完整藏文原文 · 德格版页 当前仅加载第 68 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མ་མཆིས་པ་དང་། སྣང་བ་མ་མཆིས་པ་དང་། བདག་ཉིད་ཆེན་པོ་དང་། ཟིལ་གྱིས་མི་ནོན་པ་དང་། ཡོན་ཏན་གྱི་ཆོས་ཐམས་ཅད་སྡུད་པ་དང་། ཡང་དག་པར་རྫོགས་པའི་སངས་རྒྱས་ཀྱིས་བཀའ་སྩལ་པའི་རྗེས་སུ་ཡི་རང་བས་རྗེས་སུ་ཡི་རང་ངོ་། །
D284.068.0063a01.01ཇི་ལྟར་བདག་གི་དོན་དུ་རྗེས་སུ་ཡི་རང་བ་དེ་བཞིན་དུ་འཇིག་རྟེན་གྱི་ཁམས་རབ་འབྱམ་མ་ལུས་པ་ཐམས་ཅད་ན་སེམས་ཅན་ཇི་ཙམ་སེམས་ཅན་གྱི་རིས་ན་མཆིས་པ་སེམས་ཅན་གྱི་ཁམས་དེ་དག་ཐམས་ཅད་ཀྱི་ཆེད་དུ་ཡང་དགེ་བའི་རྩ་བ་དེ་དག་ཐམས་ཅད་ལ་རྗེས་སུ་ཡི་རང་ངོ་། །དེ་ལྟར་
D284.068.0063a02.01བདག་དགེ་བའི་རྩ་བ་ཐམས་ཅད་ལ་རྗེས་སུ་ཡི་རངས་ནས་སངས་རྒྱས་བཅོམ་ལྡན་འདས་ཐམས་ཅད་ལ་བསྐུལ་ལོ། །དེ་ལྟར་ན་ཕྱོགས་བཅུའི་འཇིག་རྟེན་གྱི་ཁམས་ཕྱོགས་བཅུའི་མུ་ཐུག་ཡོངས་སུ་རྗེ་བར་འཇུག་པ། འཇིག་རྟེན་གྱི་ཁམས་ཐམས་ཅད་གཞི་ཕྱལ་བའི་
D284.068.0063a03.01རྗེས་སུ་འགྲོ་ཞིང་འཇུག་པ། སྟེང་གཡོགས་མེད་པའི་རྒྱུད་ཀྱི་ཕྱོགས་ཡོངས་སུ་རྗེ་བར་བཤད་པ། འཆོལ་བའི་རྒྱུད་ཀྱི་འཇིག་རྟེན་གྱི་ཁམས་མངོན་དུ་སྒྲུབ་པ། རྣམ་པར་དབྱེ་བའི་མིག་འཕྲུལ་ལྟ་བུ་ཆོས་ཀྱི་དབྱིངས་སུ་གཏོགས་པའི་འཇིག་རྟེན་གྱི་ཁམས་རབ་འབྱམ་ཐམས་ཅད་
D284.068.0063a04.01ན་སངས་རྒྱས་བཅོམ་ལྡན་འདས་གང་དག་ཁ་ཅིག་བདུད་ཀྱི་རྩོད་པའི་དམག་ཚོགས་ཐམས་ཅད་མངོན་པར་བཏུལ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཆོས་ཐམས་ཅད་ལ་སྒྲིབ་པ་མེད་པ་ཉིད་བརྙེས་པ། བྱང་ཆུབ་ཀྱི་སྙིང་པོ་
D284.068.0063a05.01མཆོག་དམ་པར་གཤེགས་པ། ཆོས་ཀྱི་ཚུལ་གཡོ་བ་མ་མཆིས་པའི་རང་བཞིན་དུ་གྱུར་པ། ཆོས་ཀྱི་སྐུ་རབ་ཏུ་ཞི་བ་དང་ལྡན་པ་དག་འདི་ལྟ་སྟེ། ཆོས་གཟུང་བར་མཛད་པའི་སླད་དུ་འཇིག་རྟེན་ཐམས་ཅད་ན་བསྐུལ་བའི་ས་ལ་གཞེས་ཏེ། ཆོས་ཀྱི་འཁོར་ལོ་མི་སྐོར་བའི་སངས་རྒྱས་བཅོམ་ལྡན་
D284.068.0063a06.01འདས་དེ་དག་ལ་བདག་གིས་བླ་མ་ལ་རི་མོ་གུས་པར་བགྱི་བ་ཆེན་པོས་ལུས་བཏུད་པ་བགྱིས་ནས་ཆོས་ཀྱི་འཁོར་ལོ་ཆེན་པོ་རབ་ཏུ་བསྐོར་བར་བསྐུལ་གྱིས། བྱང་ཆུབ་སེམས་དཔའ་ཐམས་ཅད་ཡོངས་སུ་གྲུབ་པར་བགྱི་བ་དང་། འགྲོ་བ་ཐམས་ཅད་བསྐྱབ་པ་དང་། ཉོན་མོངས་པ་ཐམས་ཅད་
D284.068.0063a07.01