完整藏文原文 · 德格版页 当前仅加载第 68 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ། དགེ་འདུན་འཕགས་པ་རབ་ཏུ་གནས་པ། གདུལ་བའི་སེམས་ཅན་དག་ཤིན་ཏུ་བཏུལ་བ། མྱ་ངན་ལས་འདས་པའི་བདེ་བ་ཚོལ་བ། ཆོས་གཟུང་བ་འཛིན་པར་མཛད་པའི་སླད་དུ་ཡོངས་སུ་མི་སྐྱོ་བ། ཡོངས་སུ་མྱ་ངན་ལས་འདའ་བར་
D284.068.0076a01.01བཞེད་པའི་སངས་རྒྱས་བཅོམ་ལྡན་འདས་དེ་དག་ལ་བདག་ཆོས་ཀྱི་དབྱིངས་གནས་པའི་ཚུལ་གྱིས་ཇི་ལྟར་དེ་དག་མི་སྐྱེ་བ། མ་སྐྱེས་པ་དེ་བཞིན་དུ། མ་འགགས། མི་འགག །འགག་པར་མི་འགྱུར་བར་བཞུགས་སུ་གསོལ་ལོ་ཞེས་བརྗོད་པར་བྱའོ། །རིགས་
D284.068.0076a02.01ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་གསོལ་བ་འདེབས་པ་ཡོད་པ་མ་ཡིན་པ་ལེན་པ་མེད་པ་ཁ་ན་མ་ཐོ་བ་མེད་པའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་དེས་དེ་བཞིན་དུ་འདུག་སྟེ། ཚིག་འདི་སྐད་ཅེས་མ་མཆིས་བཞིན་དུ་བདག་གིས་མགོས་ཕྱག་
D284.068.0076a03.01བགྱིས་པ་དང་། བཤགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་འདེབས་པ་གང་ལགས་པ་དང་། ཕྱག་འཚལ་བ་དང་། འཆགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་འདེབས་པ་དེ་ཡང་མ་
D284.068.0076a04.01མཆིས་པ། ལེན་པ་མ་མཆིས་པ། འདུས་མ་བགྱིས་པའོ། །དེ་ལྟར་ཕྱག་འཚལ་བ་དང་། འཆགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་འདེབས་པ་གང་ལགས་པ་དེ་ཡང་མ་མཆིས་པ། ལེན་པ་མ་མཆིས་པ། འདུས་
D284.068.0076a05.01མ་བགྱིས་པ་སྟེ། དེ་བཞིན་དུ་བྱང་ཆུབ་ཀྱང་ལེན་པ་མ་མཆིས་པ། འདུས་མ་བགྱིས་པ་སྟེ། ཆོས་ཉིད་དེ་དང་། མ་ཆད་པ་དང་། མ་ལྷག་པ་དང་། མ་སྨད་པ་དང་། མཉམ་པ་མ་མཆིས་པ་དང་། མི་མཐོ་བ་དང་། མི་དམའ་བའི་ཡོངས་སུ་བསྔོ་བས་
D284.068.0076a06.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཆོས་ཕྲ་རབ་ཙམ་ཡང་མི་དམིགས་པར་ཡོངས་སུ་བསྔོའོ་ཞེས་བརྗོད་པར་བྱའོ། །མིག་གཟུགས་རྣམས་ལ་མི་འཇུག་སྟེ། གཟུགས་ཀྱང་མིག་ལ་མ་ཡིན་མོད་ཀྱི་འོན་ཀྱང་དམིགས་པའི་རྒྱུ་རྐྱེན་གྱིས་རྣམ་པར་ཤེས་པ་འབྱུང་སྟེ།
D284.068.0076a07.01