.01གནས་ཁོང་དུ་ཆུད་པར་བྱེད་པ་རྣམས་ཡིན། འཇིག་རྟེན་སྡུག་བསྔལ་བ་ཡོངས་སུ་སྐྱོང་བ་རྣམས་ཡིན། འཕགས་པའི་ཚུལ་ལ་ཤིན་ཏུ་བསླབས་པ་རྣམས་ཡིན། ཚངས་པའི་གནས་རྣམས་ལ་ཤིན་ཏུ་མཐར་ཕྱིན་པ་རྣམས་ཡིན། དེ་བཞིན་གཤེགས་པ་བཞུགས་པའི་ཐམས་ཅད་
D231.064.0105b03.01མཁྱེན་པ་ཉིད་ཀྱི་ཕོ་བྲང་ན་གནས་པ་རྣམས་ཡིན་ཏེ། རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་ཆོས་ཀྱི་རྒྱལ་པོའི་སྲས་རྣམས་ཡིན་ནོ། །རིགས་ཀྱི་བུ་ཆོས་བཅུ་དང་ལྡན་ན་བྱང་ཆུབ་སེམས་དཔའ་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བས་བསྩུ་
D231.064.0105b04.01བ་རྣམས་ཡིན་ནོ། །བཅུ་གང་ཞེ་ན། འདི་ལྟ་སྟེ། བྱང་ཆུབ་ལས་ཕྱིར་མི་ལྡོག་པ་རྣམས་ཡིན། བདུད་ཐམས་ཅད་ཀྱིས་མི་སྒུལ་བ་རྣམས་ཡིན། སངས་རྒྱས་ཀྱི་ཆོས་ཐམས་ཅད་ལས་མི་གཡོ་བ་རྣམས་ཡིན། ཆོས་ཐམས་ཅད་ཀྱི་ཚུལ་ལ་ཞུགས་པ་རྣམས་ཡིན། ཆོས་ཐམས་
D231.064.0105b05.01ཅད་ཀྱི་མཉམ་པ་ཉིད་ཁོང་དུ་ཆུད་པ་རྣམས་ཡིན། སངས་རྒྱས་ཀྱི་ཆོས་ལ་གཞན་གྱི་དྲིང་མི་འཇོག་པ་རྣམས་ཡིན། ཤིན་ཏུ་རྟོགས་པའི་ཡེ་ཤེས་དང་ལྡན་པ་རྣམས་ཡིན། ཉན་ཐོས་དང་། རང་སངས་རྒྱས་ཐམས་ཅད་དང་ཐུན་མོང་མ་ཡིན་པ་རྣམས་ཡིན། འཇིག་རྟེན་ཐམས་
D231.064.0105b06.01ཅད་ལས་མངོན་པར་འཕགས་པ་རྣམས་ཡིན། མི་སྐྱེ་བའི་ཆོས་ཀྱི་བཟོད་པ་ཐོབ་པ་རྣམས་ཡིན་ནོ། །རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བས་བསྩུ་བ་རྣམས་ཡིན་ནོ། །རིགས་ཀྱི་བུ་ཆོས་
D231.064.0105b07.01