完整藏文原文 · 德格版页 当前仅加载第 68 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་དང་མཉམ་པ་དང་། མྱ་ངན་ལས་འདས་པ་དང་མཉམ་པ་དང་། མི་མཉམ་པ་དང་མཉམ་པ་ཉིད་ཀྱི་རྗེས་སུ་ཡི་རང་བས་རྗེས་སུ་ཡི་རང་ངོ་། །ཇི་ལྟར་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་
D284.068.0075a01.01ལྡན་འདས་བྱང་ཆུབ་སེམས་དཔར་གྱུར་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཐབས་ལ་མཁས་པ་ཟུང་དུ་འབྲེལ་བ། མ་ཆགས་པར་སྤྱད་པ། ཤིན་ཏུ་སྤྱོད་པ་སྤྱད་པ། རབ་ཏུ་མཁྱེན་པས་མཁྱེན་པ་དེ་དག་གིས་སངས་རྒྱས་ཀྱི་ཡེ་ཤེས་མངོན་སུམ་དུ་མཛད་
D284.068.0075a02.01ནས་དགེ་བའི་རྩ་བ་དེ་དག་ལ་རྗེས་སུ་ཡི་རང་བ་དང་། རྗེས་སུ་ཡི་རང་བར་མཛད་པ་དང་། རྗེས་སུ་ཡི་རང་བར་འགྱུར་བའི་མཉམ་པ་ཉིད་དེ་དང་། ཆོས་ཉིད་དེས་རྗེས་སུ་སློབ་པ་དེ་བཞིན་དུ་བདག་ཀྱང་རྗེས་སུ་ཡི་རང་ངོ་། །རྗེས་སུ་ཡི་རང་བ་མཆོག་དང་། མ་ཆད་
D284.068.0075a03.01པ་དང་། མ་ལྷག་པ་དང་། ནམ་མཁའ་ལྟར་རྣམ་པར་དག་པ་དང་། ཤེས་རབ་དང་། ཡེ་ཤེས་ཀྱིས་རྟོགས་པ་དང་། གཞན་ཡང་ངེས་པའི་དོན་གྱི་ཆོས་དང་ལྡན་པ་དང་། བླ་ན་མ་མཆིས་པ་དང་། ནམ་མཁའ་དང་མཉམ་པའི་རྗེས་སུ་ཡི་རང་བས་
D284.068.0075a04.01རྗེས་སུ་ཡི་རང་ངོ་ཞེས་བརྗོད་པར་བྱའོ། །རིགས་ཀྱི་བུ་འདི་ནི་སངས་རྒྱས་བཅོམ་ལྡན་འདས་ཀྱིས་བཀའ་སྩལ་པའི་རྗེས་སུ་ཡི་རང་བའི་ཕུང་པོ་ཁ་ན་མ་ཐོ་བ་མེད་པའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་དེས་དེ་བཞིན་དུ་འདུག་སྟེ། ཚིག་འདི་སྐད་ཅེས་
D284.068.0075a05.01སངས་རྒྱས་བཅོམ་ལྡན་འདས་གང་དག་ཁ་ཅིག་འཇིག་རྟེན་གྱི་ཁམས་དཔག་ཏུ་མ་མཆིས་ཤིང་གྲངས་མ་མཆིས་པ་རྣམས་སུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཆོས་ཐམས་ཅད་མ་དམིགས་ནས་བདུད་བཞིའི་ལམ་ལས་ཡང་
D284.068.0075a06.01དག་པར་འདས་པ། བརྗོད་དུ་མེད་པའི་ཆོས་སྐྱོན་མ་མཆིས་པ་བརྙེས་པ། ཡི་གེ་དང་། བརྗོད་པ་དང་། སྐད་ཐམས་ཅད་དང་བྲལ་བ། ཆོས་ཇི་ལྟ་བ་བཞིན་དུ་བརྙེས་པ། ཐབས་མཁས་པས་ཆོས་གཟུང་བར་མཛད་པའི་སླད་དུ་ཇི་ཙམ་དུ་བརྟགས་པ། སེམས་ཅན་
D284.068.0075a07.01