完整藏文原文 · 德格版页 当前仅加载第 64 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་དཀོན་མཆོག་སྤྲིན་ཅེས་བྱ་བ་ཐེག་པ་ཆེན་པོའི་མདོ། བམ་པོ་གཉིས་པ། རིགས་ཀྱི་བུ་ཆོས་བཅུ་དང་ལྡན་ན་བྱང་ཆུབ་སེམས་དཔའ་བརྩོན་འགྲུས་ཕུན་སུམ་ཚོགས་པ་རྣམས་ཡིན་ནོ། །བཅུ་གང་ཞེ་ན། འདི་ལྟ་སྟེ། རྡོ་རྗེ་ལྟ་བུའི་བརྩོན་འགྲུས་ཅན་རྣམས་
D231.064.0019a01.01ཡིན། མི་འཕྲོགས་པའི་བརྩོན་འགྲུས་ཅན་རྣམས་ཡིན། མཐའ་གཉིས་དང་བྲལ་བའི་བརྩོན་འགྲུས་ཅན་རྣམས་ཡིན། རླབས་པོ་ཆེའི་བརྩོན་འགྲུས་ཅན་རྣམས་ཡིན། འབར་བའི་བརྩོན་འགྲུས་ཅན་རྣམས་ཡིན། རྒྱུན་དུ་ཆུད་པའི་བརྩོན་འགྲུས་ཅན་རྣམས་ཡིན། རྣམ་པར་དག་པའི་
D231.064.0019a02.01བརྩོན་འགྲུས་ཅན་རྣམས་ཡིན། ཐུན་མོང་མ་ཡིན་པའི་བརྩོན་འགྲུས་ཅན་རྣམས་ཡིན། མི་བརྙས་པའི་བརྩོན་འགྲུས་ཅན་རྣམས་ཡིན། སྙེམས་པ་མེད་པའི་བརྩོན་འགྲུས་ཅན་རྣམས་ཡིན་ནོ། །རིགས་ཀྱི་བུ་དེ་ལ་ཇི་ལྟར་ན་རྡོ་རྗེ་ལྟ་བུའི་བརྩོན་འགྲུས་ཅན་རྣམས་ཡིན་ཞེ་ན། རིགས་
D231.064.0019a03.01ཀྱི་བུ་འདི་ལ་བྱང་ཆུབ་སེམས་དཔའ་སེམས་ཅན་གྱི་ཁམས་ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་བཟླ་བ་དང་། མ་རྒལ་བ་བསྒྲལ་བ་དང་། མ་གྲོལ་བ་དགྲོལ་བ་དང་། དབུགས་མ་ཕྱིན་པ་དབུགས་དབྱུང་བ་དང་། མངོན་པར་རྫོགས་པར་སངས་མ་རྒྱས་པ་མངོན་པར་
D231.064.0019a04.01རྫོགས་པར་འཚང་རྒྱ་བར་བྱ་བའི་ཕྱིར་བརྩོན་འགྲུས་བརྩམས་པ་ཡིན་ཏེ། དེ་དེ་ལྟར་བརྩོན་འགྲུས་བརྩམས་ཤིང་གནས་པའི་དྲུང་དུ་བདུད་སྡིག་ཏོ་ཅན་འོངས་ནས་བྱང་ཆུབ་སེམས་དཔའ་དེ་ལ་རིགས་ཀྱི་བུ་འདི་ལྟ་བུའི་བརྩོན་འགྲུས་ཐོང་ཤིག །དེ་ཅིའི་ཕྱིར་ཞེ་ན། རིགས་ཀྱི་བུ་ངས་ཀྱང་སེམས་ཅན་གྱི་
D231.064.0019a05.01ཁམས་ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལ་བཟླ་བ་དང་། མ་རྒལ་བ་བསྒྲལ་བ་དང་། མ་གྲོལ་བ་དགྲོལ་བ་དང་། དབུགས་མ་ཕྱིན་པ་དབུགས་དབྱུང་བ་དང་། མངོན་པར་རྫོགས་པར་སངས་མ་རྒྱས་པ་མངོན་པར་རྫོགས་པར་འཚང་རྒྱ་བར་བྱ་བའི་ཕྱིར་བརྩོན་འགྲུས་འདི་ལྟ་བུ་
D231.064.0019a06.01བརྩམས་ཏེ། དེ་ནི་{བརྫུན་,རྫུན་}དང་འདྲིད་པའི་ཆོས་ཅན་བྱིས་པའི་སྐྱེ་བོ་སླུ་བའོ། །རིགས་ཀྱི་བུ་ངས་ནི་སེམས་ཅན་བརྩོན་འགྲུས་བརྩམས་པ་གཅིག་འགས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་མ་ཤེས་སོ། །རིགས་ཀྱི་བུ་ངས་ནི་སེམས་ཅན་
D231.064.0019a07.01