完整藏文原文 · 德格版页 当前仅加载第 68 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་མཆོད་པ་དང་། རིམ་གྲོ་བགྱི་བ་བྱང་ཆུབ་ཀྱི་སྙིང་པོ་མཆོག་དམ་པ་ན་གནས་པ་བྱང་ཆུབ་སེམས་དཔའ་ཀུན་དུ་བཟང་པོའི་གཙུག་གི་བླ་མ་ཞེས་བགྱི་བས་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་འཇུག་པ་གང་ལགས་པ་དེ་ལ་ཡང་རྗེས་སུ་ཡི་རང་ངོ་། །ཡང་དག་པར་རྫོགས་
D284.068.0062b01.01པའི་སངས་རྒྱས་དུས་གསུམ་དུ་གཤེགས་པ་རྣམས་ཀྱི་དགེ་བའི་རྩ་བ་ཐབས་མཁས་པ་བསམ་གྱིས་མི་ཁྱབ་པས་རྣམ་པར་འཕྲུལ་པ་དང་ལྡན་པ་གང་ལགས་པ་དེ་ལ་ཡང་རྗེས་སུ་ཡི་རང་ངོ་། །གོང་དུ་ཡང་བྱང་ཆུབ་སེམས་དཔའ་བདུད་ཀྱི་རྩོད་པའི་དམག་ཚོགས་ཐམས་ཅད་རབ་ཏུ་
D284.068.0062b02.01གདུལ་བར་འཚལ་བ། ཕས་ཀྱི་རྒོལ་བའི་ཚོགས་ཐམས་ཅད་ཟིལ་གྱིས་གནོན་པར་འཚལ་བ། མ་རིག་པའི་མུན་པ་མུན་གནག་དང་། རབ་རིབ་ཀྱི་ལིང་ཏོག་མང་པོ་སེལ་བར་འཚལ་བ་ངན་སོང་དང་། མི་ཁོམ་པ་དང་། ངན་འགྲོའི་ལམ་ཐམས་ཅད་གཅོད་པར་འཚལ་བ།
D284.068.0062b03.01ཡེ་ཤེས་ཀྱི་དཀྱིལ་འཁོར་ཐམས་ཅད་རྣམ་པར་སྦྱོང་བར་འཚལ་བ། ཆོས་ཐམས་ཅད་སྣང་བ་ཐོབ་པར་འཚལ་བ། ཀུན་དུ་བཟང་པོའི་ལུས་ཁྱུ་མཆོག་ཏུ་གྱུར་པ་ཐོབ་པར་འཚལ་བ། འགྲོ་བ་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཚིམ་པར་བགྱིད་པའི་དབྱངས་ཀྱི་ཡན་ལག་རྣམ་པར་
D284.068.0062b04.01དག་པ་ཐོབ་པར་འཚལ་བ། ཆོས་ཐམས་ཅད་ཇི་ལྟ་བ་བཞིན་དུ་རྟོགས་པར་བགྱི་བའི་སླད་དུ། ཡེ་ཤེས་ཀྱི་མིག་རྣམ་པར་སྦྱོང་བར་འཚལ་བ། འཁོར་བའི་འཁོར་ལོ་བཟློག་པར་འཚལ་བ། ཆོས་ཀྱི་འཁོར་ལོ་ཆེན་པོ་རབ་ཏུ་བསྐོར་བར་འཚལ་བ། སྟོབས་བཅུའི་ཡེ་ཤེས་ཀྱིས་
D284.068.0062b05.01ནོན་པར་འཚལ་བ་རྣམས་ཀྱིས་ཇི་ལྟར་སངས་རྒྱས་བཅོམ་ལྡན་འདས་དག་གིས་སངས་རྒྱས་ཀྱི་མཁྱེན་པ་ཆགས་པ་མི་མངའ་ཞིང་སྒྲིབ་པ་མི་མངའ་བས་མཁྱེན་ཅིང་རབ་ཏུ་མཁྱེན་པ་དེ་ལྟ་བུས་དགེ་བའི་རྩ་བའི་ཚོགས་ཐམས་ཅད་ལ་རྗེས་སུ་ཡི་རང་བར་བགྱི་བ་དེ་བཞིན་དུ་བདག་ཀྱང་རྗེས་སུ་
D284.068.0062b06.01ཡི་རང་བའི་མཆོག་གིས་རྗེས་སུ་ཡི་རང་ངོ་། །གཙོ་བོ་དང་། དམ་པ་དང་། ཁྱད་པར་དུ་འཕགས་པ་དང་། རབ་དང་། ཕུལ་དང་། གྱ་ནོམ་པ་དང་། བླ་མ་དང་། བླ་ན་མ་མཆིས་པ་དང་། མཉམ་པ་མ་མཆིས་པ་དང་། མི་མཉམ་པ་དང་མཉམ་པ་དང་། མཚུངས་
D284.068.0062b07.01