完整藏文原文 · 德格版页 当前仅加载第 68 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་གྱི་རྒྱུད་ཡོངས་སུ་རྟོགས་པར་འཚལ་བ། ཕྱོགས་ཀྱི་རྒྱུད་ལ་རབ་ཏུ་འཇུག་པར་འཚལ་བ། འདོད་ཆགས་མ་མཆིས་པའི་རྒྱུད་ལ་རབ་ཏུ་འགོད་པར་འཚལ་བ། མོས་པའི་རྒྱུད་རྣམ་པར་སྦྱོང་བར་འཚལ་བ། དབང་པོའི་རྒྱུད་ལ་ལྟ་བར་འཚལ་བ། ཆོས་ཀྱི་དབྱིངས་ཀྱི་འཁོར་ལོ་
D284.068.0058b01.01ལ་རྣམ་པར་འཕྲུལ་བར་འཚལ་བ། འགྲོ་བའི་འཁོར་ལོ་ཐམས་ཅད་བསྡུ་བར་འཚལ་བའི་བྱང་ཆུབ་སེམས་དཔའ་རྣམས་ཀྱིས་ཇི་ལྟར་སངས་རྒྱས་བཅོམ་ལྡན་འདས་དག་གིས་སངས་རྒྱས་ཀྱི་མཁྱེན་པ་ཆགས་པ་མི་མངའ་ཞིང་སྒྲིབ་པ་མི་མངའ་བས་མཁྱེན་ཅིང་རབ་ཏུ་མཁྱེན་པ་དེ་ལྟ་བུས་དེ་
D284.068.0058b02.01བཞིན་གཤེགས་པ་དེ་དག་ལ་མཆོད་པར་བགྱི་བ་དེ་བཞིན་དུ་བདག་གིས་ཀྱང་ཡང་དག་པར་རྫོགས་པའི་སངས་རྒྱས་ཀྱིས་བཀའ་སྩལ་པའི་མཆོད་པ། བྱང་ཆུབ་སེམས་དཔའི་དཀྱིལ་འཁོར་ཐམས་ཅད་རབ་ཏུ་དགའ་བར་བགྱིད་པ། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པ་
D284.068.0058b03.01རབ་འབྱམ་ལས་ངེས་པར་བྱུང་བ། བྱང་ཆུབ་སེམས་དཔའ་ཡེ་ཤེས་བླ་མ་གནས་པའི་ཡུལ་གྱི་རྗེས་སུ་ཞུགས་པས་དེ་བཞིན་གཤེགས་པ་ལ་མཆོད་པར་བགྱིའོ། །དེ་བཞིན་གཤེགས་པ་ལ་མཆོད་པའི་ལས་ཀྱི་སླད་དུ་དེ་བཞིན་གཤེགས་པ་ལ་མཆོད་པ་དང་། རིམ་གྲོ་
D284.068.0058b04.01བགྱི་བ་གཙུག་གི་བླ་མ་ཞེས་བགྱི་བས་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་འདུག་སྟེ། དེ་བཞིན་གཤེགས་པ་ལ་མཆོད་པ་འདི་ལྟ་སྟེ། ཕ་རོལ་ཏུ་ཕྱིན་པ་ལས་བྱུང་བ། མ་སྐྱེས་པའི་ཆོས་ལས་བྱུང་བ། བྱང་ཆུབ་སེམས་དཔའ་རིགས་བཙུན་པར་སྐྱེས་པའི་ཡེ་ཤེས་ཀྱི་
D284.068.0058b05.01མིག་གིས་རིག་པ། སངས་རྒྱས་ཀྱི་ཡུལ་ཐམས་ཅད་རྒྱས་པར་འགེངས་པས་འཇིག་རྟེན་གྱི་ཁམས་ཆོས་ཀྱི་དབྱིངས་སུ་གཏོགས་པ་མིང་གིས་ཁྱབ་པ་མང་པོ་དག་ན་ཆོས་ཀྱི་དབྱིངས་རྒྱས་པར་འགེངས་པའི་འཁོར་གྱི་དཀྱིལ་འཁོར་རྣམས་དང་། ནམ་མཁའི་ཁམས་ཀྱི་མཐས་གཏུགས་
D284.068.0058b06.01པ་ཆོས་ཀྱི་དབྱིངས་སུ་གཏོགས་པའི་འཇིག་རྟེན་གྱི་ཁམས་རྣམས་སུ་འཇུག་གོ། །དེ་བས་གོང་དུ་ཡང་མཆོད་པ་ཡོན་ཏན་དཔག་ཏུ་མ་མཆིས་པ་དང་ལྡན་པ། དགེ་བའི་རྩ་བ་ཆེན་པོའི་ཤུགས་ཀྱིས་བསྐྱེད་པ། རྡོ་རྗེའི་དབང་པོ་སྣང་བར་བགྱིད་པ། སངས་རྒྱས་ཀྱི་ཡུལ་ཐམས་ཅད་
D284.068.0058b07.01